1 TIMOTHI 6:14 - OTSAO BAIBEL (BSI)

¹⁴ kem Jowanpa Jisu Khrista ngaikya nyix mahüi tanto nang ang koxkya kax ma laxle tamchu mongao angkya chitüi le ibu kople thom angkya, kue nang ang kaxtom koxpu.

1 TIMOTHI 6:14 ပူးပေါင်းရင်းမြစ်များ

2 PITAR 3:14

Idaile ku mongkün tüinaohom, hünzome ija nyix tanle nui pongma Zang miksho ma thaikya chemchu chitüi le tamchu chix füi mongsom ma ngo ang zongbakle azonglax.

1 PITAR 1:7

Ibu a nang mongong ojing tomtata changle le aho angkya hanpakma changle. Ma ang tho angkya hun tangtang ngaxchu wün füi wanle anole; ilailaile nang mongong oja hun füi thanu achongkya hex, Ija a adukya alai angkya kuxma, wan angkya jaojao changle. Ile changkoxtix Jisu Khrista ngaikya nyix nange achuak achenkya, fuazangkya üntoxle chathua zakya kopüi.

1 THESALONIKA 5:23

Pangnu lom ma hünzom otsao ang achangle Zange kwom ang mongsom naxfa ilaxle hünzom ozün komle, thüikoxle chasa khüzün tamchu tsangtsa pangnu, Jowanpa Jisu Khrista nguipongma othai lili füi atsaile sünle thomüi.

JUD LAIZA 1:24

Owae hünzom düt ang thüikya kople thom ang tho, tamchu thaikya chemchu chitüile üntoxle mongmüi pwonla le, fuazangkya chix ngwotnui to hünzom apüi ang tho, chix ang,

IBRI 9:28

Ija lailaile khünaknu ochaxbu laxlax tox angkya hanpakma Khrista chuwüi tam tokya ma kox. Anyi lükya ma chix ngaiüi, ikoxlechu ochax füikya mwot bama münchang, ikoxle opange chix tanle ngolaxpuix, hwom khosün angkya hanpakma changüi. A

TITA 2:13

Zang kem Khosünpa Jisu Khrista nguikya nyix chix fuazang angkya to monghom füi ija mohimankya nyix tanle ngotanto keme ile chang angkya changle.

MIKNGÜN-OHÜN 1:7

Hulax, chix zangfwom ma nguile ngole! Noknusae chix ngünüi; Chix to pax füi tsunkyabuechu; Chaxwannu angkya khünak nok wüi, chix bama sopkya tüiüi. Ija ile changüi jao! Amen.

IBRI 9:14

Khrista aji makhange tomning ija mwot otukux tsuakle hüipuix! Oshuk chitüikya chasa makhange chixe alüile ma nguiwangkya Zang ang tö kox. Ile keme ozün Zang thotha angkya kuxmale, chixe aji mwot to chihüikya zomchax tokya kem khangkho angaile faüi.

2 TIMOTHI 4:1

Zang üntoxle Jisu Khrista owae ozün hia omang kaxfün angkya hex, tamchu chix chongwangpa le apün-awang ang ngui angkya changkoxle, hwom thüntho ma kue hünzom ang,

2 THESALONIKA 2:8

Ifüima chisumüikya mix sün ahoüi, ikoxle Jowanpa Jisu nguikya zuma chix a zakmütle langüi üntoxle fale nyankya füi chix womkyae chix oli thuüi.

KOLOSI 4:17

Üntoxle “Jowanpa ma nang ang fakya mwot tsuak ang ole thüilax”, le Arkipa ang thüikox.

KOLOSI 1:22

Ikoxle athax a chix Hosa müi-hi-aji ma zi ang koxkya makhange, otsao ma, ofwot chitüile tamchu thaikya kha chitüi le chix ngwotnui to apüi angkya hanpakma Zange nang chix zuikhui ang achangle.

