1 TIMOTHI 5:18 - OTSAO BAIBEL (BSI)

¹⁸ Chemthüikoxle Otsao Lai-e thüile: “Nange tsaxnak ang tom pongma maihu tun ma taxzim” üntoxle “Mwot mok mix ang chix hingchak mün kox angkya wüi changle.”

1 TIMOTHI 5:18 ပူးပေါင်းရင်းမြစ်များ

TSAITONG-KAXTONG 25:4

“Nange tsax nakle changpongma maihupong tun ma taxzim.

1 KORIN 9:14

Ilailaile kem Kaxho Müikya apukkyabue Kaxho Müikya ma hwom ozün ma ngo angkya atak angkya Jowanpa kaxtom changle.

KAXHO MÜIKYA LUK 10:7

Ilaxle ija homkha ma hwome chem fapuix, ija saxling le ngolax, chemthüikoxle mwotmok mix ang hingchak mün kox angkya wüi changle. Ijadaile ata hom tokya ata hom to le taitailai le tax aham ngo.

MATHI 10:10

Hünzome lomba hanpak ang saxtsom nyitsong chichangba nyipong anyi, chichangba chisox, chichangba kaithox, ibu chemchu onüi taxkop; chemthüikoxle mwot mokkya mix ang ibu a kox angkya changle.

LIWI 19:13

“Nange owawa mwot-kat zongma laxle taxpao chichangba mix ziasyen shomüi ang taxlax. Nange mwot amok daokya khünak ang hingchak mün chifa homtoxle jata ngaxchu taxthom.

JAKOP 4:5

“Zange kem ma ngo ang tomkya chasa to Zange tüle akhüixle”, le thüikya Otsao Lai kax kaxbi ngaoba le taxlax.

ROM NOK HATO ZAKYA POL LAIZA 10:11

Otsao Lai kaxe ile thüile: “Chix to mongongkyabu ang mong athokya müntüi.”

ROM NOK HATO ZAKYA POL LAIZA 9:17

Chemthüikoxle Otsao Lai-e Farao füi ile akax: “Chaxwan pangnu khato wüi ku mün tsing ang kox angkya hia ku tsakzong aho angkya olom ma nang twon angkya zongma le khütkhaxkya ku tuthüt ija khoma kue nang wanghom ang zingpu.”

GALATIA 3:8

Mongong makhange Zange mixnokbu sukya ang lax angkya bama Otsao Lai-e achale wüi akaxle thomkya changle. Ilaxle Otsao Lai-e ikhoma Abraham hato Kaxho Müikya tsingang kox: “Nang makhange Zange khünaknüsa to mohimanüi.”

ROM NOK HATO ZAKYA POL LAIZA 11:2

Ami owang tanto wüi zünle kopdaokya, chix khünaknu Zange ma-awüt. Elija-e Israel nok hanpakma Zang füi zongbakle zangwün pongma:

ROM NOK HATO ZAKYA POL LAIZA 4:3

Otsao Lai-e thüile: “Abrahame Zang to mongong, ilaxle ija khoma Zange chix otsao khünak le pongle lax.”