1 TIMOTHI 6:1 - OTSAO BAIBEL (BSI)

¹ Zang mün lünle tamchu kwom mün ma owaechu kax chisumüikya chizex angkya kuxma, da ang opang ngolaxpuix, ibue ma hopunu ang chathua za angkya hia achuak achen angkya sukya changle le tex angkya oli changpu.

1 TIMOTHI 6:1 ပူးပေါင်းရင်းမြစ်များ

TITA 2:5

ibu hanpakma nüchabu zün angkya changle, ikoxletix Zang tokhange hüikya kaxho bama owaechu achaxle zang münwünüi.

ROM NOK HATO ZAKYA POL LAIZA 2:24

Otsao Laikaxe thüile: “Hünzom Jehudi khünaknu khoma hexle mixnokbue Zang mün amale zangwünle.”

1 PITAR 3:16

Ikoxlechu ija kax to zingmüi ma tamchu chathua zakya füi lankox. Hünzom zanglom saikha müikya ngünlaxle, Khrista füito azuikyabu le hünzom ahai le ada pongma hwome thünzak kop angkya kuxma hünzom tutex tsaotha le thomlax.

1 PITAR 2:12

Songsari khünakbue chem bama, oma mwot mokkyabu thom, le kaxhux fele hünzom to kaxma thüiüihex, ija bama hwome hünzom mwot müikya ngünlaxle, chix nguikya nyix Zang fuazang ang tomkya lima, hwom khato hünzom zanglom saikha müile tüihüi.

GALATIA 5:1

Khangkho ngaile ngo ang Khrista-e kem pandaoa! Idaile pandaokya mix ningle shingmongle ajonghüi, nang tamchatle da ang taxachang.

WANGSHEMBU MWOT 15:10

Jangchangba, ami kem pupa hwome nang chisangtsuak ilaxle kemechu chisangtsuak, ija hünlix mongong mixbu ang ahün laxle büthüikoxle Zang to thwontsingse tsupu?

WANGSHEMBU MWOT 10:22

Hwome lan: “Kwom a lompa Kornelia mwottsan to hüikya changpu; chix a tuita müikya khünak changle tamchu Zang shwomkya mix changle ilaxlechu Jehudi nok pange wüi chathua zale e-sekya mix changle. Nange akax angkya oli tsai-kax apale kop angkya hanpakma chix hom to nang se angkya Zang kaxtaimix tuitae chix füi akaxdaoa.”

WANGSHEMBU MWOT 10:7

Ifüima chix füi akaxle ngokya kaxtaimix pao. Kornelia-e chix da anyi boma chix mwot-kat to hu ang huaksüi le thomkya khama zanglom tokya mix süpahi sün tuita, le se.

KAXHO MÜIKYA LUK 17:1

Jisu-e chix wangshembu ang thüi: “Khünak ochax to düt angkya olom ma dütlaxüi, ikoxle owae ile adüt ang koxlaxpuix, chix maxsax!

MATHI 11:30

Chemthüikoxle kue hünzom ang fakya dang a chwonpai tamchu ku hün a chazangkya changle.”

MALAKI 1:6

Jowanpa Khüthak Zang-e zompu-zangpabu ang thüi: “Naosombue manu-mapa hwom achuak-achenle, ilaxle dabue ma hopupa hwom achuak-achenle. Ku a hünzom hopa changle--ikoxle hünzome ku achuak-achenle büthüikoxle chitüi? Ku a hünzom hopupa changle--ikoxle hünzome chathua büthüikoxle chiza? Hünzome ku wünhaile ilaxle hünzome atüitüi, ‘Kwome nang-wün chemle haidaopu?’

1 TIMOTHI 5:14

Idaile nücha zomnubu a kako tanlaxle, supux-sapaile, hwom kako homkha apu-achangle ngokox wüi müi angkya changle le kue texpu, ikoxletix kem zanbue kem ang omale thüi angkya opong chiataküi.

1 KORIN 10:32

Jehudi nok wüi changlax chichangba mixnok wüi changlax chichangba Zang müimüithom wüi changlax, owawa angchu tingtui chiadün le ngolax.

