1 TIMOTHI 6:16 - OTSAO BAIBEL (BSI)

¹⁶ Chizi angkya a chix tata wüi. Chix owaechu tümangüntox; owaechu tamngün ang thoüi münchang. Achuak achenkya tamchu oshuk chitüi le apün-awang angkya chix kux wüi naxchang! Amen.

1 TIMOTHI 6:16 ပူးပေါင်းရင်းမြစ်များ

1 TIMOTHI 1:17

Oshuk chitüikya wanghom, chizi angkya tamchu ngün ang chithokya chix boma chatle Zang tamchitüi: chix ang achuak achenkya tamchu fuazang othuithuima naxchang! Amen.

JUHAN 1:18

Owaechu Zang ongaichu mangün tox; ikoxle Hopa hama chix füi tomwüi ngokya, tuita wüi tüikya Hosa etix chix apuale fapu.

1 JUHAN 1:5

Hosa makhange kwome atatle laxkya hünzom ang tsingang tomkya kaxho a ija: Zang a zangngai, ilaxle chix ma zangnak ojao müntüi.

MÜNCHUAK-TSAI 90:2

Haxhuabu zingle alaiüi thoto wüi chichangba chaxwannu zingle alaiüi thoto wüi, nang a oshuk-owang chitüikya Zang ang ngole hüi, ilaxle othuithuima Zang ang ngo angkya changle.

KOLOSI 1:15

Khrista a mike ngünkya tuita mike chingünkya Zang ocha changpu. Chix a pongwang ole puxkya nao, chakzing pangnu thakma akhokya changpu.

JUHAN 6:46

Zang tokhange hüikya mix boma mama owaechu Zang ngündaoa le münchang; Hopa a chixe tix ngüntan;

MIKNGÜN-OHÜN 22:5

Ikhato otuechu zangnakkya müntüi, ilaxle wüntik hia zanghane fakya hwom zongto chem mwot ang münchang, chemthüikoxle Opunu Zang tix hwom zangngai ang changüi, ilaxle hwome wanghombu ang achangle othuithuima apün-adaüi.

MÜNCHUAK-TSAI 104:2

Nange nang to zangngai füi chwoplaxle tüile. Nange zangdingbu a nyihom lailaile pün,

LAIPAO 3:14

Zang-e Mosa ang thüi: “‘KU A KU CHANGPU’, idaile nange Israel khünaknu hama: Ku a hünzom hato kue tsanle akatpu, le thüikox.”

MIKNGÜN-OHÜN 4:11

Kwom hopunu Jowanpa tamchu Zang ang, fuazang münchong hia tsakzong, kop ang nang asule tüile; pangnu li wüi nange zing koxle; ilaxle nang mongtex matix ibu, pangnu ozün ma

MIKNGÜN-OHÜN 1:6

Chixe kem to mongkün, üntoxle tö koxle chix zikya makhange chixe kem ochax tokya da üntoxle chix Zang tamchu Hopa thotha ang kem ma nguapabu wangting zingle. Fuazang hia tsakzong othuithuima Jisu Khrista, chix kux wüi naxchang. Amen.

JUD LAIZA 1:25

thüikoxle Zang tuita kem khosünpa ang, kem Jowanpa Jisu Khrista makhange, fuazangkya, achuak achenkya, tsakzong üntoxle apün-adakya, ami kaitokhange, athaxchu üntoxlechu oshuk tamchitüitox le naxchang! Amen.

EFISIA 3:21

müimüithom ma ilaxle Khrista ma ojento, tamchu oshuk chitüi toxkya fuazang naxtüi! Amen.

HABAKUK 3:4

Zangchangjep fixfaxle nyankya füi chix nguile ngole; chix chak makhange wüne nyanle, chix tsak-zong pyenle tüikya khato.

ISAIA 57:15

“Ku a jento ngokya Khüthak tamchu otsao Zang changpu. Ku a atsuakya khato tamchu otsao nui to ngole, ikoxle kue a puinaile tüikya hia künlop-monglüile tüikyabu füichu ngopu, ija a hwom mongong hia monghom achatle koxtsuak angkya hanpakma.

MIKNGÜN-OHÜN 7:12

hwome thüi: Amen! Achuak achenkya, fuazang, je-hwon, münchong fakya, chathua zakya, tsakzong üntoxle tholünkya, jento kem Zang kux wüi naxchang! Amen!

IBRI 13:8

Jisu Khrista a münyix, anyix üntoxle othuithuima otyatya.

LAIPAO 33:20

Kue nang ang ku thünza ngün ang müntom, chemthüikoxle ku ngün füima owachu ozün ma ngo ang müntho.

MIKNGÜN-OHÜN 21:3

Chongwang tüntong makhange akhongle akaxkya kaxzing tuita kue ile atat, “Zang hom a athaxpi, khünaknüsa füi tüiüna! Chix hwom füi tomle ngoüi; hwom chix khünaknu ang achangüi. Zang jaojao hwom füi tüiüi; chix a hwom Zang ang changüi.

JUHAN 14:9

Jisu-e chix ang thüi: “Filip, ku hünzom füi ibibile ngokox ngaxchu, nange ku matsing lehi? Owae ku ngündao puix, chixe Apachu ngündaoa; jangchangba hünzom hato Hopa ahohüi le nange büthüikya to thüipu?

MIKNGÜN-OHÜN 1:8

Owa athax tüipuix, tüikyahex, üntoxle tüi angkya hex, ija Jowanpa Khüthak Zange thüi: “Ku a Alfa tamchu Omega” thüikoxle Owang tamchu oshuk.

JUHAN 8:58

Jisu-e hwom ang thüi: “Otsingtsingma kue hünzom ang thüipu, Abraham mapuxba wüi ku tüikya.”

FILIPI 4:20

Zang kem Hopa ang othuithuima fuazangkya naxchang! Amen.

TSAITONG-KAXTONG 32:40

Chemle ku ozün ma ngokya Zang hex, ilailaile kue ku chak ajongpu ilaxle tsaopu

JOB LAIPEX 37:23

Zang tsak-zong huanu changkya khoma kem chix hato ngui ang müntho; chixe kem füi asax-amokle changpongma chix a otsao changle.

JAKOP 1:17

Müikya tamchu okhonguikya hingho pangwüi zangkangting tokhange hüikyabu changpu. Ija a, ding to zangngai zingle alaikya, owa tamchu chijei chichangba loploplüi le chitüi, ija Zang tokhange hüikya changle.

1 JUHAN 1:7

Ikoxle chix chemle zangngai ma tüipuix ilailaile kemchu wüi zangngai ma jangngo thüiba kem tata füi notom ma ngopu, üntoxle chix Hosa Jisu aji makhange ochax pangnu tokya kem tsao ang tomle.

1 JUHAN 4:12

Owaechu Zang tümangün tox, ikoxlechu keme tata to mongkünle jangtuiba, notom ma Zang kem füi tüile, ilaxle kem ma chix mongkün ma okhongui ang tomle.