1 TIMOTHI 6:3 - OTSAO BAIBEL (BSI)

³ Opange othai Baibel kaxtong anwot-ano üihex kem Jowanpa Jisu Khrista kaxbu füi ilaxle hwom zanglom hwon-nwot füi nochitomle tüipuix,

1 TIMOTHI 6:3 ပူးပေါင်းရင်းမြစ်များ

1 TIMOTHI 1:3

Ku Mesidonia to kaüi lom to kue nang füi akaxkya ningle, kue nang a Efisia ma nuikoxle müisele texpu. Ikhato züizüie othai hwon-nwot apukle ngole, nange hwom ang dang angkya kax kox angkya changle.

1 TIMOTHI 1:10

omüi-oma süile tsing ang chitsuakkyabu hanpakma, ahuxle mix kople paokyabu hanpakma, atse le zangwün ilaxle othai kaxkhi fakyabu hanpakma, tsaothale sungoünkya Baibel kaxtong füi apüile saxmokkya chemchem jangtüi thünba, iningkyabu hanpakmale zingkya changpu.

TITA 1:9

Lai kax otong füi notomkya mongong tangkya kaxho to chixe mongle kop angkya changle. Iningle chixe otsingtsing hwon-nwot makhange mix ang zong adün ang thoüi ilaxlechu ija füi opüima tüikyabu hama hwom thaikya kha aho ang thoüi.

2 TIMOTHI 4:3

Khünaknue changkya anwot-anokya to na chitha angkya hanpak hüiüi, ikoxle ma küntsu monglua lom to leüi ilaxle hwom mongto apase le bule tüikyabu mo wün angkya nwotmixbu hwome süchongchongle asüiüi.

ROM NOK HATO ZAKYA POL LAIZA 16:17

Kutüi kunaohom, kue hünzom zongsaipu; ahak ahan angkya mix hia mongong ma khünaknu chikho asua ang kox angkya mix, owa hünzome pongle kopdaokya hwon-nwot zongto opüima tüipuix, ibu hanpakma mik-hingle ngolax; hwom füi atsaile ngolax.

TITA 1:1

Zang da tamchu Khrista wangshem Pol tokhange: Zange zün le kopkya khünaknu to fong ang ilaxle oshuk chitüikya khosün monghom chifün ang laxlaxle ngokya kem zanglome anwot-anokya otsingtsing hato hwom zun le apüi ang ku zün le koplax le tsanle apaokya changpu.

2 TIMOTHI 1:13

Nange tole azui angkya olom tuita ningle, kue nang hama wündaokya otsingtsing kaxbu to nange mongle kün koplax, ilaxle Khrista füikya notom ma kem kux ang tüikya mongong hia mongkün ma chiatsai le ngolax.

1 TIMOTHI 1:6

Ibu khatokya züizüi a chatle paoüna üntoxle ongat zangwünbu ma hwom lom asam daoa.

1 THESALONIKA 4:8

Idaile, khünak owae ija hwon-nwot kax chilaxle awütüi hex, chixe khünak chiekya münchang, ikoxle Zang, owae Otsao Chasa koxpuix, chix chiepu.

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

WANWÜNKAX 15:4

Chingcha zangwüne khüzün apüile, ikoxle mongtsik zangwüne nang chasa thule akhünle.

TITA 3:8

Ija kax a otsing tomtata changle. Ija bama nange onüi khünzule namwünbae le kue texpu, ikoxletix opange Zang to mongong laxpuix hwome müikya tamchu nok zongto wüi mwot ma hüikya müikya mwot mok ang hanpak fa angkya bama hwom mong ma kakle texüi.

MATHI 22:21

Hwome lan: “Ija a Kaisar mua changpu.” Ija khoma Jisu-e hwom ang thüi: “Müidaoa, Kaisar kux Kaisar ang laxkox; Zang kux Zang ang laxkox.”