1 SAMUEL 6:11 - OTSAO BAIBEL (BSI)

¹¹ Hwome Tsaotsüt Suak maihu-kanlin ma dan ifüima haknüi laikya kak hia juxsa mua zingkya hun chasa shokya suak ija zui ma dan.

1 SAMUEL 6:11 ပူးပေါင်းရင်းမြစ်များ

1 PUKAX-PANGAO 13:7

Hwome ija Suak Abinadab hom ma apüi ilaxle maihue linkya zyen hozün ma ija sho. Ija müilin zyen a Uzzah hia Ahio nyie aham.

2 SAMUEL 6:3

Hwome ija hax ohua ma tüikya khato tüikya Abinadab hom ma tüikya lax ilaxle ija maihu-kanlin ding ma dan. Uzah hia Ahio, Abinadab sasün nyie ija maihu-kanlin aham.

TSAITONG-KAXTONG 28:27

Ijip nok to hwonkya ningle Jowanpae hünzom to tsom dongle sikngün apong ang tomüi. Chixe hünzom tsangtsa mak-chak füi kang-kang-danle chang ang tomüi. Hünzom tsangtsa awangle buk laiüi, ibu huanuma bule changüi üntoxle tamchimüitoxüi.

1 SAMUEL 6:4

Khünaknue atüi: “Kwome chix ang chem ningkya hingho koxle apaoüi?” Hwome lan: “Hun füi zingkya haknüi laikya kak aga ilaxle jux aga, ibu a Filistia nok wanghom hwom aga hanpakma tuipong le laxkox. Hünzom hatochu chatle wanghom hwom hatochu ija kakli tuitata wüi ahüikya changle.

1 SAMUEL 6:10

Hwom hama anwot-anole changkya lailaile hwome mok: Hwome maihu hunu anyi laxlaxle ibu maihu-kanlin ma adangle kha ilaxle hosabu a pungfang to jwonle achatle tox.

1 SAMUEL 6:12

Maihunu nyi achexle Bethshemesh chito paole küithole ikhato ngui, nong-tsax to khekya lomkhe tojao chikhe. Ija müi nyi dang ma ahanle paopongma maihu ngaongale le. Filistia nok wanghom aga-e Bethshemesh longzipong alople jao azuile le.