1 TIMOTHI 4:8 - OTSAO BAIBEL (BSI)

⁸ Tsangtsa mwotchu tix changpu ikoxlechu chasa mwot sisi hotüichong, chemthüikoxle ijae anyixkya tsün tamchu füichi tsün monyi bama lap faüi.

1 TIMOTHI 4:8 ပူးပေါင်းရင်းမြစ်များ

MATHI 6:33

Itülüi thüikox hünzome pongwang ma chix wangting hia chix otsao shonglomlax; ifüima ibu pangnu chixe hünzom ang kox angkya changle.

1 TIMOTHI 6:6

Changle, khünak tuita ma ma tüikya füi mongtex shakya jangtüi thüiba, zanglom makhange chix a hakpa luapa ang achangle.

WANWÜNKAX 22:4

Jowanpa kax ma laxlax tamchu puinaile tüilax jangchangba nange ahak-aluakya, münchong hia tsünlo-zaknuile ngo angkya pangwüi kopüi.

WANWÜNKAX 19:23

Jowanpa kax ma laxle tüilax, jangchangba nang, mongzom ma müile tamchu khosün ma tsünlo-zaknuile ngo ang kopüi.

1 JUHAN 2:25

Üntoxle Khrista chixjaoe kem ang koxüi hexo le tsaokya oshuk chitüikya tsün khüzün a ija changle.

MARK 10:30

chixe athax ipongkhae tüle onui kopüi: hom-pungchu, hotüi honao hwomchu, hona honao hwomchu, honu hopa hwomchu, kakonubuchu, susabuchu, haxtok homtingchu, ifüi tomle sikngün zothupchu wüi kopüi; ilaxle athax füima oshuk chitüikya khüzün tsün ataküi.

MÜNCHUAK-TSAI 37:29

Otsao khünakbue haxtok kopüi ilaxle ikhama jento ngoüi.

MÜNCHUAK-TSAI 37:11

Ikoxlechu puinaikyabu haxtok kopüi ilaxle mongsom hia okop-olwot ma pwonla dongkya ngünüi.

IBRI 13:9

Küjo küjekya hozün hwon-nwotbue hünzom ochei to pao ang taxtom. Osüt oling bama wanlombu tokya makhange chichangle Zang chingcha tokhange omong tsakzong kopkya wüi sümüi, ibu wanlom tokya tokhange hexle lap chemchu chitüi tox.

ISAIA 3:10

Otsao khünakbu a mongmüiüi ilaxle hwom zongto jalinu müile hüiüi. Hwome chem hanpakma mokdaopuix ija bama hwom mongmüi ang thoüi.

HWON-NWOT-JAONO 8:12

Ochax khünak tuitae oho to lünle mütkop koxlechu ozün ma wüichu ngole. Oh changle: “Nange Zang kax ma laxle jangchang thüiningle, pangwüi sukya ang changpule hwome akaxkya kue awanle,

MÜNCHUAK-TSAI 145:19

Chix achuak-achenle changkyabu hanpakma laxlili bakle chixe koxle; chixe hwom sopkya zing atatle ilaxle chixe hwom sünle kople.

MÜNCHUAK-TSAI 84:11

Chingchajaja hia achuak-achenkya füi kem to mohimankya Jowanpa a kem kho-awapa tamchu fuazangkya chongwangpa changle. Sukya mwot mokle changkyabu ang mokle fa angkya Chixe müikya oli tütali tochu münle münthüi.

MIKNGÜN-OHÜN 3:21

Zan to anaolaxle ku chemle chongwang tüntong ma Apa tsaxchi ma ngopuix ilailaile zan to lütkyabu ku tsaxchi ma ngo ang tomüi.

TITA 3:8

Ija kax a otsing tomtata changle. Ija bama nange onüi khünzule namwünbae le kue texpu, ikoxletix opange Zang to mongong laxpuix hwome müikya tamchu nok zongto wüi mwot ma hüikya müikya mwot mok ang hanpak fa angkya bama hwom mong ma kakle texüi.

