1 SAMUEL 4:3 - OTSAO BAIBEL (BSI)

³ Azangle paokya thom pom to nguikya zuma Israel nok lompa-e thüi: “Anyix Jowanpae kem to Filistia nok ang lüt ang büthüikoxle tompuix? Kemepi Shiloh tokya Jowanpa Tsaotsüt Suak ikhato apüihax, ikoxle tix chix füi tomle zan to kalaxle zan chak tokya kem khosünle naxchang.”

1 SAMUEL 4:3 ပူးပေါင်းရင်းမြစ်များ

JUD LAIZA 1:5

Hünzome ibu bakle tsingle ngole, ikoxlechu: tam a Jowanpa-e Israel khünakbu Ijip nok chak tokya khosün, ikoxlechu ofüima, chixe opange chiongpuix hwom amüt, ija bama kue hünzom mongto texle atak ang tomse tsule.

1 PITAR 3:21

Ija a athax hünzom khosünle tüikya, ti ma baptikya ocha ahokya tuita changpu. Ija a tsangtsa angkya ziak sole awütkya chichang, ikoxle tutex omüi makhange Zang tunthoma tsaosaxkya tuita changpu.

IBRI 9:4

Ikhama ongan müikya so zok ang hun tsap tüikya manna füi hun suk, osong chui füikya Arun kaithox üntoxle Tsaotsüt zale tüikya hun füi zingkya Tsaotsüt suak tüikya.

2 TIMOTHI 3:5

otok to ngün ang kopkya tata twonlaxle zanglom tokya ahole hwome ija ma tüikya otsingtsing zong tomtata a chilaxle ahaiüi. Iningkyabu füi atsaile ngolax.

JEREMIA 7:4

Hünzome: ‘Kwom to chem münthüi! Ija a Jowanpa Zangshwom-Homnu changle, ija a Jowanpa Zangshwom-Homnu chang, ija a Jowanpa Zangshwom-Homnu changle!’, le thüikya dyen-lakya zangwün to mongongkya zakdao.

JEREMIA 3:16

Chemtue ija haxtok ma hünzom huanuma tsale changüihex, khünaknue ku Tsaotsüt Suak bama zangwünkya müntüiüi. Hwome ija bama ajangkya müntüiüi ilaxle ija texle münataküi; hwome ija laxngo angkya jao münchangüi, chichangthüiba hwome mama zingle chu münchangüi.

ISAIA 58:3

Hwome atüile: “Jowanpae chingünangba keme omalax ang chisax-chilingle atsao ngoüi? Chixe kem to mongkoxkya chitüiba kem chisax-chilingle ngo angkya chem mwot tüi?” Jowanpae hwom ang thüi: “Kaxtsing tomtata a ija changle, hünzome chisax-chilingle atsaokya füi tomtomle hünzom ma mongtextex lomle ilaxle hünzom mwot mokle ngokyabu to zothuple.

ISAIA 50:1

Jowanpae thüi: “Khünak tuita chix kakonu apaokya ningle kue ku khünakbu apaopule nange thütpia? Jangchangba, afan angkya laiza ojong? Khünak tuitae masa da ang hangkya ningle kue hwom zanda ang koxle apaopule nange thütpia? Ile münchang, hünzom zanda ang hünzom ochax khoma paopu; hünzom mütkopbu khomale hünzom koxle apaopu.

MÜNCHUAK-TSAI 74:11

Nange kwom to münfongpule büthüikoxle angam? Nang chak nange büthüikoxle nang tokfüi chito thompu?

MÜNCHUAK-TSAI 74:1

O Zang, nange ile kwom büthüikoxle danle tox? Nang khünaknu füi nang othuithuima mongtsikle ngoüi hia?

1 PUKAX-PANGAO 17:1

Ipong Dawid a chix homlo ma ngole tüikya. Nyixta chixe ajepa Nathan se ang apaole thüi: “Ku ikhato sedar pün füi zaikya hom ma ngopu, ikoxle Jowanpa Tsaotsüt Suak a tuita Nyihom ma thomtüi!”

