1 TIMOTHI 5:6 - OTSAO BAIBEL (BSI)

⁶ ikoxlechu zomnu owae ma mongzom amüi angkya chak to ma alüile koxle thom, ija mixcha a ozün ma tüikoxlechu omang changle.

1 TIMOTHI 5:6 ပူးပေါင်းရင်းမြစ်များ

JAKOP 5:5

Chaxwannu ma hünzom tsün mongtex ma shale tamchu pwonla tungtung le ngo. Lang angkya nyix, hünzom mongzom ma müile saxlaxle nut le ngui.

MIKNGÜN-OHÜN 18:7

She chemtukux zaxzangle tamchu, tüinangle hüidaopuix, ija tukux she ang, sikngün hia mikfi nyi laxkox. Chemthüikoxle she-e alüile ile akax: ‘Ku ikhama wangcha ningle ngopu! ku a zomnu chichang, kue mikfi jenkya münawan!’

MIKNGÜN-OHÜN 3:1

“Sardia ma tüikya müimüithom ma kaxtaimix hato zalax: “Ija kaxho a Zang chasa anüt tamchu lyettsi anüt ngündaokya mix tokhange changle. Nange chem mokle ngopuix kue awanle; nang omang changkoxlechu nang ozün ma tüile le nang mo wünkya kue awan ngopu!

KAXHO MÜIKYA LUK 15:24

Chemthüikoxle ija kusa zidaokya changle, ikoxle chix athax azangle tüile; chix maxdaokya, ikoxle athax chix atakdaoa!’ Idaile fongkha ang süt.

KAXHO MÜIKYA LUK 15:32

Ikoxle keme mongmüi laxle fongkha angkya olom changle, chemthüikoxle hünnao zidaokya, ikoxle athax azangle tüile; chix maxle ngokya, athax chix atakdaoa.’”

EFISIA 5:14

chemthüikoxle oja tsaotha le angaipuix, ija zangngai ang achangle. Idaile ile akaxkya tüile, “Jiple ngokya mix, zolax; üntoxle zi ngoünkya zolax, üntoxle Khrista-e nang to nyanüi.”

EFISIA 2:1

Hünzom kax ma chilaxle hüikya ochax khoma amiba hünzom a chasa lom ma omang changkya.

KAXHO MÜIKYA LUK 15:13

Hanpak hidaole ngo laxle sasün naolipae chix tuina hang ilaxle hom angkya laile pao. Ikha to chixe chix ngunsyen chix mong atsutsu saxmokle shixshixkhaxle bak.

MATHI 8:22

Jisu-e chix ang thüi: “Nang ku füito pao angkya changle; zikyabu hwom zukzuk to naxzukox.”

KOLOSI 2:13

Tam a hünzom ochaxbu khoma tamchu wanlom chitüikya mixnokbu changkoxle chasa ma omangbu changkya. Ikoxlechu athax a Zange Khrista füi tomle hünzom a ozün ang achang daoa. Zange kem ochax pangnusa thailak fa;

EFISIA 2:5

kem kax ma chilaxle ochax ma ngotanto wüi Khrista füi tomle ozün ma ngo ang chixe kem shak. Idaile hünzom khosünle kopkya a Zang chingchae tix changle.

KAXHO MÜIKYA LUK 12:19

Ilaxle kue alüile ku füi akaxüi: Shomüi mix! Zangpua obi-obi nang aban angkya jao chitüi le saxkox! Lingkox! Üntoxle mongmüi le ngokox! Pangnu li wüi okhongui le tüile!’

KAXHO MÜIKYA LUK 7:25

Hünzom chemto hu ang tomta paopu? Achong abong za-pua laxlaxle ngokya mix to hu ang hia? Hulax, jikjep kya nyiza laxkya mix hia mongtex ma sha le ngokya khünaknubu chongwang hom ma bangüi!

MANGSOP 4:5

Amipongma sütmüi-lingma saxlaxle ngokya khünakbu athax tingjang to woknuak ma zitüi; shix-shix-khaxle saxlax ngokyabu oma-oshix awütkya khato fyetle süt lomtüi.

JEREMIA 6:2

Zaion tingnu a tuita osün müikya changle, ikoxle ija a pünle amadaoüi;

ISAIA 47:1

Jowanpae thüi: “Babilon, nang tüntongkho tokya juün, ilaxle haxkha to haxbu khato ngoün. Hanpak tuita ma nang naochasa ningle tüikya, tingtakle machangkya tingnu tuita ningle a, ikoxle athax nang puinaile hia tsaothale tüchitüi! Athax nang a da tuita changle!

ISAIA 22:13

Ikoxlemix hünzom nyi ilaxle pangpwon ang mix süt. Hünzome chun hia maihu langle sax, ilaxle hünzome ju ling. Hünzome thüi: “Kemepi sax-lingle changhax! Ngainyix kem a zidaoüi.”

WANWÜNKAX 29:21

Nange nang dabu ang, hwom naosom pong tokhange hwome laxse atsutsu komle koxle jangchang, nyixnyixta hwome nang ma tüikya pangwüi pale laxüi.

1 SAMUEL 25:6

Chixe hwom ang Nabal füi akax angkya kax ibibile adangle fa: “Hünzom kakox ilaxle Dawid-e chix hato tamchu chix kux pangnusa hato nokmüi salam akatle tüia.

1 SAMUEL 15:32

Samuel-e kaxkoxle thüi: “Wanghompa Agag ikhato ku hato apüihüi.” Wanghompa Agag a, chix mik max angkya ajang laxle, zale abün-ngale thüi: “Zi angkya a chemtukuxkya khaxza wünlokle changpuix!”

TSAITONG-KAXTONG 28:56

Mong tüle tsaothale müikya, saxpu-luawang homkha angkya mixcha tuita, she tüle tüinangkya mixcha chang koxle ojongtochu ahamkya chitüi, ile ngokya mixchae ngaxchu ija mixsün lailaile wüi changüi. Chemtue hwom tingsho to zandongle changüihex, ija ma she ngaxchu süt sax angkya chitüile woknuak müte nuzaoüi ilaxle owaechu chiawanle she-e athax puxle alaikya naosa odom saxüi. She-e tüle mongkünkya ma kakopa hia su-sa hwom owa angchu ahanle chifale saxüi.

TSAITONG-KAXTONG 28:54

Khünak tüle somdangle tüikya mix saxpu luawang homkha angkya tuita, chix ngaxchu wüi ija zansing hüikya zuma tüle woknuak nuzaoe maxle changüi, ikhoma chixe züizüi masu-masa hwom müi ngaxchu saxüi, chemthüikoxle chix ang osüt-oling mama chemchu chitüi. Chixe ija, ma mongkün kakonu, matüi-manao hwom ilaxle atale toxkya masu-masa hwom ang ngaxchu chifale saxüi.

KAXHO MÜIKYA LUK 16:19

“Hanpak tuita ma, nyiza otha alixlix lax üntoxle nyixfole mongtex ma fongkhale saxlan le ngokya hakpa tuita tüikya.

PONGWANG LAIPEX 2:17

ikoxle omüi hia oma tsing angkya jepün angkya pünziak chisaxüi; chemthüikoxle ija angkya pünziak saxkya nyix wüi nang thüile ziüi.”

2 TIMOTHI 3:6

Hwom züizüi khünakbu hom to nguiüi ilaxle zong chitüi le ngokya shekobu opang ma ochax hünlixe sheplaxle tüilaxpuix ilaxle mongzokkya oli pangnue jwonle ahamle tüilaxpuix,