MATHI 11:9

Chichangba alixachong zapua laxlaxle ngokya mix to hu ang paopia? Chem tomta to hu ang paopuix ku hama wünhuki! Ajepa to hu ang paopia? Changle, kue hünzom füi akaxfang: Aje füi ngaxchu süthak hünzome ngün ang kopdaoa.

EZEKEL 36:23

Chemtue kue tüle chongkya tsaothakya ku mün: mün oja hünzome hwom tuntho to thajao ang tompuix, ija mwot makhange angaile aho pongma, hwome ku a Jowanpa changpule awan ang kopüi. Ija a Jowanpa Khüthak Zang, kue akaxdaoa. Chaxwannu nok hato ku a otsao changle le aho angkya hanpakma kue hünzom twonüi.

EZEKEL 36:20

Hwome ojong khato paopuix, hwome ku otsao mün ama, chemthüikoxle khünaknue thüi: ‘Ibu a Jowanpa khünakbu changle, ikoxle hwome chix haxtok dantox angkya laipu.’

ISAIA 58:6

“Kue lomkya chisax-chilingle atsaokya olom a ija changle: mix to zothupkya khak-kha dahai ilaxle chisukya kaxfün dang apaodao, ilaxle zothup ma ngokyabu mongtex ma aham ang dankox.

ISAIA 52:5

Ilaxle athax Babilon nok machu ija ningle wüi changpu: hünzom zandabu, ilaxle hünzom bama omün chemchu chithom. Opange hünzom to apünle ngopuix ibu tsaichong-kaxbong ilaxle ku mün a chizakle adix-adale chang.

ISAIA 47:6

Ku a ku khünaknu füi mongtsikle ngokya; kue hwom to ku kux chichangkya ningle hwon: kue hwom a nang tsak-zong chak to kox, ilaxle nange hwom hato chingcha ojao chiaho; zunu-zupabu to ngaxchu nange ziamale hwon.

NEHEMIA 9:5

Ibibi Liwi hwome zangshwom ang khünaknu ahyen: Jeshua, Kadmiel, Bani, Hashabneiah, Sherebiah, Hodiah, Shebaniah, ilaxle Pethahiah. Hwome thüi: “Ajongkox üntoxle Jowanpa hünzom Zang achuak kox; chix othuithuima achuak-achen kox! Noknusae wüi fuazangkya chix mün achuakle changkox, khünak owae achuakkya chu okhonguikya chichang koxlechu.”

2 WANGHOMBU 5:13

Chix dapa chix hato donglaxle thüi: “Alixachong, ajepae nang ang mwot tsakkya tuita koxpuix thüikoxba nange mokdaose. Ikoxle athax chixe akaxkya lailaile ti ajo laxle nang chem ang chimüiünlaxpu?”

2 SAMUEL 12:14

Ikoxlechu iningle chang üntoxle nange Jowanpa hato iningkya chinunchakkai mwot mokle ahokya khoma, nang naosa a ziüi.”

TSAITONG-KAXTONG 28:48

Ikhoma, Jowanpae hünzom hato ahüi angkya zan-nokbu thothale hünzom ngoüi. Hünzom a wokno-tilanle tamchu tsangtsa ma chemngax chitüile tui-nolanle ngoüi. Hünzom bakle olithule machang tanto Jowanpae atsangle afang thomüi.

PONGWANG LAIPEX 24:27

Chixe thüi: “Ma kaxtsao otya ma thom ang thokya Jowanpa, ku hopupa Abraham Zang kue achuakpu. Jowanpae ku küithole ku hopupa hwom mamix hato apüidaoa.”

PONGWANG LAIPEX 24:12

Chixe zangjop: “Jowanpa, ku hopupa Abraham Zang, anyixkya ku mwot tsuak ang tomhüi ilaxle ku hopupa füikya nang kaxtsao changle hüi ang tomhüi.

PONGWANG LAIPEX 24:2

Chixe chix dapa tüichongsa, owa chix tuina pangnu to hu-mix ang kamkyahex, chix ang thüi: “Nang chak ku chungba ma danhüi ilaxle tsaohüi.

PONGWANG LAIPEX 16:9

Chixe thüi: “She hato chatlax ilaxle she hama dacha tuita angwüi tango.”