1 TIMOTHI 6:18 - OTSAO BAIBEL (BSI)

¹⁸ Müikya mwot mok angkya, müikya mwot ma ahak alua angkya, mixfüi ahan-achüi le lax ang mongtsutsu le tamchu achwonle ngo angkya bama hwom ang kaxtom laxkox.

1 TIMOTHI 6:18 ပူးပေါင်းရင်းမြစ်များ

IBRI 13:16

Müikya mwot mok ang tamchu tata to fongtsox angkya taxalak, chemthüikoxle ibu a Zang mongmüi ang tomkya töbu changle.

1 JUHAN 3:17

Hakpa sün tuitae tüinao tuita tuile ngokya ngün, ikoxlechu ma tüinao zongto mongka chidap, ile changkoxle chixe Zang to mongkünpu le chemle akax thoüi?

ROM NOK HATO ZAKYA POL LAIZA 12:8

Mix ang zong adün angkya jangchangchu, keme ile mok angkya wüi changle; ma tuina mix füi ahan achüikya mixchu okhex-oküi chitüi le mok angkya changle; owa ma apün-awang angkya zong tüilaxpuix, mwot azongle mok angkya changle; owae mix to chingcha aho laxüihex, chixe ija mongmüi pwonla le mok angkya changle.

MÜNCHUAK-TSAI 37:3

Jowanpa to mongong thomlax üntoxle müikya moklax; ija haxtok ma azangle ngolax.

TITA 3:8

Ija kax a otsing tomtata changle. Ija bama nange onüi khünzule namwünbae le kue texpu, ikoxletix opange Zang to mongong laxpuix hwome müikya tamchu nok zongto wüi mwot ma hüikya müikya mwot mok ang hanpak fa angkya bama hwom mong ma kakle texüi.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

KAXHO MÜIKYA LUK 12:21

Jisu-e ile akaxle ashuk: “Zang miksho ma a, chix ma chemchu chitüi, ikoxlechu ma hanpakma thanu juapa huanuma athünle thomkyabu hanpakma ija ningle changpu.”

GALATIA 6:10

Idaile kem ang otukux oshua tüipuix itukux keme noknusa towüi müikya mwot mok angkya oli changle, tamnüilechu mongong ma kem füi homkha tuita ang ngokyabu ang mok kox angkya oli changle.

ROM NOK HATO ZAKYA POL LAIZA 12:13

Hünzome chitüi chinangkya tüinao füi hünzom bwotba ahan achüi le laxkox, ilaxle mixhing wünpabu hanpakma hünzome ma hom ka daple laxkox.

1 TIMOTHI 5:10

ilaxle müikya mwot mokkya khoma münmüi koplaxle tüikya mixnu tuita, owae masu masa müile atsünpuix, hom ma mixwünbu pongle koppuix, ma üitho khristanbu hato hwom tong to jokya mwot mokle ahopuix, ilaxle ma alüile müikya mwot to khünzule ngopuix, iningkya mixcha tix zomnu khato ema laxkox.

2 KORIN 8:9

Kem to künkya Jowanpa Jisu Khrista mongkün chemtukux chongle tüipuix ija hünzome awanpu. Zang chifün chikao ma chasa ma chix ahak-aluale tüikya, ikoxlechu hünzom khosün angkya kuxma chix chaxwannu to ngui ilaxle chitüi chinangkya mix tuita ang ngo. Hünzom chasa ma ahak-aluale tüi angkya kuxmale chixe ija mok.

2 KORIN 8:12

Nange otukux tsuakpuix itukux mongtsu laxle jangmok thüiba, nang hingho füi Zang mongzom müikya tüiüi. Nang ma ngax chitüi khato koxüi changtüi angpu le Zange otuechu münthüt.

1 KORIN 16:2

Ku nguikya zuma ngun saile chingo angkya kuxma, mae kopkyakya ma thütle, nazak nyixnyix hünzom pangnusae wüi ngun hidaopong saile athün thom angkya changle.

