1 TIMOTHI 1:17 - OTSAO BAIBEL (BSI)

¹⁷ Oshuk chitüikya wanghom, chizi angkya tamchu ngün ang chithokya chix boma chatle Zang tamchitüi: chix ang achuak achenkya tamchu fuazang othuithuima naxchang! Amen.

1 TIMOTHI 1:17 ပူးပေါင်းရင်းမြစ်များ

JUD LAIZA 1:25

thüikoxle Zang tuita kem khosünpa ang, kem Jowanpa Jisu Khrista makhange, fuazangkya, achuak achenkya, tsakzong üntoxle apün-adakya, ami kaitokhange, athaxchu üntoxlechu oshuk tamchitüitox le naxchang! Amen.

MIKNGÜN-OHÜN 19:1

Ifüima tüle chongkya khünaknu othom akhongkya ningle zangkangting to ozing kue atat. Hwome thüi: “Zang achuakkox! Khosün, fuazang hia tsakzong, kem Zang kux changle!

1 PUKAX-PANGAO 29:11

Akhole tsak-zongkya, fuazangkya, fixfax-jikjeple müikya, tüle zaxzangkya Zang a nang changle. Ding hia hax ma atüitüi komkaile nang kux, ilaxle nang a chongwang hwom pangnu thakma apünkya Zang.

MIKNGÜN-OHÜN 17:14

Hwome Chun Hosa füi azanüi, ikoxlechu Chun Hosae, chixe nyakle hia zünle kopkyabu tamchu mongong ma shingmongle chix füito azuikyabu füi notom laxle ibu to anaoüi, chemthüikoxle chix a hopunubu thakma Opupa üntoxle wanghombu thakma Chongwangpa changle.”

KOLOSI 1:15

Khrista a mike ngünkya tuita mike chingünkya Zang ocha changpu. Chix a pongwang ole puxkya nao, chakzing pangnu thakma akhokya changpu.

MIKNGÜN-OHÜN 19:16

Chix nyiza hia chix weho ma mün ija zale tüikya: “Wanghombu thakma Chongwangpa hopunubu thakma Opupa.”

ROM NOK HATO ZAKYA POL LAIZA 1:23

tam chizi chimax angkya Zang tongshwom haxkux tsyento, hwome zile maxün angkya khünak ningle chichangba osabu ningle chichangba müibu ningle chichangba alyangle ahamkya müibu ningle chapabu zinglaxle shwom.

MÜNCHUAK-TSAI 45:6

Zang-e nang ang fakya wangting oshuk chitüile ngoüi. Nange nang khünaknu thakma sule apün;

MIKNGÜN-OHÜN 19:6

Ifüima khünaknu tüle tüikya zing ningle, asoxsoxfüt le ti dütkya sap zing ningle tamchu zang adungkya ozing ningle kue atat. Hwome ile akaxkya kue atat, “Zang achuakkox! Khüthak Zang a Chongwang changle!

1 JUHAN 4:12

Owaechu Zang tümangün tox, ikoxlechu keme tata to mongkünle jangtuiba, notom ma Zang kem füi tüile, ilaxle kem ma chix mongkün ma okhongui ang tomle.

JUHAN 1:18

Owaechu Zang ongaichu mangün tox; ikoxle Hopa hama chix füi tomwüi ngokya, tuita wüi tüikya Hosa etix chix apuale fapu.

MATHI 6:13

Chongkya thwongtsing to kwom taxahüi; Ikoxle omalom tokya kwom sünle thom hüi.’

MÜNCHUAK-TSAI 90:2

Haxhuabu zingle alaiüi thoto wüi chichangba chaxwannu zingle alaiüi thoto wüi, nang a oshuk-owang chitüikya Zang ang ngole hüi, ilaxle othuithuima Zang ang ngo angkya changle.

MÜNCHUAK-TSAI 10:16

Jowanpa a othuithuima wanghom jaojao. Opange mama baozangbu to shwomle tüipuix, hwom a ija chaxwan angkya max ang tomüi.

