1 SAMUEL 9:15 - OTSAO BAIBEL (BSI)

¹⁵ Othonyix Jowanpae Samuel füi akaxle tüikya,

1 SAMUEL 9:15 ပူးပေါင်းရင်းမြစ်များ

WANGSHEMBU MWOT 13:21

Ilaxle otue hwome wanghom jupuix, Zange hwom ang Sol kox. Chix a Kish sasün, Benjamin homjen angkya changkya. Zanglao punyi chixe apün ang kox.

1 SAMUEL 15:1

Samuel-e Sol ang thüi: “Nang Israel nok wanghompa ang münga füi lile kam angkya hanpakma Jowanpae ahüikya a ku changpu. Athaxpi Khüthak Zang-e chemle akaxpuix ija kax ma laxle tüilax.

AMOS 3:7

Khüthak Jowanpae ajebu, chix dabu hato ngaile chiaho kop homtoxle tütali chu münmok.

MÜNCHUAK-TSAI 25:14

Jowanpa a kax ma laxle tüikyabu zuikhui changpu üntoxle chixe chix Tsaotsüt bama hwom füi kaxshing kopkya ang changpu.

JOB LAIPEX 33:16

Chixe hwom ang chix kax apa ang tomle, ilaxle hwom a chix kaxkhün thoto zale.

2 SAMUEL 7:27

Khüthak Jowanpa, Israel nok Zang! Kue ija zangjop jop angkya to mongchongle, chemthüikoxle nange ku nang dapa hato ibu pangwüi ngaile aho, ilaxle nange, ku su-sa hwom wanghom ang achangüihex-ole thüi.

1 SAMUEL 20:2

Jonathan-e lan: “Nang mik max angkya Jowanpae abaxhüi! Khütkhaxkya mwot chichanglax changlax, apae chix mwot komkaile ku hama wüntüipu, idaile ija zangwün chixe ku hama chiwünle müntüise. Ija zangwün a otsing tomtata münchang!”

WANGSHEMBU MWOT 27:23

Chemthüikoxle ku owa kuxhex ilaxle kue owa tongshwom le ngopuix, ija Zang kaxtaimixbu müja ku hato nguile,

1 SAMUEL 9:17

Samuel-e Sol ngünkya füi tomle Jowanpae chix ang thüi: “Kue nang hama wünkya mixsün a ija changpu. Chixe ku khünaknu thak ma apün angkya changle.”

1 SAMUEL 9:14

Ikhoma Sol hia chix dapa nyi ija tinglong to ngui, ile hokhi tinglong alople changüi khakha ma, zangshwomnui to pao ang laikya Samuel hokhi chito hüile ngokya hokhie ngünle lax.

1 SAMUEL 3:21

Chizakle Jowanpae Shiloh ma chix ngaile aho ang süt. Ijakha a chixe Samuel hato chix ngaile aho tamchu chix füi zangwünle changkya nui changkya. Ilaxle chemtue Samuel-e zangwünüihex, Israel khünak noknusae apa.