1 SAMUEL 9:16 - OTSAO BAIBEL (BSI)

¹⁶ “Ngainyix kue itukhae Benjamin homjen angkya mixsün tuita nang hato ahüiüi; ku khünaknu Israel nok thakma apün-awangle chang angkya mix ang nange chix to münga füi pale kamkox, ilaxle chixe hwom Filistia chak tokya khosünüi. Kue ku khünakbu sikngünle ngokya ngünle laxdaoa ilaxle hwom to asunfa angkya mix lomle sopkya kue atatdaoa.”

1 SAMUEL 9:16 ပူးပေါင်းရင်းမြစ်များ

1 SAMUEL 10:1

Ifüima Samuel-e olip münga pe laxlaxle ija füi Sol khang ma lile kox, chix füi tun apong ilaxle thüi: “Nang a Israel khünaknu apün-ad angkya mix ang Jowanpae kamle kopdaoa. Nange chix khünaknu thakma apün-adale changüi ilaxle zan pangwüi chak tokya hwom khosünle kopüi. Ilaxle ija a, chix khünaknu thak ma apün-adakya khünak tuita ang nang Jowanpae kamdaoa lükya münwan changle:

MÜNCHUAK-TSAI 106:44

Ikoxle ngaxchu Jowanpa hwome nyak pupu ma hwom kax to lan, ilaxle hwom sikngün chixe ngünle lax.

MÜNCHUAK-TSAI 25:18

Ku sikngün-mongthangbu ngünle laxhüi, ku ochaxbu thailakkya tüihüi.

1 SAMUEL 15:1

Samuel-e Sol ang thüi: “Nang Israel nok wanghompa ang münga füi lile kam angkya hanpakma Jowanpae ahüikya a ku changpu. Athaxpi Khüthak Zang-e chemle akaxpuix ija kax ma laxle tüilax.

1 SAMUEL 16:3

Ija tö koxkya khato Jesse selax, ifüima chemle moküihex kue nang hama apuale faüi.”

1 SAMUEL 16:1

Jowanpae Samuel ang thüi: “Nang Sol hanpakma chemtukux sople ngoüi? Kue chix a Israel nok wanghom ang münlaxle awütpu. Ikoxle athax olip münga hidaole koplax ilaxle Bethlehem to Jesse le amünkya mixsün hato kalax, chemthüikoxle kue sasün hwomkha angkya mixsün tuita a wanghom ang kamdaoa.”

2 SAMUEL 3:18

Ija hanpakma hünzom ang oshua müikya athaxkha changle. Jowanpae akax daokya ija kax texle ataklax: ‘Kue ku dapa Dawid a ku khünakbue Israel nok Filistia nok chak tokya khosünle kop ang twonüi ilaxle chixe mama zan-nok pangwüi chak tokya sünüi.’”

2 WANGHOMBU 20:5

khünaknu lompa Hezekiah hato chatlaxle chix füi ija kax akax angkya kaxkox: “Jowanpa ku, hünpa Dawid Zang-e, nang zangjop atatle laxdaoa tamchu nang mikfi ngünle laxdaoa. Kue nang kak tamchatle müi ang tomüi, ilaxle nyix azom ma nang Zangshwom-Hom to paoüi.

MÜNCHUAK-TSAI 102:1

O Jowanpa, ku zangjop to apahüi, ilaxle fong angkya lomle ku sopkya atatle koplax!

JEREMIA 32:8

Ifüima, Jowanpae chemle akaxpuix ilailaile, Zangshwom-Hom khwa to ku hato Hanamel ngui ilaxle ija chix haxtok shakle tüi angkya akax. Ikhoma ija kax ku hato Jowanpa tokhange hüikya wüi changpule kue tikle lax.

1 SAMUEL 14:20

Ifüima chix ilaxle chix khünakbu Filistia nok zan to ka ang lai. Ipongma hwom a khosamsüile tata füi lüile atex-ahütle ngole tüikya.

1 SAMUEL 14:23

ilaxle Bethawen akaile jao lomjang fole azanle ka. Ija nyix Jowanpae Israel nokbu khose.

WANWÜNKAX 16:9

Nange mwotthobu zing ang tsuak, ikoxlechu nang mwotlom Zang-e tix zunpu.