1 TIMOTHI 5:21 - OTSAO BAIBEL (BSI)

²¹ Zang üntoxle Jisu Khrista tamchu otsao kaxtaimixbu pomtho ma, nange mokkya mwot pangnu ma masüi mixlüikya chitüi homle ija adangle fakya kax ma laxle tüi angkya bama kue nang nyakpu.

1 TIMOTHI 5:21 ပူးပေါင်းရင်းမြစ်များ

2 PITAR 2:4

Kaxtaimix ngaxchu, ochax lyenkyabu to Zange chishan, ikoxle kaxfün angkya nyix tanle nui ang oja zangnak khato hwom khakle thompuix, ija haolum to hwom tswonle awüt.

2 TIMOTHI 4:1

Zang üntoxle Jisu Khrista owae ozün hia omang kaxfün angkya hex, tamchu chix chongwangpa le apün-awang ang ngui angkya changkoxle, hwom thüntho ma kue hünzom ang,

1 TIMOTHI 6:13

Zang owae jamok ang khüzün koxpuix, ija Zang thüntho ma, ilaxle Jisu Khrista owae Pontias Pilat pomtho ma shingmongle chix mongong ngai, chix thüntho ma,

JUD LAIZA 1:6

Kaxtaimixbu opang hwom ang fakya wankam ma chingo homle hwom ngwotnui danle toxpuix, ibu texle ataklax; Zange hwom koplaxle fangchi zangnaknu khato, hwom kaxfün angkya achongkya Nyix tan ang khale thomle.

2 TIMOTHI 2:14

Hünzome khünakbu ang ija apuale falax, ilaxle kax ma alanle chichang angkya bama Zang thüntho ma hwom ang khünzule kaxkhün laxkox. Kax ma alankyae müikya oli moküile münchang ikoxle ija kax to apakyabu amaüi wüi.

2 KORIN 5:16

Idaile athax kwome otuechu khünak chifün to hulaxle owa angchu tsaifün kaxfün münfa. Hanpak tuita ma kwome Khrista bama khünak chifün tokhange tsaifün kaxfün le changdao bachu, kwome athax ile otuechu münmok.

MATHI 25:41

“Ifüima chixe ma nongchi angkyabu füi akaxüi: ‘Hünzom a Zang thuak Zang zom koplax ngokyabu! Ku ha angkya atsaiün! Bao hia chix wangshembu hanpakma achwonle tüikya, tamchu chimax le chuale ngokya okham wünkha to paolax.

MIKNGÜN-OHÜN 14:10

ojao chiawan homle chix mongtsik wansa ma thokkya ju chuwüi hwome lingüi, ilaxle otsao kaxtaimixbu hia Chun Hosa thüntho ma wün hia khat makhange hwom fuxtsüikya tüiüi.

JAKOP 3:17

Ikoxchu thakchi tokya je-hwon a pongwang ma tsaotha le changüi; tamchu ija a mongsomjale, somdangle tamchu asyen-abui le changüi; ija a chingchajaja oziak opuae awangle tüile; ija a mapai mixzünkya tamchu künkux-mongkwom füi janle tüile.

1 THESALONIKA 5:27

Jowanpa tsakzong füi kue thüipu: Ija lai a mongong ma tüinaohom pangnu hato wüi ele ahokox.

KAXHO MÜIKYA LUK 20:21

Khualop mix ibue Jisu ang thüi: “Nwotmix, nange chem akaxpuix üntoxle chem anwot-anopuix ibu pangnu thaikya müntüile kwome awanle. Nange khünak chifün to chihu homle khünak hanpakma Jowanpa mongtex otsingtsing apuapu le kwome awanle.

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

MATHI 16:27

Chemthüikoxle Khünak Hosa ju angkya tüile. Chix a chix kaxtaimixbu füi fuazangle juüi ilaxle pangnusa ang wüi chixe ma mwot-mwot ma thütle hingho koxüi.

MALAKI 2:9

Hünzom ku mongtex ma kax ma laxle chitüikya khoma tamchu pangnu to tomwüi chihukya khoma, kue, Israel khünakbu ang hünzom ada ang tomüi.”

WANWÜNKAX 18:5

Chemchu chitikkya khünak ang sukya kaxfün chifa homtoxle thaikya chima se angkya a sukya olom münchang.

MÜNCHUAK-TSAI 119:34

Nang wanlom ku hama akhixle wünfahüi, ilaxle kue ija kax ma laxüi; ija kue zongbakle mongkha ma thomüi.

MÜNCHUAK-TSAI 107:43

Jetüi-hwonlangle tüikyabu pangnusae ibu bama ajangle naxchang kox; hwome chithwonkya Jowanpa mongkün changle le naxlaxkox.

TSAITONG-KAXTONG 33:9

Hwome sisile nang kax ma laxle tüi Nu-pa, tüi-nao chichangba naosom hwom kax ma laxkya thak to. Hwome nang kaxtombu kax ma lax Ilaxle nang Tsaotsüt füi otya ma ngo.

TSAITONG-KAXTONG 1:7

Pombu pünlax ilaxle achexlax. Amor nok haxnu to paolax ilaxle hozui ma akhople tüikya pangnu haxtok to: Jordan haxsha to, haxhua chito, ilaxle haxchithong chito, shuathongchi chaxwan to, ilaxle Mediterenian tinu kax to paolax. Kanan haxtok to paokox tamchu Lebanon haxnu tokna kai tokya Eufrat shuanu alople paokox.

LIWI 19:15

“Wanlom ma kaxfün fa angkya zangwün azut pongma olom ma tamchu sule mokkox; mixshix-zasabu to asongle hu ikoxle saxpu-luawang to angakle hule mapai-mixzünkya chitüile tomzi bama sukya kaxfün laxkox.

KAXHO MÜIKYA LUK 9:26

Khünak tuita ku hanpakma hia ku kax hanpakma jangazak thüiba, Khünak Hosa-echu Hopa fuazang ma kaxtaimixbu füi nguikya zuma chix hanpakma azaküi.

LIWI 14:42

Ifüima awüt daokya longbu manma chatle mama long onüi danüi ilaxle long katuk to haxzün füi pale chwopüi.