1 TIMOTHI 2:4 - OTSAO BAIBEL (BSI)

⁴ owae, pangnusae khosün atak angkya ilaxle otsingtsing awanle naxchangle texlax puix.

1 TIMOTHI 2:4 ပူးပေါင်းရင်းမြစ်များ

EZEKEL 18:32

Kue opupuchu naxzile münthüt. Hünzom ochaxbu tokya mongchatle changlax, le Jowanpa Khüthak Zang-e akaxle.”

2 PITAR 3:9

Owawae ajangkya ningle Jowanpa a chix kaxtsao mok ang domdai pule münchang. Itülüi, chix a nang füi adule ngopu, chemthüikoxle chixe owachu amütse le müntsu, ikoxle pangnusa wüi ma ochax tokya khosün hato chatle namhüibae le texpu.

EZEKEL 18:23

Ochax khünakbu zikkya ngünlaxle ku ang mongmüile le nange thütpuix nyi?”, le Jowanpa Khüthak Zang-e atüi. “Ile münchang, itülüi kue hwom künlop-monglüi laxle ozün ma ngokya ngünse tsupu.

TITA 2:11

Chemthüikoxle khünaknüsa khosün hanpak ang Zange chix chingcha ngaile ahodaoa.

EZEKEL 33:11

Hwom hama, ku a mongao chitüikya ozün ma ngokya Jowanpa Khüthak Zang changpu, ochax khünakbu max-samkya to ku mong münmüi. Itülüi kue hwom a, ochax mwotbu dantoxlaxle ozün ma ngokya ngünse tsule. Israel nok, hünzome mokle hüikya ma ochax mwot zakün. Hünzom zise büthüikoxle tsupu?

2 TIMOTHI 2:25

Ma zongto tüikya mix achangle fa ang chix a puinai le tüi angkya oli changpu, chemthüikoxle ile changkya makhange hwom ang mong alüix angkya hia otsingtsing awankya hato chat ang Zange sho amüile faüi.

1 TIMOTHI 4:10

Kwom azanpu ilaxle azongle mokpu, chemthüikoxle pangnusa khosün mix tamnüilechu opange ongpuix, hwom hanpakma, kwome kwom monghom ozün Zang ma thompu.

ISAIA 45:22

“Athaxpi ku hato mong chatlax ilaxle khosünle koplax, zangjang angkya khünaknu! Zang tuita wüi tüikya ija a ku.

KAXHO MÜIKYA LUK 24:47

üntoxle Jerusalem makhange owang wang le chix mün ma ochax thailak atak angkya hia mongchat angkya kaxho pangnu jat-li hato apuk angkya changle, le zakya tüile.

MIKNGÜN-OHÜN 14:6

Ifüima chaxwannu angkya khünaknu pangnu jat-li, homjen, kaxngao tamchu ting-nok hato ho angkya oshuk chitüikya Kaxho Müikya koplaxle tüle dingkhoza to pile ngokya kaxtaimix mama tuita kue ngün.

JUHAN 14:6

Jisu-e chix ang thüi: “Lomtang; Otsingtsing tamchu Khüzün a ku changpu; ku makhange chichang thüikoxle Apa hato owachu ngui ang müntho.

MATHI 28:19

Idaile khünak pangnu hato tamchu nok khato paokox ilaxle hwom ku wangshem ang achangkox; Hopa, Hosa, Otsao Chasa hwom mün ma ibu bapti le laxkox.

TITA 1:1

Zang da tamchu Khrista wangshem Pol tokhange: Zange zün le kopkya khünaknu to fong ang ilaxle oshuk chitüikya khosün monghom chifün ang laxlaxle ngokya kem zanglome anwot-anokya otsingtsing hato hwom zun le apüi ang ku zün le koplax le tsanle apaokya changpu.

ISAIA 55:1

Jowanpae thüi: “Oman, ti alankyabu pangwüi — ikhama ti tüile! Oman, hünzom ngun chitüikyabu— sozam shakle saxlax! Oman! Grep-ti hia tsomti shaklax — ija ma otha münju!

2 TIMOTHI 3:7

shekobu opange awanle kop ang azong koxlechu otuechu otsingtsing awan ang chitole ngolaxpuix, iningkya shekobu hwome ma chak ma kople.

KAXHO MÜIKYA LUK 14:23

Chatlechu hopupae da ang thüi: ‘Ja-lyet lomnu hia faokat-suiwün lom to paokox, ilaxle ku hom nax awang ang, tütale wüi changlax hwom sele apüikox.

KAXHO MÜIKYA LUK 1:77

hwom ochax thailak koxkya makhange, hwom khosünüi le, chix khünaknu hato apua ang, Zange hwom ochaxbu thailak faüi, üntoxle ile hwom khosünüi le, khünaknu hama apua ang a.

ISAIA 49:6

Jowanpae ku ang thüi: “Ku dapa, nang hanpakma ku ang chongkya mwot tuita tüile. Nang a achongkya ang achang angkya tata le münchang Israel khünaknu opang ozün ma tüipuix, ikoxle kue nang a chaxwannu nok hanpak ang zangngai ang zingüi — ikoxle tix zangfang abakle sün ang tho angkya chang koxle.”

JUHAN 17:17

Otsingtsingma hwom atsaokox; Nang kax a otsingtsing changle.

JUHAN 6:37

Apae ku ang koxkyabu pangwüi ku hato hüiüi ilaxle kue hwom otuechu münachatüi;

MARK 16:15

Chixe hwom ang thüi: “Hünzom a chaxwannu pangnu khato paokox; khünaknüsa hama Kaxho Müikya apukkox.

IBRI 10:26

Chemthüikoxle kem ang otsingtsing tsing ang tomkya füima keme chaktung ma ochax lyenle jangngo thüiningle ochaxbu pao angkya hanpakma athax chem ningkya tö kox angkyachu müntüi.

HABAKUK 2:14

Ikoxle chaxwannu a, tinu thün ma tie awangle tüikya lailaile, Jowanpa fuazang tsingkyae awangle tüiüi.

ISAIA 53:11

Khüzün sikngünle chang füima, chix ma chatle mongsom tüiüi; chixe chix a thabi-juaba to sikngünkya münchangle awanüi. Ku to mongkoxkya da, owa füi ku mongzom müipuix, chixe noknu sikngün hünlit hünüi ilaxle chix khokho ma kue hwom ang thailak tüiüi.

ROM NOK HATO ZAKYA POL LAIZA 11:14

Ku mwot ma ku mong ngamkya to ku füi mamixbu ang osing dong ang koxüi, ilaxle ile ku khoma hexle Zange züizüi kho thüingaxchu sün angkya hanpakma.

JAKOP 3:14

Ikoxle ma mong khato nang ma khukya, khaxkya, nüfux, ibu tüile jangchang thüiningle nang a je-hwon khoma tsaichong-kaxbongkyae otsingtsing zongto ochax taxlyen.

2 JUHAN 1:1

Mixmüi Tüichong tokhange: Kue otsing tomtata ma mongkünkya tuita mixcha hia hosa hwom hato. Ku tatae le münchang ikoxle otsingtsing awanle tüikya pangnusae hünzom to mongkünkya tüile,