1 TIMOTHI 4:12 - OTSAO BAIBEL (BSI)

¹² Nang naosünsa changle le owawae nang to thajao le hu ang taxkox, ikoxle mongong mixbu zongto, nang zangwün ma, nang zanglom-saikha ma, nang mongkün ma, nang mongong ma ilaxle tsaothakya ma nang apyen angkya ang changkox.

1 TIMOTHI 4:12 ပူးပေါင်းရင်းမြစ်များ

TITA 2:7

Pangnu lom ma wüi nang a müikya zanglom saikha müile ahokya olom tuita ang chang angkya changpu. Nang hwon-nwot bama mongkoxkya tamchu khünzukya tüilax.

2 TIMOTHI 2:22

Khüse pongma mongzok füi atsaile ngolax, ilaxle sukya, mongong, mongkün, tamchu mongsom hanpakma mong tsaokya tokhange fong angkya hanpakma Jowanpa ahyenkyabu füi tomle azonglax.

2 TIMOTHI 2:15

Chiazak le chix thothapa tuita ningle, Zang otsingtsing kaxho Müikya thaikya chitüi le anwot-anokya khünak tuita ningle, Zange sule le lax angkya hanpakma nange otsuaktsuak ma azongle moklax.

1 PITAR 5:3

Hünzom ang nyehüio le koxle thomkyabu thakma hopunu ang chichang homtoxle hwom tu ma hünzom apyen angkya tuita ang achangkox.

1 KORIN 11:1

Kue chemle Khrista thüi anopuix, ilailaile hünzomechu kuthüi anolax.

1 THESALONIKA 1:6

Hünzome kwom thüi tamchu Jowanpa thüi anopu; ilaxle hünzom huanuma sikngün koxlechu, Otsao Chasa tokhange hüikya mongmüi füi hünzome ija kaxho pongle koppu.

TITA 2:15

Hünzom kax to apakyabu zong adün pongma tamchu hwom to sa pongma ibu anwot-ano ilaxle hünzom apün-adakya komkaile twonkox.

MATHI 18:10

“Ija naosombu tuita ngaxchu thajao wünhai le chichang angkya bama hünzom likhün lax. Kue hünzom ang thüipu, Zangkangting to hwom kaxtai mixbu ku Apa hama jento ngole.

2 TIMOTHI 2:7

Kue chempang akaxpuix ibu bama ajanglax, chemthüikoxle Jowanpa-e nang ang ibu pangnu awan tsuak angkya koxüi.

JAKOP 3:13

Hünzom khama tsingwankya hia jetüi hwonlangkya mix owawa tüicha? Chixe puinaikya hia je-hwon füi mwotmüi mokkya hia tsün müile ngokya tokhange ija kaxkhi fa angkya changle.

JAKOP 3:17

Ikoxchu thakchi tokya je-hwon a pongwang ma tsaotha le changüi; tamchu ija a mongsomjale, somdangle tamchu asyen-abui le changüi; ija a chingchajaja oziak opuae awangle tüile; ija a mapai mixzünkya tamchu künkux-mongkwom füi janle tüile.

FILIPI 4:8

Oshukma kutüi-kunaohom, münchong fakoxle asule tüikya hia oli müikyabu füi hünzom awangle tüikox; thüikoxle, otsingtsing, sukya, changkya, tsaothakya, mongkünkya ilaxle achuak achen ang asule tüikyabue awangle tüikox.

1 THESALONIKA 2:10

Hünzom mongongkyabu zongto kwom zanglom saikha tsaotha le tüikya, sukya ilaxle thaikya kha chitüi le tüikya changpu le kaxkhi ang hünzom changle ilaxle Zang chuwüi changle.

1 TIMOTHI 1:14

Ilaxle kem Jowanpa-e chix okhonguikya chingcha ku ma thokle kox ilaxle ku ang mongong hia mongkün fa, oja Khrista füikya notom ma kem tomkux changpuix.

ZEKARIA 2:4

Pongwang angkya mixsüne ata sün füi akaxle thüi: “Katuk mong ma onui chitüile, Jerusalem ma, khünak hia tsom-pom huanuma tüi angkya tale chix hato zikle hüilaxle chak ma thüt angkya kia koplaxle ngokya chuja mixsün füi akaxkox.