2 SAMUEL 15:25

Ijama wanghompa-e Zadok ang thüi: “Tsaotsüt Suak a tingnu to chatle chattoxdao. Jowanpa ang ku füi mongzom müikya jangtüi thüiningle nyix-nyix-ta ija ngün ang tamchu ija thomkya onui to hu ang ku chat ang koxüi.

1 SAMUEL 14:18

Sol-e nguapa Ahijah ang thüi: “Ngua-nyilo ikhato apüihüi.” (Ija nyix Ahijah-e ija Israel khünaknu tunthoma laxlaxle ngo.)

JIHUSUA 7:7

Ilaxle Jihusua-e thüi: “Khüthak Zang! Nange kwom Jordan shuanu atale jao omalax ang apüikya? Amor nok chak to kox ang apüikya hia? Kwom amüt ang apüikya hia? Kwom a Jordan shuanu tachi towüi ngo ang tomlax angpu.

JIHUSUA 4:7

Jowanpa Tsaotsüt Suak-e Jordan shuanu ata pongma Jowanpae jenle ngokya Jordan shuanu zak ang tomkya manwan changpu; idaile longtom ibue Israel khünak a Jowanpae mokdaokya ija mwot texle atak ang tompu, le hwom hama wünle koxüi.”

TSAITONG-KAXTONG 31:26

“Ija Zang Wanlom laipex koplax ilaxle ija a hünzom Zang Jowanpa Tsaotsüt Suak zui ma dankox, ikoxle ija a chix khünaknu zongto tuita mikngün kaxkhi ang ngoüi.

TSAITONG-KAXTONG 29:24

Ifüima zangfang pangnue atüiüi, ‘Ija haxtok to Jowanpae büthüikoxle ile hwonpuix? Ipongpong thama adünle chix mong chemkhoma tsikpuix?’

HUAKE LAIPEX 31:6

Nguapa Eliazar sasün Finehas lomzun ma Mosa-e khünak ibu zan to akat. Finehas a otsao tuita tamchu khong kaxho ang nyazong mütkya lompa tuita changkya.

HUAKE LAIPEX 10:35

Chemtue Tsaotsüt Suak alaile achexpuix, Mosa-e thüi: “Ajongkox, Jowanpa; nang zanpabu afale pao ang tomkox ilaxle nang to miktsakkyabu zikle pao ang tomkox!”

HUAKE LAIPEX 10:33

Chemtue khünaknue otsao haxnu Sinai danle toxpuix, hwom chizakle nyix-azom aham. Jowanpa Tsaotsüt Suak jento hwom tunthoma aham ilaxle hwom ang pom zai angkya onui atakle kox.

JIHUSUA 6:6

Jihusua-e nguapabu se ilaxle hwom ang thüi: “Tsaotsüt Suak koplax ilaxle mixsün anüt ija tuntho male-kox; hwome nyazongbu koplax.”

JIHUSUA 7:8

O Jowanpa, Israel nok, zan-noke jwonle apaoputale kue chemwün angkya tüi?

1 SAMUEL 1:24

Ija nao hamtsuakle tsongle hüikya füima Hanah-e chix a Shiloh to pao. Chix füi tomle tuita zanglao azom nguidaokya maihupongpa, ankhix tuakbün, ilaxle müikhwon nyitsong tuita ma awangle grepti-ju, ibu laxlaxle pao. She-e Samuel a naosa ma tüitanto wüi Shiloh to Jowanpa hom to apüi.

1 SAMUEL 4:2

Filistia noke single hüi ilaxle tüle azongle azankya oshukma Filistia noke Israel nok to lütle Israel khünak a 4000 jao zantam ma lang.

ISAIA 59:1

Jowanpa a hünzom khosün ang onüi shonaile chichangba hünzom fonghüile nyakkya ozing atat ang chithole nabale le taxthüt!

ISAIA 59:2

Chixe hünzom kaxzing chiatatkya a hünzom ochaxbu khoma changpu. Hünzome chix to shwom-tole chang ang thüipongma hünzom Zang füi atsai ang tomkya a hünzom ochaxbu changle.