1 TIMOTHI 4:15 - OTSAO BAIBEL (BSI)

¹⁵ Ibu mok ang anole ngolax ilaxle nange ibu to mong koxlax, ikoxletix nang mwotthobu tsongle hüikyabu noke ngün ang kopüi.

1 TIMOTHI 4:15 ပူးပေါင်းရင်းမြစ်များ

MATHI 5:16

Ija lailaile nang zangngaie khünaknu to nyan ang laxkox; ikoxtix hünzom mwot müikya ngün ang koplaxle hwome zangkangting tokya Apa mün achuaküi.

MÜNCHUAK-TSAI 143:5

Leünkyabu hanpak kue texle atakle; nange mokdaokya pangnu bama kue ajangle laxle, nang mwot pangwüi kue mongto thütle atakle.

MÜNCHUAK-TSAI 104:34

Ku tsaizu ding füi chix mongmüikya naxtüikox, chemthüikoxle ku mongmüi a chix tokhange tix hüipu.

WANGSHEMBU MWOT 6:4

Kwome a zangjop hia hwom-ano angkya mwot to kwom hanpak komle faüi.”

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

MÜNCHUAK-TSAI 119:97

Kue nang wanlom to chemtukux mongkün puix! Kue ija bama han-ahomle ajangle.

JIHUSUA 1:8

Hünzome Zangshwom pongma chithaile Wanlom laipex e angkya münalak-o thüilax. Zangnak zangngai ija müile aju-ajanglax, ilaxle ima zale tüikya pangwüi kax ma laxle tüile-ole thüilax. Ile jangchangba nang a ahak-aluale tamchu tho-lünle changüi.

1 TIMOTHI 4:6

Nang kaxbu ilaxle nange man tole hüidaokya otsingtsing hwon-nwot füi chasa ma nang tuxle ngopongma, tüinaohom hato nange ibu adangle jangfaba, nang a tuita Jisu Khrista da müikya mix ang changüi.

MÜNCHUAK-TSAI 119:148

Zang angaile ku mik azangle apüipu, nange adangle fakyabu mongkoxle to angkya hanpakma a.

MÜNCHUAK-TSAI 119:99

Ku nwotmixbu pangnusa füi kue wüi sütsing, chemthüikoxle kue nange adangle fakyabu to mongkoxle apa koxle.

MÜNCHUAK-TSAI 119:48

Kue nang kaxtombu chathua zapu tamchu ibu to mongkünpu; kue nange adangle fakyabu to zule ajangkya tüiüi.

MÜNCHUAK-TSAI 119:15

Nange adangle fakyabu kue otua lompu; kue nang hwon-nwotbu thwonlop ang azongpu.

2 KORIN 8:5

Ija a kwom monghomkya to nüile chang: Pongwang ma hwome ma tsün Zang ang koxle kop; ilaxle Zang mongtex makhange hwome ma alüile kwom chak to dan.

MÜNCHUAK-TSAI 105:5

Hünzom Abraham, chix dapa sixli hwom; hünzom Jakop, chixe zünle kopkya, sixli hwom: Zang-e mokkya ohünotün mwotbu ilaxle chixe hünzom ang koxkya kaxfünbu texle ataklax.

MÜNCHUAK-TSAI 49:3

Ku tutex a tsaothale tüiüi; kue je-hwon kaxbu akaxle changüi.

MÜNCHUAK-TSAI 19:14

Ku zangwün hia ku tutexbu nang zongto pongle koptsuakkya lima naxchang, O Jowanpa, ku khangkhom nui üntoxle ku shakkop-pupa!

1 KORIN 16:15

Hünzome Stefen hia chix kako bama awanle ngopu; Akaia ma hwom khristan ang achangle hüikya kako owang lükya changle ilaxle hwome Jowanpa mwottho ma ngokya thothapabu to hume angkya hwom hünlix changpu le tsingle hüile. Tüinaohom, kue hünzom ang thüipu,

MÜNCHUAK-TSAI 119:23

Apün-adakyabu asoxlaxle ku zan to ka ang tung, ikoxlechu kue nang hwon-nwotbu awan ang azongüi.

MÜNCHUAK-TSAI 77:12

Nange mokdaokya pangnu bama kue ajangüi; Chongkya nang mwotbu otua kue lomüi.

MÜNCHUAK-TSAI 63:6

Lya ma shuile ngopongma, kue nang texle ataküi; zang angaile kue nang bama ajangpu,

MÜNCHUAK-TSAI 1:2

Hwome Jowanpa Wanlom tole changkya ma, üntoxle ja-nop to ija otua lomle changkya ma hwome mongmüi kop.

2 KORIN 4:14

Zang owae Jowanpa Jisu chatle azünpuix, chixe kwomchu Khrista füi tomle azangle zo ang koxüi ilaxle hünzom füi tomle kwomchu wüi chix ngwotnui to paoüi, le kwome awanle.

1 TIMOTHI 4:14

Ajepae akaxkya hia mixmüi tüichongbue nang khangkho ma chak dankya zuma nang ang fakya, nang ma tüikya chasa hingho chie chise le taxchang.

1 TIMOTHI 4:16

Nange ma to alüile tamchu nang hwon-nwot to khünkhile hulax. Thuithui le ibu mokle lekox, chemthüikoxle nange jangmok thüikoxle nange ma khosün kopkya boma nang kax atatkyabuchu sün ang thoüi.

HUAKE LAIPEX 8:26

Ifüima chixe Nyihom ma hozui Liwi hwome mokkya mwot to asun-azule chang ang tsuak, ikoxlechu chixe ma mwot le chemchu chimoküi. Ija ningle nange Liwi hwome mok angkya mwot to humele changüi.”