1 TIMOTHI 2:6 - OTSAO BAIBEL (BSI)

⁶ owae khünaknüsa khosün ang, chix tsün alüile kox laxpuix. Ija a tuita hanpakma asule tüipongma pangnusae wüi khosün kopsele texkya Zang mongtex ngaikya changle,

1 TIMOTHI 2:6 ပူးပေါင်းရင်းမြစ်များ

MATHI 20:28

Khünak Hosa a mok ang tom ang chichangle mokle fa angkya hanpakma tamchu khünak khosün angkya bama chix tsün kox angle nguipu.”

1 PITAR 3:18

Chemthüikoxle hünzom Zang hato apüi ang, ochax khünakbu khülüix to müikya khünak tuita Khrista, nok hanpakma tamfang ma ochaxbu bama zi. Tsangtsa ma chix lang ang kox, ikoxlechu chasa ma chix azang ang tom,

GALATIA 4:4

Ikoxlechu tu-hi-wan thütkhak le nguile hüikya zuma mixcha tuita makhange Jehudi wanlom fangma puxle Zange Hosa ajo.

MIKNGÜN-OHÜN 1:5

üntoxle owa chithai toxkya kaxkhi, zikyabu khama pongwang ma zokya mix, üntoxle owa chaxwannu wanghombu thakma apünkya mix angchu changpuix, ija Jisu Khrista tokhange hünzom ang mongsom hia chingcha naxchang.

1 JUHAN 4:10

Mongkün a ija changle: Keme Zang to mongkünle le münchang, ikoxle chixe tix kem to mongkünpu, ilaxle kem ochax khoma, kem khosün hanpak tö kox ang chixe Hosa ajo.

TITA 2:14

Müikya mwot mok ang tsuakkyabu kem opang chix kux ang ngopuix, ibu chisumüikya pangnu olom tokya azün laxle tsaotha le achang ang, chixe ma alüile kem hanpakma kox.

1 KORIN 1:6

Jowanpa Jisu Khrista bama Kaxho Müikya hünzom ma shingmongle tüiüna,

1 TIMOTHI 6:15

Chix ngai angkya, ilaxle apün-awangkya, Zang chixe chaxwan zanghan thütkhak le changpong khae apüile faüi.

EFISIA 5:2

Khrista-e kem to mongkün ilaxle kem kuxma Zang mongzom amüile chix tsün ongan müile ngankya münga ningle tökya ma kox. Ija lailaile kem tsün a mongküne akox-akomle ngo angkya changle.

JOB LAIPEX 33:24

Chingcha füi kaxtaimixe thüiüi: “Chix dankox! Chix a amalum fangto ju angkya münchang. Chix dan angkya bama tsang ikhama tüile.”

1 PITAR 2:24

Kem ochax ma zi üntoxle otsao hanpakma ozün ma ngo angkya kuxma, Khrista-e kem ochax chix tsangtsa ma pünsak hato hünle pao. Hünzom komle müi ang tomkya a chix ma mak-khakya tokhange changpu.

TITA 1:3

ilaxle hanpak thütkhak le tüipongkhae chix kaxho makhange chixe ija ngaile ahole. Ija ku chak to koxle tox, ilaxle Zang kem khosünpa kaxtom makhange kue ija apukpu.

2 KORIN 5:21

Ikoxle chix füi notomkya tokhange, kem, Zang otsao ma wom angkya kuxmale, ochax chitüikya Khrista, Zange ochax ang achang.

ROM NOK HATO ZAKYA POL LAIZA 5:6

Chemthüikoxle fongmix chitüile kem maxle ngoponge, Zange tyakya tuthüt ma, ochax khünakbu hanpakma Khrista zi.

JUHAN 10:15

ilailaile kue ma chunbu awanle ilaxle hwomechu ku awanpu. Ku tsün a chunbu hanpak ang dan kox ang tsupu.

JUHAN 6:51

Ku a zangkangting tokya jukya süt changpu; owae ija süt kha angkya saüihex, chix a oshuk chitüile ozün ma ngoüi; ilaxle süt oja kue chaxwan azün ang koxüihex, ija a ku müi changle.”

MARK 10:45

Chemthüikoxle otsing tomtata ma Khünak Hosa ngaxchu ma to hume hüile chichang le mix to atu alit le kox ang tamchu khünaknu hanpakma ma tsün kox angle nguipu.”

ISAIA 53:6

Kem pangwüi lom asamdaokya chunbu ningle changkya, kem pangwüi malomlom to pao. Ikoxle Jowanpae sikngün chix khangkho ma adüt, ija sikngün a kem pangwüie kopsepa.

MIKNGÜN-OHÜN 5:9

Hwome tsaizün ile ngao: “Laitün lax üntoxle, shintop dap ang asule tüile; chemthüikoxle nang a lang daoa, tö koxle nang zikya füi; nange Zang hanpakma, pangnu jat-li tamchu kax-ngao; chaxwan longkho hia li-kan tokya, khünaknu shakdaoa.

IBRI 9:12

Otue Khrista ija Nyihom to ngui üntoxle tamfangma tamchu nok hanpakma Atax le Tsaokya Nui to dongpuix, chixe tö kox ang zwon üntoxle maihu ajibu chikop; itülüi, chixe ma aji kop üntoxle kem hanpakma oshuk chitüikya khosün atak.

2 TIMOTHI 1:8

Kem Jowanpa bama kaxkhi fa angkya azakle taxtüi; chichangba Khrista khoma kun to thomkya mix changündai le ku bama azakkya taxtüi. Itülüi, Zange nang ang ija mok angkya zong koxle tüikya ningle, Kaxho Müikya bama sikngün apongkya atom-ahanle tüilax.

2 THESALONIKA 1:10

Ija a, chix khünaknu angkya fuazang kop ang üntoxle chix to ongkya chix khünakbu angkya achuak achenkya kop ang chix nguikya nyix nguiüi. Hünzom chuwüi hwom khama tüiüi, chemthüikoxle hwome akaxkya kaxho to hünzome ongdaoa.

ROM NOK HATO ZAKYA POL LAIZA 16:26

Ikoxle, athax a, ija otsingtsing a ajebu chakza makhange kotok to angai daoa; ilaxle noke ong angkya hia ija kax ma lax angkya kuxma, oshuk chitüikya Zang kaxtom makhange ija a nok chaxwan longkhoe awan ang koxdaoa.

EFISIA 1:17

Üntoxle hünzome chix awan angkya kuxma, kem Jowanpa Jisu Khrista Zang, fuazangkya Hopa ma, hünzom jetüi hwonlangkyabu ang achang fa angkya ilaxle ngaile aho angkya chasa laxhüi le jupu.

EFISIA 1:7

Chemthüikoxle Khrista zikya makhange tix kem dan-panpu, thüikoxle keme ochaxbu thailak atakpu.

EFISIA 3:5

Amipongma ija huxsa bama khünaknüsa hama apuale chithom, ikoxle Zange Chasa makhange athax a ija wangshembu hia ajebu hato angaile aho.

MARK 1:15

Üntoxle chixe thüi: “Chaxwan zanghan nguile hüiüna ilaxle Zang Wangting a chaknam ma tüile; hünzom ma ochaxbu tokya mong chatlax ilaxle Kaxho müikya to onglax!”

GALATIA 1:4

Athax pongkya ochax tsün chak tokya kem khangkho angai angkya kuxma, Zang tamchu kem Hopa mongtex kax ma laxle, Khrista-e chix tomtata kem ochax hanpakma kox.