MIKNGÜN-OHÜN 15:3

Ilaxle hwome Zang da Mosa tsai tamchu Chun Hosa tsai ile ngao: “Jowanpa Khüthak Zang, nang mwotthobu chemle chong, üntoxle khomtsile tüipuix! Pangnu haxtok, ting-nok wanghom, nang lomtang chemle changle, üntoxle sule tüipuix!

MIKNGÜN-OHÜN 7:12

hwome thüi: Amen! Achuak achenkya, fuazang, je-hwon, münchong fakya, chathua zakya, tsakzong üntoxle tholünkya, jento kem Zang kux wüi naxchang! Amen!

2 PITAR 3:18

Üntoxle kem Jowanpa tamchu khosünpa Jisu Khrista chingcha ma thuithui le tsongle hüilax. Athax üntoxchu othuithuima fuazang chix kux ang naxchang! Amen.

1 PITAR 5:11

Apün-adakya othuithuima chix kux wüi naxchang! Amen.

IBRI 11:27

Wanghom küntsik mongma thua ojao chizale, mongong makhange Mosa-e Ijip chaxwan danle tox. Mike chingüntsuakkya Zang ngünle laxdaokya tukuxle tamchat mong chidong le chix adu.

ROM NOK HATO ZAKYA POL LAIZA 16:27

Zang chix tata wüi, owa matix hwontüi jezai puix, chix a Khrista makhange oshuk chitüile fuazangkya naxchang kox! Amen.

ROM NOK HATO ZAKYA POL LAIZA 11:36

Chemthüikoxle pangnu li chixe tix zingpu, ilaxle pangnu li chix ma tamchu chix hanpakma tix chimax homle ngopu. Fuazangkya a othuithuima Zang kux wüi naxchang! Amen.

ROM NOK HATO ZAKYA POL LAIZA 2:7

Züizüi khünake mwot müikyakya wüi mokle ngole, ilaxle fuazangkya, üntoxle otuechu chizi chimax angkya tsün lomle; Zange hwom ang oshuk chitüikya tsün khüzün koxüi.

ROM NOK HATO ZAKYA POL LAIZA 1:20

Zange chaxwannu zingpong tokhangkya, mik makhange ngün ang chithokya chix, owang wangkya hia ashukkya kha chitüikya ilaxle Zang tsingtsing, ibu tsingshole ngün ang tho. Khünake bue Zang chakzingbu ma ngün ang kople. Ija khoma hwom ang thailak ojao müntüiüi.

MATHI 28:20

Kue hünzom hama apuakya pangnu kax ma laxle tüi angkya hwom hama anokox. Üntoxle hulax! Ku hünzom füi chaxwannu oshuk kople othuithuima ngoüi.”

MATHI 25:34

Ija ma wanghome ma tsaxchi angkyabu füi akaxüi: ‘Hünzom Apae mohimankyabu! Oman! Hüilax ilaxle chaxwannu zingpong tokhange wüi hünzom kux ang achwonle thomkya wangting koplax.

MALAKI 1:14

Chixe ku ang koxüihex-ole tsaokya amüikya müi tüingale, ku dyenlale chilaxli müi apüilaxle tö koxkya mix a othuak-ozom ang naxchang! Chemthüikoxle ku a wanghom achongkya changle, ilaxle pangnu jat-li tokya khünaknue ku-thua zapu.”

MIKA 5:2

Jowanpae thüi: “Efrathah angkya Bethlehem, nang a Judah tinglongbu khama ahixkya tuita, ikoxlechu nang makhange kue Israel nok lompa tuita angaiüi. Chix putong hwom pukax a kaitokya hato chatle chatüi.”

DANEL 7:14

Apün-awang angkya tsak-zong, münchong, hia wangtsak-wangzong chix ang kox, ilaxle zangfang angkya khünaknüsa pangnu jat-lie chix thothale chang ang tom. Chixe apün-awangkya ma oshuk müntüiüi, ilaxle chix wangting münashuk toxüi.

