1 TIMOTHI 3:3 - OTSAO BAIBEL (BSI)

³ chix a tuita jutok saxngakya mix chichangba hyet lom mix ang chichangüi, jonai ma hia mongsom füikya mix ang achang angkya oli changle; chixe ngun syen to mongkünkya chitüi angkya oli changle;

1 TIMOTHI 3:3 ပူးပေါင်းရင်းမြစ်များ

TITA 1:7

Ile müimüithom lompa tuita a Zang mwot mok angkya ajepa tuita changkya daile, chix a ofwot chizaile changkoxle müiüi. Chix a makax kax ma wüi laxhüi le chichangba amuaküsa to mongtsik dongkya mix chichangüi, chichangba jutok saxngakya mix, hyetlom mix, ngun to asingkya mix, iningkyabu chichangüi.

TITA 3:2

Owa angchu omale kax chithüi angkya, ikoxle mongsom hia zuikop manle tüi angkya ilaxle pangnu zongto wüi othuithuima jonai le tüi angkya hwom hama wünkox.

EFISIA 5:18

Hünzom olithu angkya jue nang to taxtok; itülüi Chasae awangle ngolax.

1 TIMOTHI 3:8

Müimüithom ma fongmixbu machu müikya zanglom saikha tamchu mongkoxle saxmokkya tüi angkya oli changle; hwome ju aluile chilingüi tamchu ngun-syen to osingkya chitüi angkya changle;

JAKOP 4:1

Hünzom khama tata füi achax-azankya hia ahe-atsikya ojong tokhange hüi? Ibu a ojao chizak le hünzom mong khato azanle ngokya mongzok tokhange laikya münchang hexnyi?

ISAIA 28:7

Jenu-shipa hia nguapabu ngaxchu juling-saxsax laxle tok-tok-ngale lomnong to paodaoa. Hwom chikho suale laxkya hia jepakya kople hwome okho-anguile jao juling-saxsaxle changle. Ajebu a Zang-e ahüikya mikngünohün ngaxchu tsingle lax ang chithole jue tok, ilaxle nguapabu chuwüi hwom hato apüikya tsetwon-zangwün fünle fa ang ngaxchu khosamle jutok ngo.

1 PITAR 5:2

Atsangle chichang homtoxle mongtsutsu le, Zange hünzom ang koxle tüikya chun zyem nyelax. Omün kop ang chichangle otsing tomtata ma thotha ang mongtsukya füi ma mwot mokkox.

IBRI 13:5

Ngun to kün-luakya füi hünzom atsaile ngolax, üntoxle hünzom ma ma tüikya füi mongzom müile ngolax, chemthüikoxle Zange thüile: “Kue nang otuechu danle müntox; kue otuechu nang awütle müntox.”

TITA 2:3

Azunubu hama, otsao tsün ngokya mixnu tuita chemle ngose hex ile ngo angkya adangle laxkox. Hwom a khualop cha tamchu ju danubu ang chingoüi.

LIWI 10:9

“Hünzome tamchu hünzom su-sabu owaechu ku ngole tüikya Nyihom to juling-saxsax laxle taxngui. Hünzome ile jangmok, hünzom a ziüi. Ija a hünzom hanpak ang sutsün-satsün to nguile ojento twonle ngo angkya wanlom changpu.

MIKNGÜN-OHÜN 1:9

Ku a nang zongto tüinaopa, Juhan changle. Chix wangting ma womkyabu hato hüi angkya sikngün kaxsix chidünle adukya ma Jisu Khrista man tokya mix tuita ningle ku a hünzom üitho changle. Zang kax hia Jisu Khrista-e angaikya otsingtsing bama apuk-apua angkya kuxma ku Patmos shuazo to thomkya changle.

JUD LAIZA 1:11

Hwom a maxsax! Hwome Kain man to. Ngun hanpakma hexle hwom alüile Balam thaikya othai chak to kox. Hwome Korah ningle alün-aloxle ajong, ilaxle chix lailaile hwom amüt.

2 PITAR 2:3

Ibu othai nwotmixbue, hwom nüfux tokhange, zingle alaikya pukaxbu zexkya füi achakle hünzom angkya ngun alapüi; kaipong tokhange wüi hwom kaxfün mix achwonle ngole, tamchu hwom mik amüt angkya mix ang mik azangle ngole!

