1 SAMUEL 4:5 - OTSAO BAIBEL (BSI)

⁵ Chemtue ija Tsaotsüt Suak ikha alople apüipuix, Israel khünakbu ang huanuma mongmüi laxle chaxwan achenle akhong.

1 SAMUEL 4:5 ပူးပေါင်းရင်းမြစ်များ

JIHUSUA 6:5

Hwome nyazong okuilole mütüi. Hünzome ija atatkya füi tomle noknu a sungdünle akhongüi, ipongma tingnu katuk tsunle hüiüi. Ifüima süpahibu küithole tingnu to nopüi.”

AMOS 6:3

Thama apong angkya nyix nguingokya to hünzome changpule chitex, ikoxle mwot makhange ija hanpak chwonle ahüi ngopu.

JEREMIA 7:4

Hünzome: ‘Kwom to chem münthüi! Ija a Jowanpa Zangshwom-Homnu changle, ija a Jowanpa Zangshwom-Homnu chang, ija a Jowanpa Zangshwom-Homnu changle!’, le thüikya dyen-lakya zangwün to mongongkya zakdao.

JOB LAIPEX 20:5

chichangchizangkya khünak owachu okuilole mongmüi ma chingo.

KAXFÜNPA-HWOM 15:14

Chemtue chix Lehi to nguipuix, Filistia nokbu a chix hato zikle ngui, ilaxle chix to sa-male kaxma thüi. Allele Jowanpa janzüie chix ang tsak-zong kox ilaxle chix chakbu ma khale thomkya zubu a zisa afünle awütkya lailaile afünle awüt.

JIHUSUA 6:20

Idaile nguapabue nyazong müt. Khünaknue ija atatkya füi tomle tüle sungdünle akhong, ilaxle pan katuk tsun ang tom. Ifüima süpahibu küithole tingnu to dong ilaxle ija tingnu ziakople chang.

MIKA 2:11

“Kaxthai hia dyen-ngankyae awangle, ‘Nang hanpakma ju-sax jenle-jenle naxtüi’ le ajele aham ngokya ajepa ija khünakbue laxse tsule.

1 SAMUEL 4:6

Ija akhongkya zing atatlaxle Filistia noke thüi: “Ibri nokbu pom to huanuma akhongkya zing apalax! Chem hanpak ang ipongpongle akhongpuix?” Chemtue hwom, Ibri nok pom to Tsaotsüt Suak katle tüikya hwome awanle lax,

2 SAMUEL 15:24

Nguapa Zadok ikhama tüikya, ilaxle chix füi tomle Liwi hwom Tsaotsüt Suak azyale tüikya. Hwome ija hax to athai, ilaxle khünaknu tingnu danle matox tanto ija chatle chipai. Nguapa Abiathar chuwüi ikhama tüikya.

1 WANGHOMBU 1:40

Ifüima hwom pangwüi mongmüi atungle akhongle tamchu thuaput-waxmaibu mütle, chaxwan achenle akhong-akhale chix füifüima azuile chat.