1 SAMUEL 8:7 - OTSAO BAIBEL (BSI)

⁷ ikoxle Jowanpae thüi: “Khünaknue nang füi chemle akaxpuix ibu pangwüi to apakox. Hwome hwom wanghom ang chilaxle ahaikya a nang ahaikya münchang ikoxle ku ahaikya changpu.

1 SAMUEL 8:7 ပူးပေါင်းရင်းမြစ်များ

1 SAMUEL 10:19

Ku a hünzom Zang changpu. Hünzom sikngün tuitai hia thangshix pangnu chak tokya hünzom khosünle hüikya a ku changpu, ikoxle anyix a hünzome ku wünhaile changpu ilaxle wanghom laxhüi le mix jupu. Müihule, jangthüiba hünzom homjen-homjen hia saxthom-saxthom ma süile Jowanpa tuntho to asoxlax.’”

KAXHO MÜIKYA LUK 19:27

Idaile ku hwom wanghom ang achangsele chitsukya ku zanbu ikha to apüihüi ilaxle hwom ku pomtho ma langkox.’”

KAXHO MÜIKYA LUK 10:16

Jisu-e chix wangshembu ang thüi: “Owae hünzom kax apapuix hwome ku kax apapu; ilaxle opange hünzom pongle chikop puix hwome ku pongle chikoppu; üntoxle owae ku pongle chikop laxpuix, chixe ku tsankya mix pongle chikopkya changpu.”

LAIPAO 16:8

Ifüima Mosa-e thüi: “Jowanpae aja hansonge hünzom ang müisax ang koxüi ilaxle ngainop a hünzome chemtukux saxüihexle an koxüi; chemthüikoxle hünzome chix to chemtukux kaxthup-ngaotünle changpuix, chixe atatdaoa. Chemtue hünzome kwom to kaxthup-ngaotünle changpuix, ija a hünzome Jowanpa to kaxthup-ngaotünkya changpu.”

KAXHO MÜIKYA LUK 19:14

Ikoxle ikha tokya nokpubue chix to chilua ilaxle chix füima lüile kaxhomix achatle thüi: ‘Ija khünak kwom wanghom ang achang angkya to kwome münlua.’

MATHI 10:40

“Owae hünzom pongle koppuix, chixe ku pongle koppu; üntoxle owae ku pongle koppuix, chixe ku tsanle ajokya mix pongle koppu.

JUHAN 13:16

Otsingtsingma kue hünzom ang thüipu, ma hopunu füi da wüi achongkya münchang tamchu owae tsanpuix, chix füi tsanle apaokya mix wüi achongkya chichang.

ISAIA 66:4

Ikhoma kue hwom hato thama apüiüi — hwom a ija thua süzakya changle — chemthüikoxle kue sepongma owaechu chilan chichangba kue chem akaxpuix ija to owaechu chiapa. Hwome ku kax ma chilaxle tüi angkya ikoxle ochax mwot mok angkya mongzangwünle tsuak.”

HUAKE LAIPEX 22:20

Ija jachu Balam hato Zang nguilaxle thüi: “Ibu khünakbue nang hwom füito paohaxle tamchatle se ang nguikya jangchang thüiningle nang a hwom füito pao ang achwonlax; ikoxlechu ku kaxtomtom ma wüi moklax.”

KAXFÜNPA-HWOM 8:23

Gideon-e lan: “Ku a hünzom lompa ang münchangüi, kusa hwom chuwüi münchangüi. Jowanpa tix hünzom lompa changpu.”

1 SAMUEL 8:8

Ami Ijip nok tokya kue hwom khosünle apüikya tokhange wüi hwome ku hato tok ahole hüipu ilaxle mama baozangbu to shwomle hüipu; ilaxle athax a ku to hwonle hüikya ningle nang tochu hwonle ngopu.

1 SAMUEL 8:22

Jowanpae lan: “Hwome chemle thüipuix ile mokle laxkox ilaxle hwom ang wanghom tuita lomle laxkox.” Ifüima Samuel-e khünaknu ang pangwüi mahom-hom to chat angkya kax kox.

1 SAMUEL 12:1

Ifüima Samuel-e Israel nok ang thüi: “Hünzome ku ang mok-hüiole atsangkya kue mokle fadaoa. Kue hünzom ang apün-awang angkya wanghom faodaoa,

1 SAMUEL 12:12

Ikoxlechu chemtue Amon nok wanghompa Nahash-e hünzom to single hüi angkya ngünle laxpuix, hünzome Jowanpa hünzom chongwangpa changpule hünzome chilaxle ahai ilaxle ku ma wanghom tuita fakox wüi müiüile jupu.

JEREMIA 34:14

Ibri khünak zanglao azok nguile ma thothale da ang jangthomdao thüiningle zanglao anüt lükya to ija danle apao angkya wüi changpule kue hwom füi akaxdaoa. Ikoxle hünpu hünpa hwome kuchi to najao chitha chichangba ku kax to ojao chiapa.

EZEKEL 2:3

“Ziün angkya khünak, kue nang a Israel khünaknu hato tsanle apaopu. Hwom ku füi alünle ilaxle ku hato tok ahole. Hwom pupa hwom lailaile ibue chizakle ku füi alünle wüi ngole.

EZEKEL 3:7

Ikoxle Israel nok owaechu nang zangwün to apasele müntsupu; hwome ku zangwün to ngaxchu münapa. Hwom pangwüi kheba chithüikya mongtsakkya khünakbu changpu.