1 TIMOTHI 4:7 - OTSAO BAIBEL (BSI)

⁷ Ikoxlechu wün ang thakho chinguikya ibu Zang chitüikyabu pupa zangwün füi atsaile ngolax. Zang womle tsün ngo ang mokkya olom ma nange hanpak hia zong ashixlax.

1 TIMOTHI 4:7 ပူးပေါင်းရင်းမြစ်များ

1 TIMOTHI 1:4

Hwom ang ibu pupa zangwün ilaxle putong akiakle lowüilole zale thomdaokya awütdao le thüikox. Ibue kax ma alan angkya wüi chialaiba; ibue mongongle nyakkya Zang mongtex mokle aho angkya münchang.

2 TIMOTHI 2:16

Ongat hia adix-adakya zangwünbu füi atsaile ngolax, chemthüikoxle ijae khünaknu Zang ha angkya atsaile jwonle apaole.

TITA 2:12

Ija chingchae kem ang Zang chiwom homle ngokya tsün dantox angkya, chaxwannu osing nüfux tsün dantox angkya ilaxle ija chaxwannu ma ma akumathum le, sule, tamchu Zang womkya tsün ngo angkya adangle fale.

TITA 3:9

Ikoxle ongat to kax ma alankya, pupa hwom mün jenlo le zakya, ahe-atsikya tamchu wüi wanlom bama azankya, ibu a mwot to chihüikya tamchu asukya chichang.

IBRI 5:14

Sützan a mokkya mwot makhange, chisukya hia sukya ba süi ang tsuak le tüikya mixmüibu hanpak changle.

2 TIMOTHI 2:23

Ikoxlechu ongat hia chitsing chiwan zangwün füi atsaile ngolax; nange awan ngopu ibu a hyet ma shuüi.

2 TIMOTHI 4:4

Otsingtsing to apakya lom tokya hwom anongle paoüi ilaxle hwome pupa zangwün to mongkoxle tüiüi.

1 TIMOTHI 6:11

Ikoxlechu, nang Zang khünake, ibu lom pangnu tsyakle toxdao. Chasa Otsao, Zang womle tüikya, mongong, mongkün, thuakjokkya, ilaxle somdangkya, tamchu ibu hanpakma azong amongkya tüikox.

WANGSHEMBU MWOT 24:16

Idaile Zang hia khünaknu thüntho ma khangka tsaotha le tüi angkya hanpakma kue otukux tsuakpuix itukuxle müikya mokpu.

1 TIMOTHI 6:20

Timothi, nange hume ang kople thomkya nange sünle thomlax. Üntoxle züizüi khünake othai to “tsingwankya”, le nyakkya adix-adakya zangwün hia ongat ningle kax ma alankya nange tsiakle toxlax.

TITA 1:14

üntoxle hwome athaxpi Jehudi nok pupa zangwünbu tamchu otsingtsing wün ahaikya khünakbu tokhange hüikya khünak kaxtombu to mongle künlaxle chingoüi.

2 TIMOTHI 3:12

Jowanpa Jisu Khrista füikya notom ma Zang womkya tsün ngose atsutsu pangnusae zothupkya apong angkya jao changle;

1 TIMOTHI 3:16

Kem zanglom otukux chongkya huxsa tuita hex, owaechu münchangle thüi ang münthoüi: “Chix khünak sündün ma angai, Chasae changle le aho; kaxtaimixbue ngün. Chaxwannu pangnu khato chix apuk-apua; zangfang pangkhato wüi chix to ong, ilaxle chix zangkangting to dün.”

1 TIMOTHI 2:10

Khristan shekobu a müikya mwot mokkya makhange tix awan ang koxkox le müi angkya oli changle. Hwom khoshit nasai chichangba tuizanakom chichangba faxsaxle nyiza laxkya, ibu tokhange münchang.

1 TIMOTHI 1:9

Ikoxlechu wanlombu a müikya khünakbu hanpakma chichangle wanlom pünkyabu, mix mik amütkyabu hanpakma, zang chilax homtoxle ngokya ochax khünakbu hanpakma, chasa ma chitsaokyabu hanpakma, honu hia hopa hwom langkya khünakbu hanpakma, mix mik amütkyabu hanpakma,

1 TIMOTHI 4:8

Tsangtsa mwotchu tix changpu ikoxlechu chasa mwot sisi hotüichong, chemthüikoxle ijae anyixkya tsün tamchu füichi tsün monyi bama lap faüi.

1 TIMOTHI 6:3

Opange othai Baibel kaxtong anwot-ano üihex kem Jowanpa Jisu Khrista kaxbu füi ilaxle hwom zanglom hwon-nwot füi nochitomle tüipuix,

1 TIMOTHI 6:5

üntoxle khüzi ma mwot chikoxkya tamchu otsingtsing chitüikya khünakbu makhange ohyet-otsi janba to alaile. Ibu a zanglom ma ahak-alua angkya olom tuita le hwome thütle.

2 TIMOTHI 3:5

otok to ngün ang kopkya tata twonlaxle zanglom tokya ahole hwome ija ma tüikya otsingtsing zong tomtata a chilaxle ahaiüi. Iningkyabu füi atsaile ngolax.