1 SAMUEL 7:17 - OTSAO BAIBEL (BSI)

¹⁷ Ifüima chix a mahom Ramah to chat. Ikhato chuwüi chix tuita kaxfünpa ningle mokle hüi. Ramah ma chixe Jowanpa ang tö-tsap tuita zingle kox.

1 SAMUEL 7:17 ပူးပေါင်းရင်းမြစ်များ

1 SAMUEL 1:19

Ofüima Elkanah hia chix kakobu swomsae zo, ilaxle zangshwom laxle hwom hom Ramah to chat. Elkanah a chix kakonu Hannah füi jip-pomle chang, ilaxle Jowanpae she zangjop to lan.

1 SAMUEL 8:4

Ifüima Israel nok lompabu pangwüi asox, ilaxle Ramah to Samuel hato ngui.

1 SAMUEL 1:1

Elkanah le amünkya khünak tuita tüikya, chix a Efraim homjen angkya ilaxle chix a Efraim Haxhua nok tokya Ramah tinglong ma ngokya mix changkya. Chix a Jehuram sasün, Elihu susün, ilaxle Tohu kako-homkha angkya, ija a Zuf saxthom ma tuita kangkhai.

1 SAMUEL 11:15

Ikhoma hwom pangwüi Gilgal to pao, ilaxle ikhato otsao nui ma hwome Sol a wanghom changpule apuk. Hwome notom-tusüi tö kox, ilaxle Sol hia Israel khünakbue ija chialak angkya bama pongwünle pangpwon sax.

PONGWANG LAIPEX 35:7

Chixe ikhama tö-tsap zailaxle ijakha ang Bethel angkya Zang mün to nyak, chemthüikoxle chix hotüi Esau thoto paole azang pongma, Zang ikhama chix lailai to chix hato ngaile aho.

PONGWANG LAIPEX 33:20

Chixe ikhama tö-tsap tuita tan ilaxle ijongkha ang Israel nok Zang mün ma El le nyak.

1 SAMUEL 2:11

Ifüima Elkanah ang Ramah to hom to chat, ikoxle naosa Samuel a nguapa Eli chitong ma Jowanpa thothale ngo ang Shiloh to ngo.

1 SAMUEL 9:12

Naochabue lan: “Chix tüile. Chix a athax ile le le hünkhi thothoma tüile, hünkhi süjangmom thüikoxle chix hato alople chang ang tsuak. Hünkhi tinglong to nguikya füi shemle chix bangüi. Khünaknue haxhua to tö kox angkya tüikya khoma chix a anyix ija tingto to nguile. Chix ahyenkya khünakbue, chixe ikha alople machang tanto fong münsaxüi, chemthüikoxle tö koxkya to chixe tix mohiman zangjop kop angkya changle. Hünkhi momle jangle, chix haxhua to dongle fongsax ang thungle changüi thoto wüi hünkhie chix ha alople changüi.”

1 SAMUEL 14:35

Sol-e Jowanpa ang tö-tsap tuita zingle kox; ija a chix tsün ma pongwang lükya tö-tsap changkya.

1 SAMUEL 15:34

Ifüima Samuel a Ramah to chat, ilaxle wanghompa Sol a ma hom Gibeah to chat.

1 SAMUEL 28:3

Athax Samuel nang zidao, ilaxle Israel khünaknu pangwüi chix mangtsa ilaxle chix tingsho Ramah ma akhün. Sol-e mowan-mixbu hia osho-wanmixbu pangwüi Israel haxtok toxlaxle pao angkya kax kox.

ISAIA 10:29

Hwome ija lomtang akaile le ilaxle Geba ma wünpom! Ramah ma tüikya khünaknu abüt, ilaxle wanghompa Sol tingnu ma tüikya khünakbu zikle pao.

KAXFÜNPA-HWOM 4:5

Efraim haxhua nok to Ramah hia Bethel nyi zo ma tuita pam püntong ma she thungle ngozaikya, ilaxle tsaifün-kaxwünle chang ang Israel khünaknu ikhato ngui.

KAXFÜNPA-HWOM 6:24

Gideon-e ikhama Jowanpa ang tö-tsap tuita zing ilaxle ikha ang chixe “Jowanpa a Mongsom”, le nyak. (Ofrah ma ija anyix kople tüile ilaxle ija a Abiazar hwom saxthom kux changle.)