1 SAMUEL 6:5 - OTSAO BAIBEL (BSI)

⁵ Hünzom haxtok thomjole ngokya ija haknüi laikya kak hia juxsa mua hünzome zing angkya wüi changle, ilaxle ija füi hünzome Israel nok Zang achuak angkya changle. Ile changkox tix chixe hünzom to, hünzom baozangbu to tamchu hünzom haxtok to sikangünle ngokya zaküi.

1 SAMUEL 6:5 ပူးပေါင်းရင်းမြစ်များ

JIHUSUA 7:19

Jihusua-e chix füi akax: “Ku sasün, ikhama Jowanpa, Israel nok Zang tunthoma otsingtsing ngailax. Nange chem mokdaopuix, ija ku hama ngaihüi. Nange ku miksho ma pyen ang taxazong.”

1 SAMUEL 5:11

Ikhoma anaole Filistia nok wanghom hwom pangwüi hato kaxho koxle thüi: “Israel nok Zang Tsaotsüt Suak a ija bangkya khato achatle toxdao, ikoxtix wüi ijae kwom hia kwom homkhabu mik amütle münchangüi.” Zang-e hwom to sikngün apong ang tomkya khoma tingnu pangkha towüi khünaknu ang chabüt-lasünle max.

JUHAN 9:24

Ikhoma anaolechu wüi, mik aduakle ngokya müikya mixsün se ilaxle chix ma atüi: “Zang pomtho ma otsingtsing akaxüi le nange tsaodao! Nang mik amüile koxkya khünak a ochax khünak changpu le kwome awandaoa.”

ISAIA 42:12

Tsailo nok to ngole tüikyabu Jowanpa ang achuakkya hia fuazangkya laxkox!

JEREMIA 13:16

Jowanpa, hünzom Zang achuak kox, chixe zangnaknu ahüiüi thoma, ilaxle haxnubu ma hünzom asuale changüi thoma; hünzome sungle monghom ngokya zangngai chixe zangnaknu ang achangüi thoto.

MÜNCHUAK-TSAI 32:4

Jowanpa, nange zangnak zangngai ku to sikangün; tsonu zangkhame nyenti azuale awütkya lailaile, ku janzüi a komkaile azandaoa. Selah

1 SAMUEL 5:9

Ikoxlechu ija nguikya füi tomle Jowanpae ija tinglong to chuwüi sikngün fale hwom chabüt-lasün ang tom. Chixe hwom to haknüi laikya kakbu füi sikngün kox. Ija kak a mixmüi hia naosom pangwüi to tomwüi laile sikngün.

MIKNGÜN-OHÜN 16:9

Tüle khamkya ija wün khame hwom to akhatle hat, ilaxle ibu thama thakma owae apünpuix, ija Zang mün to hwome thuakzom; üntoxle fuazangkya achuak achen ang hwom ang mong chichat.

MIKNGÜN-OHÜN 14:7

Chixe akhongle akax: “Zang chathua zakox üntoxle chix fuazang achua achenkox! Chemthüikoxle chixe khünaknüsa kaxfün angkya hanpak nguile hüile. Ding hia hax üntoxle tümik fuaknuibu zingle alaikya Zang tong shwomkox.”

MIKNGÜN-OHÜN 11:13

Ipongkhae tüle bütix si; tingnu othom bün angkya thom tuita amüt, ilaxle hajat anüt khünak lang. Iboma atale tüikya khünak noknusae wüi zangkangting tokya Zang chongkya bama achuak achen.

MALAKI 2:2

Hünzome chem mokpuix ija makhange hünzome ku achuak-achenle chang angkya changpu. Hünzome kue akaxkya to chiapa jangthüiba, kue hünzom hato othuak-ozom ngui ang tomüi. Hünzom juafong angkya hanpakma kopkya jalibu to kue thuakzomle changüi. Changle, hünzome ku kax ma khünzule chilaxkya khoma kue hwom to thuakzomle changdaoa.

JOEL 2:25

Zazwop kuknue hünzom saxziak komkaile sax pongma hünzome chem amütdaopuix ija kue hünzom ang achatle koxüi. Ija süpahibu hünzom zan to akatkya a ku changkya changpu.

JEREMIA 3:13

Nang thaidaoa, Jowanpa nang Zang zongto nang zanpa ang changle hüidao ale ngaikox. Nange ku kaxtombu kax ma chilax ikoxle pünnu tong hex athüithüi ma nang mongkün a mixnok baozangbu ang koxle tüidaoa. Ija kax Jowanpae akaxdaoa, le Israel füi akax angkya kax chixe ku füi akax.

ISAIA 19:1

Ija a Ijip nok ba angkya kaxho changle. Hulax, Jowanpa a akhangle zikkya zangfwom khoma ngalaxle Ijip nok to nguingole. Chix tunthoma Ijip nok chapabu hia Ijip khünakbu mong münchong tsuak.

MÜNCHUAK-TSAI 66:3

Zang ang thüikox: “Nange mokkya mwotbu chemtukuxle ohünotünhex! Nang tsak-zong huanu changpu zanpabue zalaxle nang tong to puile.

MÜNCHUAK-TSAI 39:10

Ibobo ma ku-zo owüi thupünfa! Nang chakthom fang ma ku ziüi khakha.

MÜNCHUAK-TSAI 18:44

Mixnokbue ku chitong ma akhuxpu; ku zing atatle changpongma hwome ku kax ma laxpu.

HUAKE LAIPEX 33:4

Jowanpae langkya tüichongpabu mangzu ang nuikya Ijip nok pangnusae wüi ija ngün. Ile changkya makhange Ijip nok baozangbu füi Jowanpae chix wüi tsak-zongkya changpule aho.

LAIPAO 12:12

“Ija ja ku Ijip haxtok pangnu khato ahamüi; ilaxle müikha angkyachu üntoxle khünakchu, tüichongsasa komle langle toxüi. Ile Jowanpa kue Ijip nok zanpabu ang sikngün koxle leüi.

LAIPAO 8:24

Jowanpae wanghom homkha hia chix wangshembu homkhato tüpong-tüpongkya hwotbu hüi ang tom. Ijaningle Ijip haxtok pangnu khato idu hwot makhange thama adün ang tom.

LAIPAO 8:17

Arun-e chix kiathox füi hax to fit. Ijip haxtok angkya haxbu pangwüi hitsik ang achang. Khünak hia müi pangwüi to u.

LAIPAO 8:5

Jowanpae Mosa ang thüi: “Shuanubu ding to, shuasabu ding to, tüküibu ding to chix chak angkya kiathox ahale chak tin angkya Arun füi akaxkox; ifüima Ijip haxtok luke awangle changüi.”

1 SAMUEL 6:8

Jowanpa Tsaotsüt Suak apüilaxle ija maihu-kanlin ding ma dankox, ilaxle hünzome hünzom ochaxbu tsangthom ang chix hato hingho ang kox ang hun füi zingkya suak tuita ma sholaxle ija zui ma dankox. Müilin-zyen a ija lomkua ma chix lualua to pao ang dankox.

1 PUKAX-PANGAO 16:28

Jowanpa achuak kox, chaxwannu khünaknue, chix fuazang hia tsak-zong achuak kox.

1 PUKAX-PANGAO 16:29

Jowanpa fuazangkya mün achuak kox; tö apüikox ilaxle chix Zangshwom-Hom to nguikox. Chix ngai pongma Otsaopa tunthoma akhux kox;

JONA 3:9

Ile jangchang thüikoxle owatsing Zang-echu chix mong alüixüi; chix mongtsik-mongma zaküi ilaxle kem chiziüi!”