FILIPI 1:10

Ija a hünzome amüikya zün ang tsuak angkya kuxma changpu. Ifüima tix Khrista zangngai ngünkya nyix hünzom chitsaokyabu pangnu tamchu oma laikho khakyabu pangnu füi atsaile ngo ang thoüi.

1 KORIN 1:8

Kem Jowanpa Jisu Khrista hanpak nguikya nyix hünzom ojao thaikya chitüile chang angkya hanpakma, chixe hünzom oshuk kople shingmongle ngo angkya koxüi.

TSAITAX-NGAONÜI 4:7

Nang sün chemkuxma müipuix, ku mongkün; nang ma jao angkya kha jao müntüi!

1 JUHAN 3:2

Ku mongkün tüinaohom, athax kem a Zangsu Zangsabu changle, ikoxlechu kem chem ang achangüihex ija pak müntik. Ikoxlechu Khrista nguikya zuma, kem chix lailaile achangüi, chemthüikoxle chix chemle tüipuix ija tsaotha le keme ngün ang kopüi, ija keme awanpu.

1 PITAR 1:19

Ija a ofwot chizaikya hia münwan chitüikya Chun Hosa Jisu Khrista thalix aji changle.

1 TIMOTHI 6:20

Timothi, nange hume ang kople thomkya nange sünle thomlax. Üntoxle züizüi khünake othai to “tsingwankya”, le nyakkya adix-adakya zangwün hia ongat ningle kax ma alankya nange tsiakle toxlax.

2 THESALONIKA 2:1

Kem Jowanpa Jisu Khrista ngui angkya bama ilaxle chix füi tomle asox angkya bama; tüinaohom, kue hünzom ang thüipu,

1 THESALONIKA 3:13

Ile chixe hünzom tsakzong ang koxüi ilaxle kem Jowanpa Jisu Khrista chix khünaknu füi ngui nyix Hopa Zang thüntho ma hünzom ofwot chitüi le tamchu otsao ang achangüi.

FILIPI 2:15

ikoxletix chimüikya chaxwannu hia ochax khünakbu füi tomle ngokya okhonguikya Zangsu Zangsabu ningle ilaxle mixe omale thüi angkya olom chemchu chitüi le hünzom tsaotha le changüi. Hünzom khüzün tsün bama kaxho fakya zuma, lyettsibue zangding to nyankya lailaile hünzomechu hwom khato nyan angkya changle.

FILIPI 1:6

Idaile Khrista Jisu Hanpak ashukle mahüi tanto, hünzom ma ija mwot müikya owang wangkya Zange ija zunle alyet angkya changpu le kue hünzom ang thüipu.

EFISIA 5:27

Ikoxletix müimüithom tuita chixe ma ang ija sünmüimüi ma komle, tsaotha le ilaxle thaikya ojao chitüi le, ofwot chichangba münwan chemchu chitüi chichangba münasu le thüi angkya chingui-chiwangkya chemchu chitüi le koxtsuaküi.

1 PUKAX-PANGAO 28:20

Wanghompa Dawid-e chix sasün Solomon ang thüi: “Mong taxhi ikoxle mongchongle changlax. Mwt owang wang kox, owaechu nang to abax ang taxtom. Kue owa to thothale hüipuix, ija Jowanpa nang füi tüiüi. Otuechu chixe nang danle müntoxpu, ikoxle chix Zangshwom-Hom ma mokse mwot ashukle machang tanto chix a nang füi ngo angkya changle.

2 PITAR 2:21

Awanle koplaxle hwom ang fakya otsao kaxtom füi janle paokya füi hwom zongma otsao lomtang ojao tsingle chikopkya wüi amüikya changse dai.

2 PITAR 3:2

Ku laiza pangnyi ma wüi, otsao ajebue kaiwüi akaxkya kaxbu üntoxle hünzom wangshembu makhange hünzom ang akaxle fakya Jowanpa tamchu khosünpa Jisu Khrista kaxtom hünzom mongto texle atak ang tomkya füi kue tsaothakya tutex hünzom mong ma azwot ang tompu.