1 SAMUEL 7:3 - OTSAO BAIBEL (BSI)

³ Israel khünaknu füi Samuel akax: “Hünzom a Jowanpa hato mongchatle jangchang, hünzom mixnok baozangbu hia baozangchabu Astarte chapabu pangwüi füi atsai angkya changle. Hünzome ma alüile Jowanpa chak to ma alüile atsaole bakle koxlax ilaxle chix tata to shwomlax, ile jangchangba chixe hünzom a Filistia nok chak tokya khosünle kopüi.”

1 SAMUEL 7:3 ပူးပေါင်းရင်းမြစ်များ

KAXHO MÜIKYA LUK 4:8

Jisu-e lan: “Otsao Lai ma thüile: Nange Jowanpa, nang Zang tata to shwomlax; chix mwot tix moklax!”

TSAITONG-KAXTONG 13:4

Jowanpa mantolax ilaxle chix achuak-achenle changlax; chix kax ma laxlax ilaxle chix kaxtombu thomlax; chix to shwom-to lax ilaxle chix to mongongle tüilax.

MATHI 4:10

Ija ma Jisu-e chix to sa, “Bao, nang ikha angkya atsaiün; chemthüikoxle ile zakya tüile: ‘Nange nang Jowan Zang shwonlax, ilaxle chix thotha lax.’”

TSAITONG-KAXTONG 6:13

Jowanpa hünzom Zang chathua zale tüilax, chix tata tong shwomlax, ilaxle hünzome chix mün tata ma tsaosaxle changlax.

ISAIA 55:7

Chichangchizangkya khünaknue hwom lomtang danle naxtox ilaxle hwom mongjang olom bama künlop-monglüile naxchang. Hwom a Jowanpa, kem Zang hato naxchatkox; chix a chingcha hia chwonle thailak tüi angkya mix changle.

JIHUSUA 24:14

Jihusua-e chizakle akaxle thüi: “Idaile athaxpi, Jowanpa achuak-achenle changkox ilaxle künkox-mongkoxle tamchu mongong tüikya füi chix thothale changkox. Mesopotamia hia Ijip haxtok to hünzom putong hwome shwomle ngokya baozangbu füi atsaiün, ikoxle Jowanpa, chix tata thothale changlax.

JIHUSUA 24:23

Ikoxle Jihusua-e thüi: “Jangchangthüiba hünzom ma tüikya mixnok baozangbu füi atsaiün ilaxle Jowanpa, Israel nok Zang hato hünzom ang mong chatlax.”

JUHAN 4:24

Zang a Chasa changpu, Idaile khünaknue chix Chasa zong makhange tix, Chasa hia otsingtsing ma shwom ang thoüi.”

TSAITONG-KAXTONG 10:20

Jowanpa hünzom Zang kax ma laxle tüilax ilaxle chix tata to shwom-to le changlax. Chix to mongong tüile ngolax ilaxle hünzome chix mün ma zaza tsaolax.

1 WANGHOMBU 8:48

Ekhato hwom otsingtsing ma mong alople jangchat, ilaxle zangjople hwome kwom putong hwom ang nange koxkya haxtok chito hule, nange kamle kopkya tingnu hia ija Zangshwom-Hom texle atakle jangchang,

MATHI 6:24

“Owachu hopunu anyi da ang ngo ang müntsuak. Ile changkoxle chixe tuita thua anu ikoxle tuita to a mongkünle changüi. Chixe tuita kax ma laxle tüiüi ikoxle ata kax ma a chilaxle changüi. Hünzome Zang hia Ngun pangnyi thotha ang müntho angkya changle.

MATHI 15:8

“‘Ibu khünak tun zaza ma, ku hato hüile; hwome le füi ku achuakle; ikoxle hwom mongtsang a, ku füi ochu towüi.

KAXFÜNPA-HWOM 10:6

Bal hia Astartebu to shwomkya makhange, tam chuwüi Siria nok, Sidon nok, Moab nok, Amon nok, hia Filistia nok, ibue shwomkya baozangbu to shwomle changkya makhange Israel nokbue Jowanpa zongto ochaxbu lyenle chang. Hwome Jowanpa danle tox ilaxle chix to shwomkya zak.

1 PUKAX-PANGAO 22:19

Athaxpi Jowanpa, hünzom Zang to hünzom kün-mong hia chamua pangnu koxle thothakox. Zangshwom-Hom zaikya mwot owang wanglax, ikoxle hünzome Jowanpa Tsaotsüt Suak ilaxle chix to shwomtole changpongma laxkya mama otsao mwot-katbu pangwüi ima dan ang tsuaküi.”

PONGWANG LAIPEX 35:2

Ikhoma Jakop-e hwom homkha tamchu hwom füi tüikya khünak pangwüi ang thüi: “Hünzom ma tüikya mixnok baozangbu awütdao üntoxle ma alüile atsaole changlax üntoxle hünzom nyizabu lüilax.

EZEKEL 18:31

Hünzome mokle ngokya ochax pangwüi danle toxdao, ilaxle hünzom ma künzün-mongzün donglax. Hünzom Israel nok zise büthüikoxle tsupu?

