1 TIMOTHI 6:10 - OTSAO BAIBEL (BSI)

¹⁰ Chemthüikoxle ngun to mongkünkya a ochax pangnu hanpakma otong changle. Züizüie ija kopsele tsukya khoma mongong füi atsaile sam, ilaxle küjo küjekya küntsik mongma olombu tokhange hwom mong max angkya hato ahüi.

1 TIMOTHI 6:10 ပူးပေါင်းရင်းမြစ်များ

WANWÜNKAX 1:19

Ahuxmix a huxmix chak ma lam: owa khünak changnong-pünthomle ngopuix, chix hanpakma ilele wüi changle hüipu.

1 TIMOTHI 6:9

Ikoxle ahak aluase tsukyabu thwontsing to dütüi üntoxle hwom fang to ajo angkya hia pün angkya hanpakma ongat hia amakya mongzokbu tsün ma amanle.

MÜNCHUAK-TSAI 32:10

Chichangchizangkya khünakbu a sikngün angkya changle, ikoxlechu Jowanpa to mongong tüikyabu, chithwonkya chix mongkün füi ziakople thomüi.

TITA 1:11

Hwom zangwün abax angkya zongpong jao changle, chemthüikoxle hwome ngun kop angkya thünzak mwot anwot-anokya tokhange hwome kako-kako angkhae lanle mong ama ngole.

WANWÜNKAX 1:31

Ikhoma hünzome chem kopse hex ija hünzome kop angkya changle, ilaxle hünzom ma mwote alüile okak ang achangüi.

JUD LAIZA 1:11

Hwom a maxsax! Hwome Kain man to. Ngun hanpakma hexle hwom alüile Balam thaikya othai chak to kox. Hwome Korah ningle alün-aloxle ajong, ilaxle chix lailaile hwom amüt.

ISAIA 56:11

Hwom a tamchu wok afwotle sax ang chikopkya nüfux füikya hi tuita ningle. Lompa ibu ma tsing-wankya chemchu müntüi. Hwome pange wüi ma mongtsutsu ma mokle ilaxle ma fünmüimüi lomle.

2 TIMOTHI 4:10

Dema a anyix ngainyixkya chaxwannu füi mongkün fün mongüna lüta ilaxle chixe ku awüt toxlaxle Thesalonika to paoüna. Kresen a Galatia to, Tita a Dalmatia to le paoüna.

1 TIMOTHI 3:3

chix a tuita jutok saxngakya mix chichangba hyet lom mix ang chichangüi, jonai ma hia mongsom füikya mix ang achang angkya oli changle; chixe ngun syen to mongkünkya chitüi angkya oli changle;

MATHI 23:13

“Wanlom nwotmix hia farisibu a künkux-mongkwombu changle! Hünzom maxsax! Hünzome khünaknu thüntho ma zangkangting ka hakle ilaxle hünzom chuwüi ikhato chidong tamchu ikhato dongse le azongkyabuchu wüi hünzome dong ang chitom.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

MALAKI 1:10

Jowanpa Khüthak Zang-e thüile: “Hünzome ku tö-tsap ma chilaxli wün atsople changkya füi, ija abax angkya hanpakma owawae Zangshwom-Hom kahakle namchangbae le kue thütle. Ku hünzom füi mong münmüi; nange ku hato apüikya tö kue pongle münkop.

TSAITONG-KAXTONG 16:19

Hwome kaxfün fapongma chisule tamchu süi-süi-chaple kaxfün chifaüi; ilaxle hwome zuizun chilaxüi, chemthüikoxle hingho chakzun makhange jetüi-hwonlangkya hia sukya khünakbu ang ngaxchu mik apwom ang tomle, ilaxle kaxfün othai fa angkya hato ahüile.

JAKOP 5:19

Kutüi kunaohom, hünzom khama owawa otsingtsing lomtang angkya paole sam ilaxle ata mixe chix tamchatle jang apüi thüiba,

1 TIMOTHI 6:21

Chemthüikoxle züizüie ija tüile le thüilaxle ija khoma hwome mongong lom asamle. Zang chingcha hünzom füi ngohüi.

EZEKEL 22:12

Hünzom züizüie omün koxlaxle mix mik amütle. Züizüie mamix Israel khünak tomtom ang thashe koxkya sasün füi achatle laxle, iningle chitüi-chinang tsang-hangkya füi hwom ahak-aluale. Hwome ku alakle awütdaoa.” Jowanpa Khüthak Zang-e ija akaxdaoa.

EZEKEL 16:33

Tsangtsa hangkyabue omün koppu, ikoxle nange a nang füi mongkünkyabu pangwüi ang hingho-chaktwon koxle apaopu ilaxle hwom nang hato nguile nang füi jip angkya hanpakma nange hwom ang otha koxpu.

EZEKEL 13:19

Chakpuix tuita wonglai tsax hia an hidaole kople lax angkya hanpakmale hünzome ku khünaknu tunthoma ku wün ahai. Zise pa chichangkya khünak hünzome langle awüt, ilaxle azangle ngose chichangkya pa hünzom ozün ma thom. Ile hünzome ku khünaknu hama othai zangwün ilaxle hwome hünzom to mongong.”