1 SAMUEL 15:22

Samuel-e lan: “Jowanpa zongto opupu sümüi: Kax ma laxkya sümüiüi hia tö koxkya wüi sümüiüi? Chun sümüimüi füi tö koxle changkya füi chix kax ma laxle changkya wüi sümüikya changpu.

MIKNGÜN-OHÜN 3:12

Zan to anaokya mix kue ku zangshwom-hom ma thong tuita ang achangüi, ilaxle chixe ija otuechu danle müntoxüi. Kue chix ma ku Zang mün zaüi, ija a hozün Jerusalem changüi, oja ku Zang tokhange zangkangting tokya jukya changpuix. Chatlechu kue chix ma ku mün zaüi.

1 KORIN 8:8

Süt makhange kem Zang füi wonkya ofün sümüiüi le münchang; chisaxba kem fün sümaüi, ilaxle saxkoxle kem fün sümüiüi le münchang.

JEREMIA 6:20

Hwome ku hato Sheba tokya ongan müikya so apüile zokkya to, chichangba tsailo nok tokya suingan amüikyali apüikya to kue hume angkya chemtüi? Hwome koxkya töbu kue pongle münkop ilaxle hwome koxkya zokle ashunkyabu füi ku ang mong müiüi münchang.

ISAIA 33:16

Ile jangchangba nang azangle ngoüi; nang a shingmongkya zanhunui ma ngole kopkya ningle chaza angkya chemchu müntüiüi. Sax angkya süt hia ling angkya ti hünzom ang tüile ngoüi.

MÜNCHUAK-TSAI 37:9

Opangsae Jowanpa to mongong thompuix hwome haxtok kopüi, ikoxle chichang-chizangkyabu a jwonle apaoüi.

ROM NOK HATO ZAKYA POL LAIZA 8:28

Chix to mongkünkyabu, kem opang Zange chix mwot mok ang ahyenpuix, hwom füi Zange omüi hanpak paktikle mwot mokkya keme awanle.

1 KORIN 3:22

Pol, Apolo, Pitar; ija chaxwannu, ozün hia omang, athax tüikya hia füichi, ibu pangwüi hünzom kux,

MATHI 19:29

Ku hanpakmale opange ma homkha, pasa tüinao, tamchu nanao, manu mapa, masu masa, haxtok homting, ibu danle toxlaxpuix, hwome thom hotae nüile atak angkya changle tamchu oshuk chitüikya tsün khüzünchu fa angkya changle.

JOB LAIPEX 36:11

Hwome Zang kax ma lax üntoxle chix thothale jangchang, Hwom a mongsom ma üntoxle tüinangle ngo ang tomüi.

MATHI 12:32

Üntoxle owae Khünak Hosa ajaole akaxüi hex, ija chix ang thailak faüi, ikoxle owae Otsao Chasa ajaoüi hex, ija chaxwannu machu tamchu hüiüi tüikya chaxwan tochu chix ang thailak müntüi.

1 TIMOTHI 4:7

Ikoxlechu wün ang thakho chinguikya ibu Zang chitüikyabu pupa zangwün füi atsaile ngolax. Zang womle tsün ngo ang mokkya olom ma nange hanpak hia zong ashixlax.

1 TIMOTHI 6:3

Opange othai Baibel kaxtong anwot-ano üihex kem Jowanpa Jisu Khrista kaxbu füi ilaxle hwom zanglom hwon-nwot füi nochitomle tüipuix,

1 TIMOTHI 6:5

üntoxle khüzi ma mwot chikoxkya tamchu otsingtsing chitüikya khünakbu makhange ohyet-otsi janba to alaile. Ibu a zanglom ma ahak-alua angkya olom tuita le hwome thütle.

2 TIMOTHI 3:5

otok to ngün ang kopkya tata twonlaxle zanglom tokya ahole hwome ija ma tüikya otsingtsing zong tomtata a chilaxle ahaiüi. Iningkyabu füi atsaile ngolax.

KAXHO MÜIKYA LUK 5:38

Idaile grepti-ju namfyet tankya a müikhwon sang hozün ma wüi sho angkya changle.