DANEL 4:37

“Ilaxle athax, Ku, Nebukadnezar-e Zangkangting tokya Wanghompa ang münchong ngampai hia fuazang koxle achuak-achenpu. Chixe chem mokpuix pangwüi sukya tamchu otsing changpu, ilaxle azo-angamle mokkya mix owachu chixe adang ang thole.”

DANEL 4:34

Wanghompa-e thüi: “Chemtue ija zanglao anüt kaile changpuix, kue zangkho to angakle hu, ijama ku khangka hingle hüi. Kue münchong hia fuazang pangwüi jento ngole tüikya Khüthak Zang ang fa. “Chixe jento apünle ngoüi, ilaxle chix wangting ma oshuk müntüitoxüi.

JEREMIA 10:10

Ikoxle Jowanpa, nang a Zang tsingtsing changle, nang a khüzün Zang changle ilaxle oshuk chitüikya wanghom changle. Chemtue nang mongtsikle changpuix, chaxwannu aloxle; chaxwannu angkya jatlibue nang mongtsik adu ang müntho. (

MÜNCHUAK-TSAI 145:13

Nange apün-awangkya ma oshuk müntüi, ilaxle nang a oshuk chitüile chongwangpa changle. Jowanpa a chix kaxtsaobu bama ojao münthai; chix mwot pangnusa wüi chixe chingcha füi mokle.

MÜNCHUAK-TSAI 106:48

Israel nok Zang, Jowanpa achuakkya tüikox; athax üntoxle othuithuima chix achuak-achenle changkox! Pangnusae wüi “Amen!”, le thüikox! Jowanpa achuak-achen kox!

NEHEMIA 9:5

Ibibi Liwi hwome zangshwom ang khünaknu ahyen: Jeshua, Kadmiel, Bani, Hashabneiah, Sherebiah, Hodiah, Shebaniah, ilaxle Pethahiah. Hwome thüi: “Ajongkox üntoxle Jowanpa hünzom Zang achuak kox; chix othuithuima achuak-achen kox! Noknusae wüi fuazangkya chix mün achuakle changkox, khünak owae achuakkya chu okhonguikya chichang koxlechu.”

DANEL 2:44

Wanghom ibue apün-adale ngokya tuk ma zangkangting tokya Zang-e wangting tuita zingle alaiüi, ija chiashuk toxkya wangting ang changüi. Ija wangting to owaechu tingtakle münchangüi, ikoxle mama wangtingbu komkaile amüt laxle ija wangting a oshuk-okim chitüile ngoüi.

MÜNCHUAK-TSAI 57:11

Nang chongkya ahohüi zangding to, O Zang, ilaxlechu nang zangfang pangnu khato nang fuazangkya a.

MÜNCHUAK-TSAI 45:1

Osün müikya zangwünbue ku khangka awang, wanghompa hanpakma kue ija tsai zingpongma.

MÜNCHUAK-TSAI 41:13

Jowanpa, Israel nok Zang achuak-achenle changkox! Athax üntoxle othuithuima chix achuakkox! Amen! Amen!

JUHAN 5:44

Hünzome tata angkya münchong kopse tsu ikoxlechu tuita wüi tüikya Zang tokhange münchong kop ang hünzom chiazong. Ile jangchangba hünzome ku to cheme ong manüi?

ROM NOK HATO ZAKYA POL LAIZA 2:10

Ikoxlechu opange mwotmüi mokle tüilaxpuix, Zange hwom ang fuazangkya, achuak achenkya, ilaxle mongsom faüi; pongwang ma Jehudi khünakbu ang, ilaxle mixnokbu angchu wüi.

IBRI 2:7

Nange chix noxtakya hanpakma, kaxtaimixbu füi süfang ma zing; nange chix ang fuazang tamchu, achuak achen chaza sünle kox;