1 SAMUEL 30:6 - OTSAO BAIBEL (BSI)

⁶ Dawid hato müimamakya mongthang hüi chemthüikoxle chix khünakbu hwom sa-nu hwom bakle amütkya khoma Dawid füi mongtsik mongmale chang. Hwome chix to long füi thup ang aza-ana; ikoxlechu Jowanpa chix Zang-e chix ang chachen-mongchen kox.

1 SAMUEL 30:6 ပူးပေါင်းရင်းမြစ်များ

MÜNCHUAK-TSAI 56:11

Kue chix to mongongpu, ilaxle ku ojao münza. Khünak tomtatae ku to chem chemthüithoüi?

MÜNCHUAK-TSAI 62:5

Kue Zang tata to mongong tüipu; kue ku monghom chix ma thompu.

MÜNCHUAK-TSAI 18:6

Ku sikngün pongma kue Jowanpa to nyak; ku to asun angkya hanpakma kue Zang nyak. Chix zangshwom-hom ma chixe ku kaxzing atatlelax; chixe fong angkya mix lomle ku sopkya apalelax.

MÜNCHUAK-TSAI 25:17

Mongthang ngokya ku nazak ang tomhüi, sikngün pangnu tokya ku khosünhüi.

IBRI 13:6

Idaile mongchonghax üntoxle akaxhax, “Jowanpa a ku to fongmix, ku otuechu münza. Owae ku to chemthüi thoüi?”

ROM NOK HATO ZAKYA POL LAIZA 4:18

Monghom angkya chitüi khato, Abrahame mongong ilaxle monghom, ikoxle chix noknusa hopa ang achang. Otsao Lai kax ma tüikya ningle: “Nangsu nangsabu ibukuxle tsaüi.”

MÜNCHUAK-TSAI 116:10

“Ku a bakle zutle akhixdaoa”, le thüipongma ngaxchu chizakle kue mongong ngopu;

ROM NOK HATO ZAKYA POL LAIZA 8:31

Jangchangba ibu zangwün bama keme chemle thüiüi? Kem hanpakma Zang jangtüi thüiba, kem zan to ka angkya owa tamtüi?

LAIPAO 17:4

Mosa-e mong fünle koxle Jowanpa to jop: “Ibu khünakbue ku a longfüi thuple langshuküi changa; kue hwom to chemle thüiüi?”

MÜNCHUAK-TSAI 42:11

Ku ang büthüikoxle ipongpongle mongma? Büthüikoxle ku ang ipongpongle mongthangpu? Kue ku mongong Zang ma thomüi, üntoxle anaolechu kue chix achuaküi, ku khosünpa üntoxle ku Zang.

MÜNCHUAK-TSAI 27:14

Jowanpa to mongong tüikox. Mongong tüikox, mong taxatho. Jowanpa to mongongkya tüikox.

2 KORIN 4:8

Othuithuima kwom zothup, ikoxlechu kwom akhixle chipao; tampong khosam, ikoxlechu mong chimax;

JUHAN 8:59

Ikhoma hwome long tswonlaxle chix to thup ang tung; ikoxle Jisu azwon ilaxle Zangshwom-Hom angkya laile pao.

HUAKE LAIPEX 14:10

Khünaknue hokhi to long füi thuple langüile azale ngopongkhae allele Nyihom kho ma zangchang ningle tüle ajeple Jowanpa nguikya hwome ngünle lax.

2 KORIN 7:5

Kwome Mesidonia alople ngui füima ngaxchu, kwome nazak ojao chikop. Pangnu khato wüi tuwuk, mixfüi atsi-alakyabu, mong ma chazakya tüihukya.

WANWÜNKAX 18:10

Ojong khato paolaxle otsao khünakbue khosün atakpuix, Jowanpa a ija shingmongkya long-katuk tuita ningle changpu.

JEREMIA 16:19

Jowanpa, nang a ku kho-awakya tamchu ku ang tsak-zong koxkya Zang changpu; kue sikngün apongle changpongma nange ku to asun. Haxtua-zangnam tokhange jat-li pangwüi nang hato nguiüi ilaxle thüiüi: “Kwom pupa hwom ang othai baozang, laxli chitüikya chapabu boma chemchu müntüidaoa.

JOB LAIPEX 13:15

Ku monghom pangwüi max füima Zang-e ku lang koxpi chemthüi? Kue ku zangwün chix hama wün angkya changale.

2 KORIN 1:6

Kwom sikngünkya a hünzom to fongkya tamchu khosün hanpak changle. Sikngün pongma Zange kwom adu ang tomkya hünzom hanpak wüi changle. Füichima kwome apongkya sikngün hünzome apongkya zuma adutsuak angkya kuxma ija a hünzom zong changle.

ROM NOK HATO ZAKYA POL LAIZA 4:20

Chixe mongongle wüi ngo, ilaxle chixe Zang kaxtsao to mongaokya chitüi; chix mongonge chix ang tsakzong kox, ilaxle chixe Zang achuak.

MATHI 27:22

Pitar-e atüi: “Jangchangba Jisu Khrista le nyakkya khünak füi kue chem moküi?” Hwom pangnu akhong: “Chix a pünsak ma takkox!”

