1 TIMOTHI 1:14 - OTSAO BAIBEL (BSI)

¹⁴ Ilaxle kem Jowanpa-e chix okhonguikya chingcha ku ma thokle kox ilaxle ku ang mongong hia mongkün fa, oja Khrista füikya notom ma kem tomkux changpuix.

1 TIMOTHI 1:14 ပူးပေါင်းရင်းမြစ်များ

2 TIMOTHI 1:13

Nange tole azui angkya olom tuita ningle, kue nang hama wündaokya otsingtsing kaxbu to nange mongle kün koplax, ilaxle Khrista füikya notom ma kem kux ang tüikya mongong hia mongkün ma chiatsai le ngolax.

1 KORIN 15:10

Ikoxlechu Zang chingcha tokhange anyix ku wangshem tuita ang achangle ngopu, ilaxle chixe ku ang fakya chingcha mwot ma chithaple chichang. Itülüi thüikox, ku tatae mokle lea münchang, Zang chingchae ku füi tomle mokpu, ikoxlechu wangshem mamabu füi kue wüi azongle mokpu.

1 PITAR 1:3

Zang tamchu kem Jowanpa Jisu Khrista Hopa ang keme münchong fahax! Chemthüikoxle Jisu Khrista chatle azangle zo ang koxlaxle chix chingcha chongkya makhange chixe kem ang tsün hozün fale. Ija makhange kem a khüzün monghome awangle,

ROM NOK HATO ZAKYA POL LAIZA 16:20

Zang, kem mongsom otonge, chwonle wüi bao chix chifa fangto nakdaoüi. Kem Jowanpa Jisu Khrista chingcha nang füi naxngo.

1 JUHAN 4:10

Mongkün a ija changle: Keme Zang to mongkünle le münchang, ikoxle chixe tix kem to mongkünpu, ilaxle kem ochax khoma, kem khosün hanpak tö kox ang chixe Hosa ajo.

1 THESALONIKA 1:3

Chemthüikoxle hünzome chemle hünzom mongong mwot ang achangle twonpuix, hünzom mongküne hünzom ang azongle mwot amokpuix, üntoxle Jowanpa Jisu Khrista tokya hünzom mongong chemle oshing mongle tüipuix, ibu kwome kem Hopa Zang thüntho ma texle atakpu.

2 KORIN 8:9

Kem to künkya Jowanpa Jisu Khrista mongkün chemtukux chongle tüipuix ija hünzome awanpu. Zang chifün chikao ma chasa ma chix ahak-aluale tüikya, ikoxlechu hünzom khosün angkya kuxma chix chaxwannu to ngui ilaxle chitüi chinangkya mix tuita ang ngo. Hünzom chasa ma ahak-aluale tüi angkya kuxmale chixe ija mok.

LAIPAO 34:6

Ifüima Jowanpa a chix tuntho makhange le ilaxle akhongle thüi: “Jowanpa ku a chingchajajae awangle tüikya Zang changle. Ku ang mong chwonle chitsiküi ikoxle chongkya mongkün hia ojao chialekya mongong-chalom tüipu.

MIKNGÜN-OHÜN 22:21

Opunu Jisu chingchajaja Zang khünaknu pangnusa füi ngohüi.

1 THESALONIKA 5:8

Ikoxle kem a anyixning kux, üntoxle kem a tok-ngakya füi atsaile ngoüi. Mongong hia mongkün keme tata khaxtok khwop jan ang apong angkya changle, ilaxle khosün bama kem monghom khohom tuita ang lax angkya changle.

WANGSHEMBU MWOT 15:11

Ile münchangüi! Kemchu hwom ningle mae ongkoxle Jowanpa Jisu Khrista chingcha makhange tix khosün ang koppu.”

1 KORIN 3:10

Zange ku ang fakya hingho twonlaxle, homzing manpa mwot kue mok ilaxle hom tale toxdaoa, ilaxle mama mixe ija ma zingle ngole. Ikoxlechu pangnunue wüi mae chemle zinglaxpuix, ija bama khünkhi angkya changle,

2 KORIN 4:15

Ibu pangnu wüi hünzom kuxma changle; ilaxle Zang chingchae otukux ziatamle khünaknu ha aloppuix, hwome fuazangkya Zang ang münchong fale sisile jopüi.

GALATIA 1:13

Kue Jehudi zanglom twonle ngopongma ku chemle ngokya hex. Chingcha jaojao chitüi le kue Zang müimüithom zo chemle thupkya hex ilaxle ija oli thule amüt ang ku zongbakle azongkya bama hünzom hama wündaoa.

1 TIMOTHI 2:15

Ikoxlechu she puinaile mongong hia mongkün ma tamchu otsao ma ngole jangchang thüikoxle, naosom puxpaikya makhange she sünüi.

1 TIMOTHI 4:12

Nang naosünsa changle le owawae nang to thajao le hu ang taxkox, ikoxle mongong mixbu zongto, nang zangwün ma, nang zanglom-saikha ma, nang mongkün ma, nang mongong ma ilaxle tsaothakya ma nang apyen angkya ang changkox.

1 TIMOTHI 6:11

Ikoxlechu, nang Zang khünake, ibu lom pangnu tsyakle toxdao. Chasa Otsao, Zang womle tüikya, mongong, mongkün, thuakjokkya, ilaxle somdangkya, tamchu ibu hanpakma azong amongkya tüikox.

2 TIMOTHI 2:22

Khüse pongma mongzok füi atsaile ngolax, ilaxle sukya, mongong, mongkün, tamchu mongsom hanpakma mong tsaokya tokhange fong angkya hanpakma Jowanpa ahyenkyabu füi tomle azonglax.

TITA 2:2

Azupabu bama, toknga le chitüi angkya, künli-montang angkya, tamchu ma alüile akumathum angkya; hwom mongong ma, mongkün ma, tamchu thuakjok ma tsaotha le tüi angkya adangle laxkox.

MATHI 20:9

Aga baji makhange mwot ma sütkyabu ang jan ngun huak pong kox.