1 TIMOTHI 4:16 - OTSAO BAIBEL (BSI)

¹⁶ Nange ma to alüile tamchu nang hwon-nwot to khünkhile hulax. Thuithui le ibu mokle lekox, chemthüikoxle nange jangmok thüikoxle nange ma khosün kopkya boma nang kax atatkyabuchu sün ang thoüi.

1 TIMOTHI 4:16 ပူးပေါင်းရင်းမြစ်များ

TITA 1:9

Lai kax otong füi notomkya mongong tangkya kaxho to chixe mongle kop angkya changle. Iningle chixe otsingtsing hwon-nwot makhange mix ang zong adün ang thoüi ilaxlechu ija füi opüima tüikyabu hama hwom thaikya kha aho ang thoüi.

TITA 2:7

Pangnu lom ma wüi nang a müikya zanglom saikha müile ahokya olom tuita ang chang angkya changpu. Nang hwon-nwot bama mongkoxkya tamchu khünzukya tüilax.

1 PUKAX-PANGAO 28:10

Jowanpae nang a, chix Zangshwom-Hom zai angkya khünak ang kamle laxdaoale nange awan angkya wüi changpu. Athax ija ile moklax: ilaxle ija a chatsu-mongluakya füi moklax.”

2 TIMOTHI 4:2

kaxho apuk-apua angkya, (asukhakkya hanpak chichanglax changlax) Ija apuk-apua ang mongto zwomkya, anom-anai angkya, sa angkya ilaxle mong achen angkya, ibu nange adukya füi anwot-ano angkya bama kue nang ang mongtsukya tüihüi thüipu.

EFISIA 4:14

Ifüima kem, mae zingle alaikya tsingtsang othai hato mix zunle ngokyabu odyen khünakbu hwon-nwot tichape laxlax tox angkya ilaxle zangwin to lexlexchex le jeple paongo angkya athax kem a naosom münchang.

IBRI 13:9

Küjo küjekya hozün hwon-nwotbue hünzom ochei to pao ang taxtom. Osüt oling bama wanlombu tokya makhange chichangle Zang chingcha tokhange omong tsakzong kopkya wüi sümüi, ibu wanlom tokya tokhange hexle lap chemchu chitüi tox.

IBRI 12:15

Zang chingcha angkya anongle chichat angkya bama khünkhile hunga ngolax. Nyem laxle ija ma tüikya zik hing füi huanuma khünaknu tingtui ang tomkya khaxkya pün tuita ningle owachu taxchang.

2 TIMOTHI 3:14

Ikoxle nange a, nang hama apua daokya tamchu nang mongong shingmongle tüikya otsingtsing ma thuithui le ngolax. Nang zongto nwotmixbu opang changkya hex nange awan ngopu,

KAXHO MÜIKYA LUK 21:34

“Aluile fongkha lanle hia jutok saxnga lanle üntoxlechu ija chaxwannu tsün khoma aban-asan tata le ngokyae janba jao chitüi le nang mong awangle chingo angkya bama khünlilax, chichangthüiba ija chaxwan-zanghane kam ma mankya ningle nang kopüi.

ISAIA 55:11

Ija ningle kue wünkya zangwün chuwüi — ijae kue ajangkya mwot chitsuakle müntüi; ijae kue mok ang atomtom pangwüi mok angkya changle.

1 TIMOTHI 4:6

Nang kaxbu ilaxle nange man tole hüidaokya otsingtsing hwon-nwot füi chasa ma nang tuxle ngopongma, tüinaohom hato nange ibu adangle jangfaba, nang a tuita Jisu Khrista da müikya mix ang changüi.

1 TIMOTHI 1:3

Ku Mesidonia to kaüi lom to kue nang füi akaxkya ningle, kue nang a Efisia ma nuikoxle müisele texpu. Ikhato züizüie othai hwon-nwot apukle ngole, nange hwom ang dang angkya kax kox angkya changle.

ROM NOK HATO ZAKYA POL LAIZA 16:17

Kutüi kunaohom, kue hünzom zongsaipu; ahak ahan angkya mix hia mongong ma khünaknu chikho asua ang kox angkya mix, owa hünzome pongle kopdaokya hwon-nwot zongto opüima tüipuix, ibu hanpakma mik-hingle ngolax; hwom füi atsaile ngolax.

2 TIMOTHI 2:10

ikhoma Zange zünle kopkya khünaknu kuxmale kue pangnu adu, ija a Khrista makhange ahüikya khosün hwomechu naxkoplax ang tamchu oshuk chitüikya fuazang apüi angkya hanpakma changle.

