1 SAMUEL 7:6 - OTSAO BAIBEL (BSI)

⁶ Ikhoma hwom pangwüi Mizpah ma asox. Hwom hidaole tikholaxle Jowanpa to tökya tuita ang thokle koxle awüt ilaxle nyixtungtale chisax-chilingle atsaole zangjop. Hwome thüi: “Kwome Jowanpa zongto ochax lyenle changdaoa.” (Mizpah ma Samuel-e Israel nok füi zangwün tsaifün-kaxwünle tsuak.)

1 SAMUEL 7:6 ပူးပေါင်းရင်းမြစ်များ

2 SAMUEL 14:14

Kem pangwüi zi angkya changle; kem a haxkha to ti thokle awütkya füima tamchatle tswonle asox ang chimüikya thatha changpu. Zang-e ngaxchu zile paodaokya tamchatle chat ang müntom, ikoxlechu wanghome tütale thüichu paole samngoünkya zandabu apüi ang tsuak.

1 SAMUEL 1:15

She-e lan: “Alixachong, ku a jutokkya münchang. Ku a julinglaxle nguikya münchang! Ku ang tüle mongsik-ngünle tüikya khoma kue jop-tole Jowanpa hama ku zoshun mongzangwünle ngokya changwüi.

KAXFÜNPA-HWOM 10:10

Ifüimatix Israel nokbue Jowanpa füi akax: “Kwome nang zongto ochax lyenhudaoa, chemthüikoxle kwome kwom Zang, nang danle toxpu, ilaxle Bal hwom to mix shwompu.”

JOEL 2:12

“Ikoxle athax ngaxchu”, le Jowanpae thüile, “chisax-chilingle atsaokya zangjop füi sople tamchu mongmaxle künlop-monglüilax ilaxle ku hato chatlax.

JEREMIA 9:1

Ku khang a tüküi tuita namchang koxba, tamchu ku mik a mikfi tümik namchang koxba, zangnak zangngai ku sopngose dai langdaokyanu ku khünakbu hanpakma a.

MÜNCHUAK-TSAI 106:6

Kwom pupa hwom lailaile kwome chuwüi ochax lyenle changdaoa; kwom a chichangchizangle tamchu achax-asaxle hüidaoa.

MÜNCHUAK-TSAI 62:8

Ku khünaknubu, jento Zang to mongongkya tüikox. Hünzom tingtui pangwüi chix hama wünkox, chemthüikoxle chix a kem khangkhomnui changle. Selah

KAXHO MÜIKYA LUK 15:18

Ku achexle apa hom to chatle chatüi, ilaxle apa ang thüiüi, apa kue Zang zongmachu üntoxle nang zongmachu achaxdaoa.

MÜNCHUAK-TSAI 119:136

Ku mikfibu shuajen ningle jenle ju, khünaknue nang wanlom kax ma chilaxkya ngünlaxle.

1 WANGHOMBU 8:47

nang khünaknu zangjop to apahüi. Ekhato hwom ang mong alop ilaxle nang to jople, hwom thaidaokya ochaxbu ngaile changpongma; O Jowanpa, hwom zangjop to lankox.

EZEKEL 20:4

“Ziün angkya khünak, nange ibu ang kaxfün fa ang achwonle tüichami? Jangtüiba ile mokkox. Hwom pu-pa hwome nushix dongkya zakkop mwotbu mokle hüikya hwome texle atat ang tomkox.

MANGSOP 3:49

“Ku mikfiti a ojen chifünkya shuasa ang achangle thokle jen

MANGSOP 2:11

Ku mikbu a sopkyakyae fingle tüile; ku chasa a chamax-muasamle tüile. Ku khünaknu maxkya bama mongmakyae ku na-juale maxdaoa. Süshix naosom hwom a tingjang lomnu to zakmaxle ngole.

JEREMIA 31:19

Kwome nang hato tok ahopu, ikoxlechu kwom chwonle wüi chat-se tsule. Nange kwom to sikangünle chang füima, kwome kwom khangkho asam thompu. Kwome zakkop ilaxle thajao-wünhai atak chemthüikoxle kwom naosün ma tüitanto kwome ochax lyen.’

MÜNCHUAK-TSAI 42:3

Zangnak zangngai ku soppu, mikfi ti tix ku süt changpu; ku zanpabue jento ku ma atüile, “Nang Zang a ojongto tüi?”

MÜNCHUAK-TSAI 6:6

Mongmaxkyae ku shanle paoüna; jafokya to sopkya mikfi füi kulya shanüna; ku khangtyet a ku mikfi füi ashan thomdaoa.

JOB LAIPEX 42:6

Ikhoma kue akax daokyabu bama ku tüle azak maxle ilaxle haxbu khato wotle mong alüixpu.

JOB LAIPEX 33:27

Chixe noknu tunthoma akaxüi: “Kue ochax lyendaoa. Kue changle chimok, ikoxlechu kua Zang-e panle thompu.