ISAIA 1:23

Nang lompabu a alünle ajongkyabu tamchu ahuxmixbu zuikhui ang changdaoa, hwome othuithuima hingho-chaktwon hia zuizunbu pongle kople. Hwome otuechu khwa ma zasa-khaxsabu kho münse chichangba zomnubue apüikya zangwün to nathale münchang.

TSAITONG-KAXTONG 23:18

Anaole chu tuita tsaotsüt tsangthom hanpak ang iningle ma tsangtsa hang laxle kopkya ngun-jan Jowanpa hünzom Zang hom to chiapüiüi. Jowanpae zangshwom-hom ma tsangtsa hangle ngokya thua anule.

PONGWANG LAIPEX 29:26

Laban-e lan: “Hona thoma honao koxle apao angkya ikhato wanlom ma müntüi.

MIKNGÜN-OHÜN 18:13

püntsya; hingbu-tsyasa; sui to angan püli; so üntoxle ongan müikya münga; ju hia münga; an hia ata; maihu hia chun; man hia man-zyem; dahaibu hia khünak tsün; ibu athaxpi khünak owaechu chishak.

2 WANGHOMBU 5:27

Ikoxle athaxpi Naman kaklak pangwüi nang ma paxüi ilaxle nang tamchu nang sixlibu ma ija kak othuithuima ngoüi!” Chemtue Gehazi ikha angkya achexle paopuix, chix ma ija ngwon pax ilaxle tsangtsa khwon pangwüi a-te le thole pao.

PONGWANG LAIPEX 38:16

Lommun ma chix she hato hüilaxle atüi: “Müidaoa! Obi pong saxlaxpu?” (chixe ija a ma nomcha changle le chitik.) She-e lan: “Nange ku ang chemfaüi?”

PONGWANG LAIPEX 29:14

Laban-e lan: “Changle, nang a ku aji tamchu ku tsangtsa jao changpu.” Jakop ikhato lyetjang ahomle ngole hüi.

JIHUSUA 7:21

Kwome tingtakle kopkya tuina khama kue Babilon nok nyimüi, khopjan tuak anyi tukux ilaxle hun dwon tuak ta tukux, ku mik-hu ma tüle mikzalole ngünlaxle, kue laxsele osingkya khoma ibu kople thomkoxa. Hünzome ibu ku nyihom mong ma othongchi ma khop-jan sholaxle akhünle thomkya ataküi.”

MÜNCHUAK-TSAI 62:10

Changnong-pünthomkya to nang mongong taxthom; ahux-alop laxle tütali olüi kopüile taxthüt; nang okop-olwot ma tüle ahak-achakle tüikoxlechu, ibu to taxong.

WANWÜNKAX 15:27

Mix to dyen-lale olüi kop ang azonglax, nang homkhae thama apongüihex. Zuizunbu laxle chichang thüiningle nang tsünlo zaknuile ngoüi.

HWON-NWOT-JAONO 2:19

ilaxle ija khünak a jepa wüi changtüi chichangba anga wüi changtüi: owa tsing? Tütale wüi chang koxle ija chaxwannu ma ku je-hwon makhange kue mokle alaidaokya komkaile chix kux ang changüi. Ija ma ku zongto laxli chemchu chitüi.

MATHI 6:19

“Ojong khato chonge sax, siake si tamchu ahux mixe pao ang tsuakle tüipuix, iningkya chaxwannu ma matui mana taxathün.

MATHI 13:22

Züizüie kaxho atat ikoxlechu chaxwannu tsün bama ajang tamchu tuina to asingkyae athakle asam; ibu a fum khato dütkya, oziak chidünkya tsaxtsangbu ningle changpu.

MARK 4:19

Ikoxle chaxwannu bama abankya tamchu ngun syen tokya nüfux hia mamabu to asingkya, ibu chix ma nopkyae pongle kopthom daokya kaxho to alum, ile ijae oziak dün ang chitom.

KOLOSI 3:5

Nang ma mokle tüikya chaxwannu küntsu monglua, thütba: chinunchakkai, chitsao chimaokya, chimüikya to mong zalokya, ochax mokse tsukya, o-singkya; oja chapa shwomkya changpuix, ibu pangnu hünzome langdaoa.

2 TIMOTHI 3:2

Khünakbu a tsingpux, nüfux, tsaichong-kaxbong, üntoxle ngamle tüiüi; hwome ajao-ahaiüi, nuzün-pazün kax ma chilaxle tüiüi; tata achuak achenkya tamchu zanglom tokya chemchu chitüi le changüi;

PONGWANG LAIPEX 34:27

Ile khünak lang füima, Jakop sasün hwom mamabue tingnu angkya tuinabu komle tsui paole mana-manao to chimüile hwonkya olüix khom.

1 WANGHOMBU 2:40

chix a mantsak kho ma nga ilaxle wanghompa Akish hato Gath to nguilaxle chix dapa anyi lom. Chixe hokhi pangnyi atak laxle chatle hom to apüi.