1 TIMOTHI 6:2 - OTSAO BAIBEL (BSI)

² Da opang ang hopunu khristanbu changlaxpuix, hwome ma hopunubu wünahai le taxchang, chemthüikoxle hwom a tüinaohom changle. Itülüi, ibue mix sümüi le hwom thotha angkya changle, chemthüikoxle opange hwom mwot makhange lap koplaxpuix ibu a hwome mongkünkya mongong khünakbu changle. Nange ibu apua angkya tamchu anwot-ano angkya changle.

1 TIMOTHI 6:2 ပူးပေါင်းရင်းမြစ်များ

KOLOSI 4:1

Opunubu, hünzome ma dabu to tomwüi ilaxle sukya lom ma hume kox. Hünzom hanpak angchu zangkangting to hopupa tuita tüile le texle ataklax.

1 TIMOTHI 4:11

Hwom ang adangle fakox ilaxle ibu anwot-anole laxkox.

JUD LAIZA 1:8

Ija lailaile, ojae hwom tsangtsa zongto ochax ang achang ang tompuix, hwome ija wünmang ngünle; hwome Zange apün-adakya chilax üntoxle thakto fuazangle tüikyabu ahai.

2 PITAR 2:10

tamnüilechu opang müi-hi-aji olom to chitsaokya to mong zalokya füi ahampuix, üntoxle Zange apün-adakya thua anupuix, ibu hanpakma. Ibu othai hwon-nwotmixbu a mong tsakle tüikyabu üntoxle ma mongtextex ma saxmok le tüile, üntoxle thakchi to fuazangle tüikyabu thua hwom münza; itülüi hwome ibu adix-adale.

1 PITAR 5:1

Hünzom füi tomle ku chuwüi tüichong mixmüi tuita ningle; Khrista sikngün bama kaxkhi tamchu ngaiüi tüikya fuazang ma süntswon angkya mix tuita ningle, kue hünzom kha angkya tüichong mixmüibu zongsaipu:

IBRI 3:14

Chemthüikoxle pongwang tokhange wüi tüikya tata tokya mongong oshuk kople, shingmongle jangtwon thüiningle kem pangwüi Khrista füi chifan-chijan zuikhui changle.

IBRI 3:1

Kutüi kunao khristanbu, opangchu wüi Zange nyakkya changlaxpuix! Kem manzai ang laxkya mongong bama Nguakho ang Zange owa tomle ajopuix, ija Jisu bama ajanglax.

TITA 3:8

Ija kax a otsing tomtata changle. Ija bama nange onüi khünzule namwünbae le kue texpu, ikoxletix opange Zang to mongong laxpuix hwome müikya tamchu nok zongto wüi mwot ma hüikya müikya mwot mok ang hanpak fa angkya bama hwom mong ma kakle texüi.

TITA 2:15

Hünzom kax to apakyabu zong adün pongma tamchu hwom to sa pongma ibu anwot-ano ilaxle hünzom apün-adakya komkaile twonkox.

TITA 2:1

Tsaothakya Lai kax otong füi chem motomle tüipuix, hünzome ija anwot-ano angkya changle.

1 TIMOTHI 5:1

Azupa to taxsa, ikoxle hopa tuita ningle chix to zingmüi ma achuak achenle wünkox. Ma füi naolibu to manao büta,

2 THESALONIKA 1:3

Kwomtüi kwomnaohom, othuithuima kwome hünzom hanpakma Zang ang münchong fa angkya changle. Ile mok angkya kwom zongma sukya mwot changle, chemthüikoxle mongong namwüi chongle hüile ilaxle hünzome tata to mongkünkya mong süchong süchongle chongle.

KOLOSI 1:4

Chemthüikoxle Khrista tokya hünzom mongong üntoxle Zang khünaknu tokya hünzom mongkün bama kwome atatle.

KOLOSI 1:2

Kolosi angkya Zang khünaknu, Khrista füikya notom ma opang kwom tüinaobu hex, hwom hato: Zang kem Hopae chingcha üntoxle mongkün fahüi.

EFISIA 3:6

Huxsa zangwün a ija changle: Kaxho Müikya makhange mixnokbuechu Jehudi nok füi Zang mohiman mantswon ma tuita; tuita tompo ma wom ilaxle Khrista ma Zang kaxtsaobu tomwüi tom-hanüi.

EFISIA 1:15

Ija khoma kue Jowanpa Jisu ma hünzom mongong ilaxle Zang khünaknu to hünzome mongkünkya atatkya tokhange,

EFISIA 1:1

Zang küntsu monglua tokhange Khrista wangshem ang achangkya Pol tokhange: Khrista füikya notom ma mongong ma chiale le ngokyabu, Efisia ma tüikya otsao khünakbu hato:

GALATIA 5:6

Jisu Khrista füikya notom ma kem khwon chizütkya hia zütkya ma mafanfan chemchu müntüi, ikoxle zangwün a mongong füi mwot mokkya matix tüile.

ROM NOK HATO ZAKYA POL LAIZA 11:17

Küithwom le alaikya Olip pün angkya okangsabu züizüi pakle awüt, ilaxle fao olip pünkang ija füi asople kox. Hünzom mixnokbu a ija fao olip pün thatha changpu; ilaxle athax hünzome Jehudi nok tsün ma ahak-aluakya hia otsak ozong ahanle lax ngopu.

ROM NOK HATO ZAKYA POL LAIZA 8:29

Tüi-hi-naohom khama Zang Hosa puxkya owang ang achang angkya bama, Zange opang kamle kopdao laxpuix, tamchu chix Hosa ningle achang ang süile danle.

MATHI 25:40

Wanghome chatle lanüi: ‘Otsingtsingma kue hünzom ang thüipu: ku tüinao hixkyabu to hünzome humekya a ku to humekya changpu!’

MATHI 23:8

Hünzome tata ang ‘Nwotmix’ le nyak angkya oli münchang chemthüikoxle nwotmix a tuita wüi.

MATHI 6:24

“Owachu hopunu anyi da ang ngo ang müntsuak. Ile changkoxle chixe tuita thua anu ikoxle tuita to a mongkünle changüi. Chixe tuita kax ma laxle tüiüi ikoxle ata kax ma a chilaxle changüi. Hünzome Zang hia Ngun pangnyi thotha ang müntho angkya changle.

JOEL 2:28

“Ifüima kue ku Chasa pangnusa ang thokle koxüi; hünzom sasün hia sacha hwome ku kaxho apuküi; hünzom zunu-zupabue wünmangbu ngünüi, ilaxle hünzom tsünzünbue mikza wünmangbu ngünüi.

HUAKE LAIPEX 16:3

Hwom Mosa hia Arun nyi zui ma asox ilaxle thüi: “Hünkhi a müimama lüwüi ziakaile leüna! Tunu angkya noknusa wüi Jowanpa kux changle, ilaxle Jowanpa a kem pangnusa füi tüipu. Jangchangba, Mosa, nange, Jowanpa khünakbu thakma akhokya nang tata wüile büthüikya ma texlaxpu?”

WANGSHEMBU MWOT 1:15

Hanpak nyixta anyi füima mongong mixbu afoxkya hanpak tüikya, hwom pangnu mixhuak hota tsa tukux changkya, üntoxle Pitar akax ang ajong,