MATHI 21:9

Jisu thüntho ma tamchu chix nuakfüi ma ahamkya khünaknu ile akhong: “Dawid sasün achuakkox! Jowanpa mün ma nguikya mix, chix to Zange mohiman hüi! Zang mün achuakkox!”

ISAIA 25:4

Mixshix-zasa hia chitüi-chinang khünakbu nang hato pao ilaxle sikngün pongma khangkho sün ang kople chang. Zangchei pongma nange hwom ang ngwotnui fa ilaxle zanghan huakle changpongma zangkhung fa. Zangwat zangchei lailaile mongtsik ashukkya zanpabue single hüi

MÜNCHUAK-TSAI 62:1

Zang-e ku khosünle kop angkya hanpakma adule tanngopu; kue chix totix onglaxle ngopu.

KAXFÜNPA-HWOM 18:25

Dan noke lan: “Nang hanpakma nange kaxfa tuita chiakaxkya wüi amüikya ang changüi chichang thüiningle ibu khünaknu nang füi mongtsik dongüi ilaxle nang to single changüi. Nang ibomachu hünzom homkha pangwüi mik max angkya ataküi.”

PONGWANG LAIPEX 32:7

Ija atatlaxle Jakop a abünle za. Chixe chix khünakbu othom anyi ang achangle ahan; ija ningle chix müi: chun, zwon, maihu hia utbu chuwüi ahan.

MÜNCHUAK-TSAI 42:5

Chemkhoma ku ang ipongpongle mongma? Chemkhoma ku ang ipongpongle mongsik-ngün? Kue ku mongong Zang ma thomüi, üntoxle tamchatle kue chix achuaküi, ku khosünpa, ku Zang.

2 SAMUEL 17:8

Hünpa hia chix khünakbu a zan ma tsak-zong füikyabu tamchu owawae hosabu tswonle paopongma shix-male tüikya chepnu ningle tüile le nange awan-ngopu. Hünpa a pangnu lüi awandaokya süpahi tuita ilaxle chix a zangnak ma chix khünakbu füi tomle otuechu chingoüi.

2 WANGHOMBU 4:27

ikoxle chemtue she Elisha hato nguile changpuix, she chix tunthoma akhux ilaxle chix cha to twon Gehazi-e she achale apao ang thüipongma Elisha-e thüi: “She to taxpokox. Nange she tüle künmax-mongshanle changkya münngün hia? Jowanpae ku hama ija bama chemle chu chiwün.”

1 SAMUEL 23:16

Jonathan ikhato chix füi apong ang ngui ilaxle Jowanpae sünlax angkhato chem monghix angkya tüipule mongchen zang wünle tox.

MÜNCHUAK-TSAI 18:2

Jowanpa a ku kho-wa pa changpu; chix a shingmongkya ku zanhunuibu changpu. Ku Zang a ku wintuk-hantha changpu, üntoxle chix füi ku azangle ngopu. Di lailaile chixe ku kho awale thompu; chixe ku khosele üntoxle khosünle thompu.

MÜNCHUAK-TSAI 31:24

Hünzom pangnu Jowanpa to monghom tüikyabu, chatsak-muazongle mongchong hüi.

MÜNCHUAK-TSAI 71:4

Ku Zang, chichang-chizangkyabu chak tokya ku azünhüi, mongtsik mix hia ochax khünakbu chak tokya a.

MÜNCHUAK-TSAI 71:5

Khüthak Jowanpa, kue ku mongong nang to thompu; Ku naosom pongto khange wüi kue nang to ongle hüipu.

JONA 2:2

“Ku maxkya chifün tokhange, O Jowanpa, kue nang nyakpu, nange ku to lanhüi. Tüle zukya amalum panfang tokhange ku to fonghüile akhongpu, nange ku zing atat-hüi.

KAXFÜNPA-HWOM 20:22

Ifüima Israel nok zangshwomnui to paolaxle zanganakle zangjople ibu mangsop. Hwome chix ma atüi: “Kwom tamchatle kwom tüinao Benjamin hwom zan to chika kaüi?” Jowanpae lan: “Kakox.” Ijae Israel nok süpahibu ang mong achen ilaxle othonyix kople changkya kha ziakop ang ibu dan.

1 SAMUEL 28:15

Samuel-e Sol ang thüi: “Nange ku ting büthüikoxle atüi? Nange ku büthüikoxle tamchat ang tompu?” Sol-e lan: “Ku a müimamakya khosam ma tüile! Filistia nok ku füi azan ang achwonle tüile, ilaxle ku a Jowanpae dantoxdaoa. Athaxpi chixe kutsai-kukax to chemle chu münlan, ajebu makhange ngaxchu kaxhole münchang, wünmang chitochu münaho. Ikhokhoma kue nang sepu, idaile kue chemle mokse dai ija nange wüi apuale fahüi.”

MÜNCHUAK-TSAI 138:3

Kue nang nyak pongma nange ku to lanpu; nang janzüi pangnusa füi nange ku ang janzüi fapu.