1 SAMUEL 5:8 - OTSAO BAIBEL (BSI)

⁸ Idaile hwome Filistia wanghom hwom aga pangnu hato kaxho mixbu tsanle apaole thüi: “Kwome Israel nok Zang Tsaotsüt Suak füi chemle hwonüi?” Hwome thüi: “Ija a Gath nok to paolax.” Ikhoma hwome Gath le mama Filistia tinglong tuita tüikya khato paole tox.

1 SAMUEL 5:8 ပူးပေါင်းရင်းမြစ်များ

ZEKARIA 12:3

Ikoxlechu chemtue ija hanpak nguile hüiüihex, kue Jerusalem a lixkya longnu tuita ningle achangüi--owa jat-lie ija nwon ang azonglaxüihex hwome maklaxle changüi. Chaxwannu jat-li pangwüi athütlaxle she zan to kaüi.

AMOS 6:2

Kalneh tingnu to paolaxle ito hulax.; Ifüima achongkya Hamath tingnu hato paolax; ilaxle Filistia nok angkya Gath tingnu to julax. Wangting ibu füi hwom wüi amüikya le hia? Wangting ibu Judah hia Israel nok füi müikya tamchu chongkya le hia?

1 SAMUEL 17:4

Gath tingnu angkya Goliath le amünkya mixsün, Filistia nok pom angkya lailailaxle Israel nok tsiakle akhong. Chix a fakta chakjang tukux tsuale tüikya.

1 SAMUEL 5:11

Ikhoma anaole Filistia nok wanghom hwom pangwüi hato kaxho koxle thüi: “Israel nok Zang Tsaotsüt Suak a ija bangkya khato achatle toxdao, ikoxtix wüi ijae kwom hia kwom homkhabu mik amütle münchangüi.” Zang-e hwom to sikngün apong ang tomkya khoma tingnu pangkha towüi khünaknu ang chabüt-lasünle max.

1 SAMUEL 5:7

Chempang-ole changpuix, ibu hwome ngün ang kopkya zuma, hwome thüi: “Israel nok Zang-e kem to tamchu Dragon to zothuple. Keme ija Tsaotsüt Suak ikhama thom ang müntomüi.”

1 SAMUEL 29:6

Akish-e Dawid se ilaxle thüi: “Kue ozün ma tüikya Israel nok Zang mün ma tsaosaxle akaxpu, nang a ku zongto sukya khünak changpu, ilaxle ku füi tomle nang ija zan to kaxle azan koxba ku mong huanuma müi angkya changle. Nang ku hato nguikya nyix makhange anyix kopkya bama kue nang ku zongto thaikya münataktsuak. Ikoxlechu mama ku füikya wanghombu hwom füi tomle zan to nang kat angkya a hwom ang mong müntsu changa.

JIHUSUA 13:3

ilaxle shuathongchi ma Awim nok haxtok bakle. (Ija haxtok a Ijip nok longzipong angkya Shihor shuasa makhange shuakux chito Ekron longzipong alople Kanan haxtok ang laxle tüikyabu: Gaza, Ashdod, Ashkelon, Gath, hia Ekron) ibu ma tüikya Filistia nok.

JIHUSUA 15:11

Ifüima ija longzi Ekron zongma shuakuxchi haxhua chitole, imakhange Shekkaron chito kwonle Balah Haxnu akaile Jamnia to lai. Ija haxsüt Mediterenian Tinu ma ashukle.

1 SAMUEL 6:2

khünaknue nguapa hia hingtwon mixbu nyakle thüi: “Jowanpa Tsaotsüt Suak füi kwome chemle hwonüi? Keme ija onui to jangachat thüikoxle a, ija füi tomle kwome chem koxle achatüi?”

1 SAMUEL 17:52

Israel nok hia Judah nokbu akhongle zikle hwom achua. Gath lomnu fole achuale hwome Ekron pantua alop. Gath hia Ekron alople, Sharaim lomjang fole Filistia nokbu huanuma thomzün maklaxle chang.

1 PUKAX-PANGAO 7:21

Zabad, Shuthelah. Shuthelah boma Efraim ang mama sasün anyi: Ezar hia Eliad nyi tüikya, ibu a, hwome Gath nok kux tsom-pombu ahux ang thüipongma langle awüt.