ISAIA 58:7

Nang süt a chitüi-chinang füi ahanle saxkox ilaxle homhax chitüikyabu ang nang hom daple laxkox. Nyiwun chitüikyabu ang nyiwun laxkox, ilaxle ma haxnu-homsa hwom to münfongpu le tax-angam.

HWON-NWOT-JAONO 11:6

Nange anopningle tamchu hansongechu küi-thwomle changlax, ikoxlechu ija müile tsongüi hia chitsongüi tamchu mixe küi-thwomkya füi ataxle chimüimüiüi nange müntik.

MÜNCHUAK-TSAI 112:9

Chixe chitüi-chinang mix ang mongtsutsule kox-zunle, ilaxle chix chingcha otuechu thaithaxle münbang; chix a tsak-zongle tamchu achuak-achenle tüiüi.

3 JUHAN 1:11

Ku mongkün, ochax hwon taxlax ikoxle chem müipuix ija hwon laxlax. Owae müikya mwot mokpuix ija a Zang tokhange changle, ikoxle owae mwot oma mokpuix chixe Zang mangün.

JAKOP 2:5

Ku tüinaohom, apahüi! Mongong ma ahak-alua ang tamchu chix to mongkünkyabu ang tsaole tüikya wangting kop angkya kuxma Zange Ija chaxwannu angkya chitüi-chinangkyabu pai-zün lelaxle.

WANGSHEMBU MWOT 9:36

Chopa ma Tabitha le amünkya mixcha tuita tüikya, she a mongong mixcha tuita changkya. (Grik kax ma she ang Dorka le amün, thüikoxle müikhi le amün). She e ma hanpak pangnu müikya mwot mok ang tamchu chitüi chinang mix to fong ang ashix.

ISAIA 32:8

Ikoxlechu achuak-koxle sule tüikya khünake mwot sule mokle ilaxle chem supuix ija bama shingmongle ajongle.

HWON-NWOT-JAONO 3:12

Idaile kue texpu, keme moktsuak angkya oli a mongmüile ngo angkya ilaxle ozün ma tüipongma tsuakkya tukuxle müile mok angkya, ijatix changpu.

2 PUKAX-PANGAO 24:16

Israel nok hanpakma, Zang hanpakma tamchu Zangshwom-Hom hanpakma chixe mokle hüidaokya mwotbu to e-sekya ningle hwome chix mang a Dawid Tingnu ma wanghom hwom zukting ma akhün.

1 PITAR 3:11

Ochax tokya chix chatlax, üntoxle mwotmüi moklax; mong bakle koxlaxle; mongsom tangchualax.

WANGSHEMBU MWOT 11:29

Jehudi haxtok angkya tüinaobu to fong angkya hanpakma hwom mixhuak pangnue wüi mae tsuakkya apongle hingho akat angkya bama Jisu wangshembue zangwün tsuak.

WANGSHEMBU MWOT 10:38

Hünzome, Nazareth nok Jisu bama, ilaxle Zange chix ang Otsao Chasa tamchu tsakzong koxkya bamachu awanle ngopu. Chix pangnu khato aham, üntoxle Zang chix füi tüikoxle khünaknu zongma müikya mwot chixe mok üntoxle haxshix zonge kople thomkyabu pangwüi chixe amüi.

MATHI 5:42

Owawae nang ma lita jangju, chix ang laxkox; ilaxle owawae tam twon angle ju pongma ija kox ang nang taxakhex.

KAXHO MÜIKYA LUK 3:11

Chixe lan: “Owa ma nyipong anyi tüipuix chixe chitüikya mix ang kox angkya oli, üntoxle sax ang ling ang tüikya mixechu ahanhanle saxlax angkya changpu.”

EFISIA 4:28

Ahux mixe mix tsangtse le saxkya dandao, ilaxle mae otya ma saxlaxle ngo ang tsuakkya boma chitüi chinang to asun ang tsuakkya lima mwot mok ang sütkox.