1 TIMOTHI 5:17 - OTSAO BAIBEL (BSI)

¹⁷ Mixpa tüichongbu opange lompabu ang achang laxle müikya mwot mokpuix, hwom ang othom anyi tsyen amün kox angkya asule tüile, tamnüilechu hwon-ano ang tamchu anwot-ano ang azongle opange moklaxpuix, ibu ang.

1 TIMOTHI 5:17 ပူးပေါင်းရင်းမြစ်များ

IBRI 13:17

Hünzom lompabu kax ma laxlax üntoxle hwom kaxtombu apalax. Hwom mwot bama hwome Zang ang akiakkya kox angkya changkoxle, ojao chizak le hwome hünzom to hule nye ngole. Hünzome hwom kax ma laxle jangtüi thüikoxle, hwome hwom mwot mongmüimüile moküi; ile chichang thüiningle, hwome ibu mongma füi moküi, üntoxle ijae hünzom ang chem olüichu chifaüi.

GALATIA 6:6

Khristan Kaxho anwot-anole fadaokya mixe chix ma tüikya jali bakle hwon-nwot mix füi ahanle lax angkya oli changle.

KAXHO MÜIKYA LUK 10:7

Ilaxle ija homkha ma hwome chem fapuix, ija saxling le ngolax, chemthüikoxle mwotmok mix ang hingchak mün kox angkya wüi changle. Ijadaile ata hom tokya ata hom to le taitailai le tax aham ngo.

IBRI 13:7

Hünzom füi Zang Kaxho akaxkya, pongwang angkya hünzom lompabu taxalak. Hwom chemle ngole hüi üntoxle chemle zi, ibu to aküi le tam ajangle anolax, ilaxle hwom mong ningle chang ang azonglax.

2 TIMOTHI 2:6

Manzai mix owae azongle mokdao laxpuix, owang angkya puamün süntswon angkya chix chang angkya oli.

FILIPI 2:29

Idaile Jowanpa ma tuita tüi-hi-nao changle le hünzome chix wün pwonle pongkop lax. Chix ningkya mix pangnu ang wüi chathua zakya ahokox.

ROM NOK HATO ZAKYA POL LAIZA 12:8

Mix ang zong adün angkya jangchangchu, keme ile mok angkya wüi changle; ma tuina mix füi ahan achüikya mixchu okhex-oküi chitüi le mok angkya changle; owa ma apün-awang angkya zong tüilaxpuix, mwot azongle mok angkya changle; owae mix to chingcha aho laxüihex, chixe ija mongmüi pwonla le mok angkya changle.

WANGSHEMBU MWOT 28:10

Ofüima hwome kwom ang hingho chaktwon huanuma kox, üntoxle otue kwom khua ma pao ang laipuix izumachu kwome tinu mongto wünham lom ma laxlili hwome khua ma shole fa.

2 KORIN 6:1

Kwome Zang füi tomle mwot mokpu, ilaxle Zange hünzom ang fakya chingcha muato shixshixkhaxle taxchangünfa le kwome hünzom füi akaxpu.

ROM NOK HATO ZAKYA POL LAIZA 16:12

Jowanpa mwottho ma sütkya Traifania hia Traifosa nyi, ilaxle ku zuikhui Parsi, owae Jowanpa hanpakma huanuma mwot mokdaopuix, hwom pangnu hato ku salam.

ROM NOK HATO ZAKYA POL LAIZA 15:27

Ile mok angkya bama hwom lailaie wünle tsuakkya changle. Ikoxle otsing tomtata ma, chitüi chinang to fong angkya hwom ma thashe tüikya; Jehudi khünakbue mixnokbu füi chasa ma hwom ang tüikya mohiman ahanle lax, ilaxle mixnokbuechu Jehudi khünakbu to mwotkat mohiman makhange fong angkya olom jao changle.

FILIPI 4:3

Ilaxle mongao chitüikya ku üitho, hünzome ija mixcha nyi to fongtsox kox; chemthüikoxle Klemen hia ozün ma tüikya Zang laipex ma mün tüikya üithobu füi tomtomle, kaxho apuk ang hwome ku füi tomle azongle mokdaoa.

1 KORIN 16:16

iningkya lompabu üntoxlechu hwom füi tomle saxmokkyabu füito azuilax.

WANGSHEMBU MWOT 11:30

Hwome ile mok ilaxle ija ngun Barnaba hia Sol hokhi makhange Jerusalem müimüithom angkya mixpa tüichongbu hato akat.

2 WANGHOMBU 2:9

Ikhato Elija-e Elisha ang thüi: “Ku nang ha angkya mapaoba, kue nang hanpakma chem moküi akaxlax.” Elisha-e lan: “Chingchalaxle ku a nang tsak-zong mantswon mix ang achang kox.”

2 TIMOTHI 4:2

kaxho apuk-apua angkya, (asukhakkya hanpak chichanglax changlax) Ija apuk-apua ang mongto zwomkya, anom-anai angkya, sa angkya ilaxle mong achen angkya, ibu nange adukya füi anwot-ano angkya bama kue nang ang mongtsukya tüihüi thüipu.

1 TIMOTHI 4:16

Nange ma to alüile tamchu nang hwon-nwot to khünkhile hulax. Thuithui le ibu mokle lekox, chemthüikoxle nange jangmok thüikoxle nange ma khosün kopkya boma nang kax atatkyabuchu sün ang thoüi.