1 KORIN 9:27

Ile mix hato apua anolaxle mawüi thaile nakbang le kue ku tsangtsa to chakthome tople atsak laxle akumathum ang tsuakpu.

WANGSHEMBU MWOT 6:4

Kwome a zangjop hia hwom-ano angkya mwot to kwom hanpak komle faüi.”

MARK 13:9

“Ikoxle hünzom ma hanpakma khünkhi lax, chemthüikoxle hünzom a kop laxle khwa to kaxfün ang paoüi; Sinagok ma hünzom to chak moküi; ilaxle Gowarnor hia wanghombu pomtho to ku hanpakma kaxkhi fa ang hünzom ajongüi.

JEREMIA 23:22

Hwome ku huxsa tuthüt awanle chang koxba, hwome ku khünaknu hato ku kaxho apukse ilaxle ngole hüikya ochax zanglom hia ochax mwottho hwome danle toxdaose.

JAKOP 5:20

owae ochax khünak tuita chix ochei lom tokya apüi laxpuix, chixe zise tsyen chasa tuita khosünkya changpu, ile tüle tülekya ochaxbu thailak atak ang tompu le awanlax.

TITA 2:15

Hünzom kax to apakyabu zong adün pongma tamchu hwom to sa pongma ibu anwot-ano ilaxle hünzom apün-adakya komkaile twonkox.

KOLOSI 4:17

Üntoxle “Jowanpa ma nang ang fakya mwot tsuak ang ole thüilax”, le Arkipa ang thüikox.

1 KORIN 9:22

Shonaikyabu khato ku, hwom khristan ang achang angkya kuxma, shonai le maxkya mix tuita ang achangpu. Owawa thüingaxchu sünle tsuak angkya kuxma, ku nok khato pangnu li ang achangpu.

ROM NOK HATO ZAKYA POL LAIZA 11:14

Ku mwot ma ku mong ngamkya to ku füi mamixbu ang osing dong ang koxüi, ilaxle ile ku khoma hexle Zange züizüi kho thüingaxchu sün angkya hanpakma.

ROM NOK HATO ZAKYA POL LAIZA 2:7

Züizüi khünake mwot müikyakya wüi mokle ngole, ilaxle fuazangkya, üntoxle otuechu chizi chimax angkya tsün lomle; Zange hwom ang oshuk chitüikya tsün khüzün koxüi.

WANGSHEMBU MWOT 26:22

Ikoxlechu anyix kople Zange ku to fongle wüi hüipu, ija khoma hixkya chongkya noknusa hama otsingtsing zangwün ang ku ikhama ajongpu, kue akaxkya zangwün a ajebu hia Mosa hwom akaxkya füikya kya wüi changpu.

2 PUKAX-PANGAO 19:6

ilaxle hwom hama ile adangle fa: “Kaxfün thothuile chifa angkya bama khünzailax, chemthüikoxle hünzome a khünak tsak-zong mwot mokkya münchang ikoxle Jowanpa tsak-zong mwot mokpu, ilaxle nange kaxfün fale changpongma chix a nang füi tüile ngole.

FILEMON 1:19

Ikhama, ija ku chak jao makhange zapu: Pol, kue nang ang ija achatle koxüi. (Changle, nang jao kox angkya ku ang thashe tüile ikoxlechu imo münwün ngohom.)

1 THESALONIKA 2:16

Hwom hato khosün apüi angkya kaxho mixnokbu hato apuk-apuale ngokya kwom abax ang ngaxchu hwom tüle azong daoa. Ile hwome othuithuima mokle hüikya ochax okhongui le mokdaoa. Üntoxle athax oshuk ma hwom hato Zang mongtsik nguile tüile!

LAIPAO 23:13

“Jowanpa kue akaxkax to hünzome nathale apalax. Mama baozangbu to taxjop; ibu mün ngaxchu taxlün.

1 KORIN 1:21

Chemthüikoxle Zange chix je-hwon makhange khünaknue chix mahwon maje füi awanle chitsuak angkya lima achangdaoa. Itülüi, kwome apuk-apuakya kaxho, oja ang khünake tsaingat kaxngui le nyakpuix, ija kaxho to mongong tüikya khünakbu khosün angkya Zang mongto texdaoa.

1 TIMOTHI 4:15

Ibu mok ang anole ngolax ilaxle nange ibu to mong koxlax, ikoxletix nang mwotthobu tsongle hüikyabu noke ngün ang kopüi.