TITA 1:11

Hwom zangwün abax angkya zongpong jao changle, chemthüikoxle hwome ngun kop angkya thünzak mwot anwot-anokya tokhange hwome kako-kako angkhae lanle mong ama ngole.

1 THESALONIKA 5:14

Tüinaohom, hünzome chem mwot chimokle ngokyabu ang kaxkhün laxkox, mongchyen chitüikyabu ang mongchyen laxkox, shonaikyabu to asunkox, pangnu füi thuakjokkya tüikox.

ROM NOK HATO ZAKYA POL LAIZA 16:18

Iningle mokkyabue kem Jowanpa Jisu Khrista mwottho thakya münchang, ikoxle hwom wok hanpakma mokwüi. Hwome kaxmüi makhange tamchu tsaisong kaxnong makhange künlan-monglan ma ngokya khünakbu dyenle.

WANGSHEMBU MWOT 20:33

Kue mixkux, jan, hun, chichangba nyiza tütatochu za münlo tox.

MATHI 21:13

Ilaxle hwom ang thüi: “Otsao Lai Kax ma zale thomkya ile tüile: ‘Ku Hom ang Zang Job-Hom le nyaküi.’ Ikoxle hünzome ija ahux mixbu azwonkya nui ang achangle thomle!”

MALAKI 1:10

Jowanpa Khüthak Zang-e thüile: “Hünzome ku tö-tsap ma chilaxli wün atsople changkya füi, ija abax angkya hanpakma owawae Zangshwom-Hom kahakle namchangbae le kue thütle. Ku hünzom füi mong münmüi; nange ku hato apüikya tö kue pongle münkop.

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

MIKA 3:5

Hwom ang otha koxle changkyabu ang mongsom koxüile tsaosaxkya ajebue ku khünaknu dyendaoa. Hwom ang otha chikoxkyabu ang ochax-ozan thama apong angkya aza. Ibu ajebu füi Jowanpae akaxle,

MIKA 2:11

“Kaxthai hia dyen-ngankyae awangle, ‘Nang hanpakma ju-sax jenle-jenle naxtüi’ le ajele aham ngokya ajepa ija khünakbue laxse tsule.

EZEKEL 44:21

Hommong tokya nui to dongüima nguapabue ju-sax lingle chichangüi.

JEREMIA 8:10

Ikhoma kue hwom haxtokbu a haxpu ozünbu ang koxüi ilaxle hwom kakonubu a mix ang koxüi. Chongkya hixkya noknusae wüi thaikya olom tokhange ngun athün ang azongle. Nguapabu hia ajebue ngaxchu khünaknu dyenle.

JEREMIA 6:13

Khünak pangnusae, chongkya-hixkya noke, huxtsing-loptsang lom tokhange ngun-syen athün ang azongle; ile ajebu hia nguapabue ngaxchu wüi khünaknu dyenlale changle.

ISAIA 28:1

Israel wangting a maxdaoa! Hwom lompahom jutok mixbu khangkho ma maipua khohom hüile paokya ningle hwom fuazang a samdaoa. Angamkya hwom khangbu a ongan müikya münga füi palaxle tüile, ikoxle hwom ikhama jutokle shui, omang ma pangle.

HWON-NWOT-JAONO 7:8

Tütali owang füi oshuk wüi amüikya. Mongngam füi adukya wüi amüikya.

WANWÜNKAX 15:27

Mix to dyen-lale olüi kop ang azonglax, nang homkhae thama apongüihex. Zuizunbu laxle chichang thüiningle nang tsünlo zaknuile ngoüi.

WANWÜNKAX 1:19

Ahuxmix a huxmix chak ma lam: owa khünak changnong-pünthomle ngopuix, chix hanpakma ilele wüi changle hüipu.

1 SAMUEL 8:3

Ikoxle hokhie hopa mwotlom chito, hokhi a ngun kop angkya zaza to mongkoxle mok, ikhoma hokhie sukya kaxfün chifatox homle zuizun laxlaxle tix tsaifün-kaxwünle chang.

2 TIMOTHI 3:2

Khünakbu a tsingpux, nüfux, tsaichong-kaxbong, üntoxle ngamle tüiüi; hwome ajao-ahaiüi, nuzün-pazün kax ma chilaxle tüiüi; tata achuak achenkya tamchu zanglom tokya chemchu chitüi le changüi;