1 TIMOTHI 6:11 - OTSAO BAIBEL (BSI)

¹¹ Ikoxlechu, nang Zang khünake, ibu lom pangnu tsyakle toxdao. Chasa Otsao, Zang womle tüikya, mongong, mongkün, thuakjokkya, ilaxle somdangkya, tamchu ibu hanpakma azong amongkya tüikox.

1 TIMOTHI 6:11 ပူးပေါင်းရင်းမြစ်များ

2 TIMOTHI 2:22

Khüse pongma mongzok füi atsaile ngolax, ilaxle sukya, mongong, mongkün, tamchu mongsom hanpakma mong tsaokya tokhange fong angkya hanpakma Jowanpa ahyenkyabu füi tomle azonglax.

2 TIMOTHI 3:17

ikoxletix Zang thothakya mix asukya ang achangüi ilaxle müikya mwot pangwüi mok ang zongmo apongle changüi.

1 TIMOTHI 4:12

Nang naosünsa changle le owawae nang to thajao le hu ang taxkox, ikoxle mongong mixbu zongto, nang zangwün ma, nang zanglom-saikha ma, nang mongkün ma, nang mongong ma ilaxle tsaothakya ma nang apyen angkya ang changkox.

IBRI 12:14

Pangnu füi tumüi ang azonglax, chemthüikoxle ija chichang homtoxle owaechu Zang ngün ang münthoüi.

1 KORIN 10:14

Idaile kue mongkünkya zuikhuibu, chapabu shwomkya füi atsaile ngolax.

1 PITAR 3:11

Ochax tokya chix chatlax, üntoxle mwotmüi moklax; mong bakle koxlaxle; mongsom tangchualax.

1 KORIN 6:18

Chinunchakkai füi atsaiün. Khünake achaxkya ochax mama tütaliechu tsangtsa to münpo; ikoxle khünak owae chinunchakkai ma thailaxüihex, chixe ma tsangtsa zongto achaxkya changpu.

MÜNCHUAK-TSAI 34:14

Ochax hato tok aholaxle müikya mwot moklax; nang mongtsang makhange zongbakle tumüi-mongsom hanpakma azong-afale changkox.

1 TIMOTHI 5:10

ilaxle müikya mwot mokkya khoma münmüi koplaxle tüikya mixnu tuita, owae masu masa müile atsünpuix, hom ma mixwünbu pongle koppuix, ma üitho khristanbu hato hwom tong to jokya mwot mokle ahopuix, ilaxle ma alüile müikya mwot to khünzule ngopuix, iningkya mixcha tix zomnu khato ema laxkox.

1 KORIN 14:1

Athax, achuale hünzom zik angkya a, mongkün ha alop angkya hanpakma changle. Chasa ma hingho, tamnüilechu Zang kax apuk-apua angkya hingho kop angkya to nang mong ma mongzaokya tüilax.

ROM NOK HATO ZAKYA POL LAIZA 14:19

Idaile keme othuithuima mongsom apüi ang hia tata ang zong adün ang fong angkya oli pangnu to kem mongjang tüikya changle.

ISAIA 51:1

Jowanpae thüi: “Ku kax apalax, hünzom khosünse le tsukyabue, hünzom ku hato fongkya lomle nguikyabue. Nang ojong tokhange nguipuix ija longnu ajang koplax, ojong longthwot nui angkya nang thole alaipuix, ija a.

MÜNCHUAK-TSAI 38:20

Opange müikya to oma füi olüix khomle tüipuix ibu a ku füi apüile tüile büthüikoxle kue sukyakya mok ang azong koxa.

2 WANGHOMBU 5:20

Elisha dapa Gehazi-e chix mongto zangwün: “Ku hopunue chem ngaxchu pongle chikop homtoxle Naman a achatdaoa! Ija Siria süne chixe pongle kopkoxba müihuse. Ozün ma tüikya Jowanpa mün ma ku azuile ziklaxle tütali thüingaxchu jule kop angkya changle.”

1 TIMOTHI 6:20

Timothi, nange hume ang kople thomkya nange sünle thomlax. Üntoxle züizüi khünake othai to “tsingwankya”, le nyakkya adix-adakya zangwün hia ongat ningle kax ma alankya nange tsiakle toxlax.

JEREMIA 35:4

ilaxle hwom Zangshwom-Hom to apüi. Kue hwom a Igdaliah sasün ajepa Hanan wangshem hwom nui to apüi. Ija nui a, Shallum sasün Maseiah sasün, Zangshwom-Hom ma alixachong tuita nui hia mama alixachong nuibu zui ma tüikya.

2 PUKAX-PANGAO 8:14

Hopa Dawid-e tanle toxkya wanlombu tole, tsailom azuikya hia mama-mama nguapabu süt-mwot to asun-azule chang angkya zompu-zangpabu hia Liwi hwom ang hanpak foto ma mwot-mwot ahanle kox. Chixe chuwüi, Zang khünake Dawid-e kaxtom koxle toxkyabu kax ma laxle, fülom foto, nyixfokya to, ibu nyekya mwot mok angkya hanpakma, nyetmixbu othom-othom ma ahanle kox.

2 WANGHOMBU 23:17

Chixe atüi: “Ija a owa zukting hex?” Bethel angkya khünakbue lan: “Judah tokya nguilaxle nange ija tö-tsap to chemle mokpuix, ibu ile chang angkya bama ajele toxkya ajepa zukting a ija changpu.”