1 PUKAX-PANGAO 28:9

Anaole chixe Solomon ang thüi: “Ku sasün, nange hünpa ku Zang to otsing changpule ngaitsuak angkya oli changpu ilaxle mong züizüihanle chichang homtoxle mongtsutsule chix thotha angkya changpu. Chixe kem küntex-mongsung komkaile tsingle. Nang chix hato hüile jangchang thüiningle, chixe nang a pongle kopüijao; ikoxlechu nange chix hato tok ahole jangchang, chixe othuithui hanpak ang nang a awütüi.

WANWÜNKAX 16:1

Keme ma mwotthobu zing ang tsuak, ikoxlechu tsaishuk-kaxshuk a Zang ma tix tüipu.

2 PUKAX-PANGAO 19:3

Ile chang koxle nang ma müikya oli züita tüile. Nang khünakbue shwomle ngokya baozangchanu Asherah chapabu pangwüi nange awüt tsuakdaoa, ilaxle nange Jowanpa mongtex ma laxle chang angkya azongdaoa.”

KAXFÜNPA-HWOM 10:16

Ikhoma hwome mixnok baozang ibu danle tox ilaxle Jowanpa to shwom; ilaxle Israel nok sikngün bama chix mongto kak.

HOSIA 14:1

Hünzom Israel khünaknu, Jowanpa hünzom Zang hato chat-hüi. Hünzome ochaxe hünzom asua ang tamchu ati ang tomle.

2 PUKAX-PANGAO 30:19

“O Jowanpa, kwom putong hwom Zang, nang künmüi-mongmüi füi, ma kün-hi-mong makhange zongbakle nang to shwomle ngokyabu, zanglom ma hwom otsao ang machang koxlechu, ibu thaikya nange alakkox.”

KAXFÜNPA-HWOM 2:13

Hwome Jowanpa to shwomle ngokya zak laxle Bal hia Astarte hwom thothale chang.

1 SAMUEL 31:10

Ifüima hwome chix chang-pax hwom baozang Astarte jop-hom ma dan, ilaxle chix mang a Bethshan pan ma adangle tak.

JIHUSUA 13:31

Gilid haxtok süifi ilaxle Ashteroth hia Edrüi, Bashan wanghompa Og pongwün tingnubu pangwüi ima wom. Ibibi pangwüi Makir sasün Manasseh homjen süifi tüikya ang bakle kox.

1 WANGHOMBU 11:33

Solomon-e ku awüt laxle mixnok baozangbu to shwomle changkya khoma kue ija ile mok angkya changle. Chixe Sidon baozangchanu Astarte, Moab nok baozang Kemosh; ilaxle Amon nok baozang Molek, ibu to shwom. Solomon-e ku kax ma münlax; chixe chisule mokdaoa ilaxle hopa Dawid ningle ku wanlom hia kaxtombu münthom.

JEREMIA 24:7

Kue hwom ang ku a Jowanpa changpule awanse tsukya mongtsukya azaile koxüi. Ifüima hwom a ku khünaknu ang changüi, ilaxle ku a hwom Zang ang changüi, chemthüikoxle hwom a ku hato mongpak-fünthole chat angkya changle.

JEREMIA 36:3

Owatsing chemtue Judah khünaknue, kue hwom hato ahüi angkya thama-thomshix bama atat ang kopkya zuma, hwom ang mongchat laxle chichang-chizangkya lomtang pangwüi danle tox lechu changtüilax.”

EZEKEL 14:6

“Idaile athaxpi Jowanpa Khüthak Zang, kue hwom füi akaxle ngokya kax hwom hama apuakox: Mong chatlax ilaxle hünzom zakkop chapabu dantoxlax.

TSAITONG-KAXTONG 4:29

Ekhato hünzome Jowanpa hünzom Zang lomüi, ilaxle hünzom künbak-mongbakle janglom, hünzome chix ataküi.

KAXFÜNPA-HWOM 2:11

Ifüima Israel khünaknue Jowanpa zongto ochax lyen ilaxle Bal baozangbu to shwom ang süt.

2 WANGHOMBU 17:39

Hünzome Jowanpa hünzom Zang, ku kax ma lax angkya oli changpu, ilaxle kue zanpabu chak tokya kue hünzom khosünle changüi.”

2 WANGHOMBU 23:15

Nabat sasün Jeroboam, owae Israel nok ochax lom to zule alyetpuix, Bethel angkya chixe zaikya baozang to shwomkya nui pünle awüt. Josiah-e ija tö-tsap bele adüt, longbu thuple akhix, ilaxle ibu haxbu ang achangle thuple akhix; chixe Asherah chapabu chuwüi zokle ashun.

2 PUKAX-PANGAO 20:33

ikoxlechu songsari baozangbu to shwomkya onuibu a chiama. Ikhoma hwom pupabu Zang to shwom angkya hanpakma khünaknu a mongpak-fünthole künlop-monglüikya kha chitüi.

JEREMIA 4:1

Jowanpae thüi: “Israel khünaknu, hünzom mong chat-se jangtsu, ku hato chat-hüi. Hünzome ku to mongong thom ilaxle kue tsakkya chapabu awütle jangchang,