1 TIMOTHI 1:2 - OTSAO BAIBEL (BSI)

² Mongong ma kusa tomtata, Timothi hato: Hopa Zang ilaxle kem Jowanpa Jisu Khrista-e nang ang chingchajaja üntoxle mongsom naxfa hüi.

1 TIMOTHI 1:2 ပူးပေါင်းရင်းမြစ်များ

TITA 1:4

Oja tomkux mongong ma kusa tsingtsing hex, Tita, chix hato kue ija lai zapu. Hopa Zang hia kem khosünpa Khrista Jisu-e nang ang chingcha mongsom naxfa.

2 TIMOTHI 1:2

Mongkün kusa Timothi hato: Hopa Zang üntoxle kem Jowanpa Jisu Khrista-e nang ang, chingchajaja ilaxle mongsom naxfa.

1 PITAR 1:2

Jisu Khrista kax ma laxle tamchu chix aji makhange atsaole ngo angkya hanpakma Hopa Zang mongtex makhange zünle kopkya tamchu chix Chasa makhange otsao khünakbu ang zingle tüikya a hünzom changle. Chingcha hia mongsom okhongui le hünzom kux ang naxchang.

ROM NOK HATO ZAKYA POL LAIZA 1:7

Idaile kue hünzom Rom tingnu angkyabu opang to Zange mongkün puix ilaxle chix ma-mix ang nyakle laxpuix, hünzom pangnu hato zapu. Zang kem Hopa hia Jowanpa Jisu Khrista nyie hünzom ang mongsom hia chingcha naxfa.

2 TIMOTHI 2:1

Kusa Timothi, Khrista Jisu füikya notom ma kem tomkux ang tüikya chingcha ma tsakzong le tüikox.

1 TIMOTHI 1:18

Kusa Timothi, ija kaxtom kue nang ang fapu: Nang ile chang angkya hexo le Jowanpa-e kem füi chix ajebu makhange akaxle thom daokya lailaile, Jowanpa zanhok ma nang amüile azankox.

1 THESALONIKA 3:2

Ibama kwome Timothi, kwom tüinao owae kwom füi tomle Zang hanpakma mwot mokpuix, chix a Khrista bama Kaxho Müikya apuk ang tsanle apaoüi. Kwome chix hünzom zong adün ang tamchu hünzom mongong to fong ang tsanle apaopu,

GALATIA 1:3

Zang kem Hopa üntoxle Jowanpa Jisu Khrista hwome hünzom ang chingcha hia mongsom naxfa.

1 TIMOTHI 1:12

Mwot mok angkya tsakzong ku ang owae fapuix, kem Jowanpa Jisu, chix ang kue münchong fapu. Ledaokya ma kue chix mo amale wün ilaxle chix to zothup tamchu adix-adale changdao koxlechu,

1 TIMOTHI 6:20

Timothi, nange hume ang kople thomkya nange sünle thomlax. Üntoxle züizüi khünake othai to “tsingwankya”, le nyakkya adix-adakya zangwün hia ongat ningle kax ma alankya nange tsiakle toxlax.

TITA 2:2

Azupabu bama, toknga le chitüi angkya, künli-montang angkya, tamchu ma alüile akumathum angkya; hwom mongong ma, mongkün ma, tamchu thuakjok ma tsaotha le tüi angkya adangle laxkox.

TITA 3:15

Ku füi tomle tüikyabu pangnusae wüi hünzom hato salam akatle. Mongong ma kem zuikhuibu pangnu ang wüi kwom salam laxkox. Hünzom pangnu füi wüi Zang chingcha ngohüi.

2 JUHAN 1:3

Hopa Zang tamchu Hosa Jisu Khrista-e kem ang chingcha-jaja hia mongsom naxfakox; otsingtsing hia mongkün ma ibu a kem hanpak ang naxchang.

3 JUHAN 1:4

Kusu kusa hwom otsingtsing ma shingmongle ngokya zing atat pongma müikya ningle ku ang mong otuechu münmüi tox.

JUD LAIZA 1:2

Chingcha jaja, mongsom üntoxle mongkün ziakho nguile hünzom hanpak ang naxchang kox.