2 WANGHOMBU 1:13

Anaole chu lompa azom lükya mama mixsün 50 füi tsanle apao. Ija mixsün haxkho to dong ilaxle Elija hato nguilaxle chikux thongle akhux ilaxle chingcha jule akax: “O Zang khünak, kue nang ma chingcha jule thüipu, ku khüzün tamchu nang thothale ngokya khünak ibu 50, kwom pangwüi nang tunthoma thalix ang naxchang.

2 WANGHOMBU 1:9

Ijama wanghome khünak sün 50, lompa tuita ma azui laxle chix hato tsanle apao. Ija mixsün Elija zui to ngui ilaxle chix haxkho ma thungle tüipongma chix füi zangwünle thüi: “O Zang khünak, wanghompa-e nang tamjuhüi leta.”

1 WANGHOMBU 20:28

Ajepa a Wanghompa Ahap hato nguilaxle thüi: “Jowanpae ile thüile: Siria nok a ku a Haxnu Zang changle, Haxsha Zang münchangle thüikya khoma ipongpong tüikya hwom süpahibu to hünzome lüt ang tomüi, ilaxle nang tamchu nang khünaknue ku a Jowanpa changpule awan ang kopüi.”

1 WANGHOMBU 17:18

She-e Elija ang thüi: “Zang khünak, nange ku to ile büthüikoxle hwonpu? Nang ikhato ku ochax ngaile aho laxle kusa azik ang nguipia?”

1 SAMUEL 2:27

Eli hato ajepa tuita Jowanpa kaxho koplaxle ngui: “Chemtue hünzom putong Arun hia hwom homkha Ijip nok to da ang achangle ngokya hex, ipongma kue ku Arun hato ngaile aho.

1 WANGHOMBU 13:26

Chemtue azupa ajepae ija kax atatle laxpuix, chixe thüi: “Ija a Jowanpa kaxtom kax ma chilaxkya ajepa tuita changpu! Ikhoma, chixe ile moküile akax daokya ningle Jowanpae mailang tsanle ahüilaxle chix mik amüt ang tompu.”

1 WANGHOMBU 13:1

Tötsap ma Jeroboam-e o kox angle ajong pongkhae, Jowanpa kaxtom ma Judah tokya ajepa tuita Bethel to ngui.

1 SAMUEL 9:6

Chix dapae lan: “Taxmok! Ikhama chixe akaxkax pangwüi changle hüikya khoma noke e-sele tüikya otsao khünak tuita tüile. Chix hato tam nguiwan huhax, owatsing, chixe mantsakbu ojongto ataküihex, künyi hama apuale chu fatüilax.”

TSAITONG-KAXTONG 33:1

Ibibi a Jowan dapa Mosa-e, chix ziüi thothoma, Israel khünaknu ang kaxzakdünle toxkya mohimanbu changle.

TSAITONG-KAXTONG 16:20

Othuithuima masüi-mixlüikya chitüile tüilax, ile changkox tix Jowanpa hünzom Zang-e hünzom ang fakya ngokya haxtok hünzome kopüi ilaxle ikhama hünzom jento ngo ang kopüi.

NEHEMIA 12:36

Chix füifüi ma chix saxthom kha angkya khünakbu ibibi azüi—Shemaiah, Azarel, Milalai, Gilalai, Mai, Nathanel, Judah, ilaxle Hanani—hwom pangnusae wüi, Zang khünak, Wanghompa Dawid-e angaokya jat klingkingkongbu koplaxle tüikya. Khualyen pongma ija othom Izra, tuita Wanlom tsingpae azüi.

NEHEMIA 12:24

Hashabiah, Sherebiah, Jeshua, Binnui, ilaxle Kadmiel, tuita Liwi sün, hwom bibie othom-othom zing. Tamfang ma othom anyie tsüilüile lanle Zang achuak ilaxle münchong fa. Ija hwome, Zang khünak Wanghompa Dawid-e adangle fakya olom ma mok.

1 PUKAX-PANGAO 23:14

Ikoxle Zang khünak Mosa sasün hwom a Liwi hwom khato athüt.)

1 WANGHOMBU 17:24

She-e lan: “Athax kue awandaoa, nang a Zang khünak jao changle ilaxle Jowanpae nang makhange zangwünle!”

WANWÜNKAX 15:9

Chichangchizangkya khünakbu lomtang thua Jowanpa anule, ikoxle sukya mwot mokkyabu to chixe mongkünle.

1 TIMOTHI 1:14

Ilaxle kem Jowanpa-e chix okhonguikya chingcha ku ma thokle kox ilaxle ku ang mongong hia mongkün fa, oja Khrista füikya notom ma kem tomkux changpuix.

2 TIMOTHI 2:21

Owawae ma ibu ochax pangnu tokya atsaole jangzingba, chix a khütkhaxkya tuke twonüi, chemthüikoxle chix atsaole thomkya tamchu hopupa mwot to thapkya, müikya mwot pangnu to twon ang achwonle thomkya changle.

2 TIMOTHI 3:10

Ikoxle nang tsün ma, ku hwon-nwot, ku zanglom, üntoxle ku mongtex tole hüidaoa; nange ku mongong, ku mongkün, ku adukya.