JOB LAIPEX 16:20

Ku zuikhuibue ku to ongat ang laxle sale; ku mik makhange Zang hato mikfi thokle ajenpu.

NEHEMIA 9:27

ikhoma nange zan-nokbu ang hwom tingsum laxle hwom thakma apün ang tom. Hwom sikngün chifün tokhange hwome asunhüile nang nyakle akhong, ilaxle zangkangting tokhange hwom kax to lan. Nang chingcha chongkya füi nange hwom hato lompabu ahüi zanpabu chak tokya hwom khosünle fakya lompabu a.

2 PUKAX-PANGAO 20:3

Jehusafat tüle za ilaxle Jowanpa ma tikshole chix lom azui angkya hanpakma zangjop. Ifüima chixe chix chaxwan pangnu khato wüi chisax-chilingle zangjople atsao angkya kax kox.

KAXFÜNPA-HWOM 3:10

Jowanpa chasa chix ma ngui, ilaxle chix Israel nok lompa ang achang. Othniel zan to ka, ilaxle chix ang Mesopotamia wanghom to lüt ang tom.

LIWI 26:40

“Ikoxle hünzom tamchu hünpu hünpa hwom opange ku kax ma chilax tamchu ku zan to kale tüidaolaxpuix,

PONGWANG LAIPEX 31:49

Chatle chu Laban-e thüi: “Tata füi atsaile ngopongmachu kem to Jowanpae hule naxngo.” Ikhoma ikha ang Mizpahlechuwüi nyak.

LIWI 16:29

Füichima ibibi wanlom othuithuima twonle ngo angkya oli changle. Lyetkua anüt lükya bün nyixkha Israel khünaknu tamchu hwomkha to ngole tüikya mixnokbue chisax-chilingle tamchu mwot chemchu chimokle atsao angkya changle.

1 SAMUEL 7:15

Samuel-e chix mazi-mazile Israel nok azuile hüi.

JEREMIA 36:9

Judah ma wanghompa ang Jehoiakim ngokya zanglao aga lükya lyetjang aku to, Jowanpa chingcha kop angkya hanpakma khünaknue chisax-chilingle zangjop lax. Jerusalem ma ngole tüikya hia Judah nok tinglongbu tokhange nguikya khünakbue ija zangjop lax.

JIHUSUA 18:26

Mizpah, Kefirah, Mozah,

KAXFÜNPA-HWOM 2:4

Chemtue kaxtaimixe ija kax akaxle koxpuix, Israel khünaknu pangwüi sop.

KAXFÜNPA-HWOM 10:15

Ikoxlechu Israel noke Jowanpa ang thüi: “Kwome ochax lyendaoa. Nange chemle mokse tsupuix ile moklax, ikoxlechu chingchalaxle anyix a kwom khosünfa.”

KAXFÜNPA-HWOM 20:26

Ifüima Israel khünaknu pangwüi Bethel to ka ilaxle ikhato mangsop. Hwom ikhato Jowanpa tunthoma ngo ilaxle hansong alople hwome sax-lingle chichang. Hwome Jowanpa ngwotnui ma notom-tusüi tö hia otom ma lanle zokle ashunkya töbu kox.

1 SAMUEL 10:17

Zanglom tusox hanpakma Samuel-e Mizpah ma khünaknu sele asox,

1 SAMUEL 12:10

Ifüima hwome hwom to asun angkya hanpakma Jowanpa to nyakle akhong, ‘Kwome ochaxbu lyenle changdaoa, büthüikoxle, Jowanpa, kwome nang hato tok aho ilaxle Bal hia Astarte hwom chapabu to shwomle changdaoa. Nange kwom zanpabu chak tokya khosün hüi, ilaxle kwome nang to shwomtole changüi!’

1 PUKAX-PANGAO 11:18

Naomüi tüichong hwom mixsün azome, Filistia nok zanpom akaile le ilaxle ija tüküi kha angkya ti khole apüi üntoxle Dawid ang kox. Ikoxlechu chixe ija ling ang chitho; ikoxle chixe ija Jowanpa hato tö tuita ang thokle awüt

JOB LAIPEX 3:24

Sax-lax haxkux lüixto ku mongsoppu, ku mongsik-ngünle akhongkya münzakpu.

MANGSOP 5:16

Kwom mongngamle ngokya oli chemchu danle chitox. Kwome ochax lyen, ilaxle athax kwom a maxdaoa.

HOSIA 5:1

“Ija to apa koplax, hünzom nguapabu! Mongkoxle apalax, Israel khünaknu! Apalax, wanghom füikya haxnu-homsabu! Hünzome sukya olom ma kaxfün fase changhupu: ikhoma kaxfün a hünzom khangkho ma dütüi! Hünzom a Mizpah ma nutkya tai ang achang, Tabor haxnu ma pünkya sha ang achang,