1 TIMOTHI 3:5

Chemthüikoxle khünak tuitae ma kako ngaxchu müile apu-achang ang chitho thüikoxle Zang müimüithom ning chemle apu-achang thoüi!

FILIPI 2:16

Hünzome ile jangmok thüikoxle, Khrista Hanpak Nyix nguikya zuma hünzom bama ku ang mongngam angkya olom tüiüi, chemthüikoxle ile changkyae ku azongkya hia mwot oba to tomta le chichang khato le ahoüi.

MATHI 24:25

Apalax, kue ija manguiba wüi hünzom ang apuale thompu.

IBRI 13:24

Hünzom lompabu pangwüi ang tamchu Zang khünaknu nok ang kwom salam fakox. Itali tokya mongong mixbuechu hünzom hato hwom salam akatle.

1 TIMOTHI 4:10

Kwom azanpu ilaxle azongle mokpu, chemthüikoxle pangnusa khosün mix tamnüilechu opange ongpuix, hwom hanpakma, kwome kwom monghom ozün Zang ma thompu.

1 KORIN 15:10

Ikoxlechu Zang chingcha tokhange anyix ku wangshem tuita ang achangle ngopu, ilaxle chixe ku ang fakya chingcha mwot ma chithaple chichang. Itülüi thüikox, ku tatae mokle lea münchang, Zang chingchae ku füi tomle mokpu, ikoxlechu wangshem mamabu füi kue wüi azongle mokpu.

WANGSHEMBU MWOT 20:35

‘Kopkya mix füi koxkya mix mongmüi wüi achongkya’ le Jowanpa Jisu-e akaxkya kax mong ma koplaxle, kue mokkya ningle azongle mwot moklaxle keme chitsuak chiman mix to fong angkya changle le pangnu li-lom ma kue hünzom hama apuadaoa.”

JUHAN 4:38

Hünzome chimokya khato züt ang kue hünzom apaopu; mixe mokdaoa ikha angkya lap hünzome kopüi.”

KAXHO MÜIKYA LUK 12:42

Jowanpa-e lan: “Jangchangba mongongkya hia hwontüi jezaikya da opupu hex? Hwom khama süt-mwot to hume angkya üntoxle hozui dabu ang otu nguikya ma sütling to humele kox angkya, ibu mwot hanpakma mongao chitüi le hopunue mwot owa ang koxpuix, mongongkya hia hwontüi jezaikya da a chix changpu.

ZEKARIA 9:12

Zanda ang ngokyabu, hünzom opang ma monghom tüilaxpuix, chatlax; chem chazakya chitüile ngo angkya nang ngwotnui to chatlax. Athax kue akaxpu, hünzome sikngün apongdaokya to othom anyie nüile kue mohimanüi.

JEREMIA 17:18

Ku zan to kale changkyabu hato thünzak apüile laxkox, ikoxle ku a shantoxhüi, Jowanpa. Hwom a thomshixe awangle chang ang tomkox, ikoxlechu ku a chabüt-lasünle chang ang taxtom. Hwom hato thama apüile laxkox ilaxle hwom a thuple akhixkox.

JEREMIA 16:18

Hwom ang kue hwom ochax hia chichangchizangle tüikya tsang othom anyie nüile thom ang tomüi, chemthüikoxle khüzün chemchu chitüikya mang thatha chapabu makhange ku haxtok akhu ang tomdaoa, ilaxle ija haxtok ma hwom othai baozangbue awang ang tomdaoa.”

ISAIA 40:2

Jerusalem angkya khünakbu ang mong achenkox. Hwome okuilole jao sikngün apongdaoa ilaxle athaxpi hwom ochaxbu thailak tüidaoale thüikox. Kue hwom to hwom ochaxbu khoma okhonguile sikangündaoa.”

1 TIMOTHI 5:3

Otsing tomta ma matata ngokya zomnubu to achuak achenle hukox.

1 TIMOTHI 4:6

Nang kaxbu ilaxle nange man tole hüidaokya otsingtsing hwon-nwot füi chasa ma nang tuxle ngopongma, tüinaohom hato nange ibu adangle jangfaba, nang a tuita Jisu Khrista da müikya mix ang changüi.

1 KORIN 3:9

Chemthüikoxle kukhi a Zang mwottho ma üitho changle; hünzom a Zang haxtok. Hünzom a Zang shwom Homchu changle.

1 TIMOTHI 4:14

Ajepae akaxkya hia mixmüi tüichongbue nang khangkho ma chak dankya zuma nang ang fakya, nang ma tüikya chasa hingho chie chise le taxchang.

1 TIMOTHI 5:19

Mixpa mixmüi owawa bama kaxfekya jangtüi thüiba, kaxkhi fa ang khünak anyi chichangba ifüi süluile tüile lewüi chichang, iningkya to na tha angkya münchang.

HUAKE LAIPEX 18:31

Hünzome tamchu hünzom kakobue ota toxkyabu a tütakhatochu sax ang tsuak, chemthüikoxle ija a hünzome Nyihom ma mwot mokle changkya bama hingchak mün kopkya thatha changpu.

TSAITONG-KAXTONG 18:8

Chixe chuwüi osüt-olingbu a, ikhama tüile ngokya Liwi hwom füi tomwüile kop angkya changpu ilaxle hwom hom chitokhange ahüikya chix ma thom ang tsuak.