1 SAMUEL 3:21 - OTSAO BAIBEL (BSI)

²¹ Chizakle Jowanpae Shiloh ma chix ngaile aho ang süt. Ijakha a chixe Samuel hato chix ngaile aho tamchu chix füi zangwünle changkya nui changkya. Ilaxle chemtue Samuel-e zangwünüihex, Israel khünak noknusae apa.

1 SAMUEL 3:21 ပူးပေါင်းရင်းမြစ်များ

1 SAMUEL 3:1

Ipongma naosa Samuel-e Eli-e adangle fakya ningle Jowanpa thothale tüipongma, Jowanpa tokhange kaxho muapong wüi tüikya, ilaxle chix makhange mikza ma ngünkyachu tamtampong wüi changkya.

PONGWANG LAIPEX 12:7

Jowanpa a Abram hato ngaile lai ilaxle chix füi akaxle thüi: “Ija a kue nang su-sabu ang kox angkya haxtok changpu.” Ifüima Abram-e, chix hato ngaile ahokya Jowanpa ang tötsap tuita zingle kox.

PONGWANG LAIPEX 15:1

Ifüima Abram-e miksho ma tütali mikngünohün ngün üntoxle Jowanpae chix füi ile akaxkya atat: “Abram, nang ojao taxza chemthüikoxle kue nang to o-le thomüi tamchu hingho chongkya koxüi.”

1 SAMUEL 3:4

Jowanpae Samuel nyak. Chixe lan: “Alixachong, ku ikhama tüile!”

HUAKE LAIPEX 12:6

ija ma Jowanpa akax: “Athax kue chem akaxüihex, ija to na thale apalax! Chemtue hünzom khama ajebu tüipuix kue ku sün hwom hato mikngün-ohün ma aho ilaxle wünmang ma zangwünle changpu.

IBRI 1:1

Kaikai le Zange, kem pupa hwom füi obi thomthom ma hexle tamchu malom-malom to ajebu makhange zangwünkya,

AMOS 3:7

Khüthak Jowanpae ajebu, chix dabu hato ngaile chiaho kop homtoxle tütali chu münmok.

1 SAMUEL 3:10

Jowanpa ikhato ngui, ilaxle ima ajong laxle ami nyakkya ningle wüi: “Samuel! Samuel!”, le nyak! Samuel-e-e lan: “Akax hüi; nang dapa kue apa ngole.”

JEREMIA 41:5

Shekem, Shiloh hia Samaria tokya khünak mixhuak puli ngui. Hwom a, mongmakya aho ang tunmunbu komkaile ongle, hwom nyizabu akyet, ilaxle ma tsangtsa to alüile mak-kha laxle tüikya. Hwom a Zangshwom-Hom ma tö kox angkya hanpakma saxziak hia ongan müikya sobu koplaxle tüikya.

TSAITONG-KAXTONG 29:10

“Hünzom: lompabu hia nguakax-wangkhobu, hünzom khünakbu, shekobu hia naosombu,

1 SAMUEL 9:15

Othonyix Jowanpae Samuel füi akaxle tüikya,

1 SAMUEL 10:19

Ku a hünzom Zang changpu. Hünzom sikngün tuitai hia thangshix pangnu chak tokya hünzom khosünle hüikya a ku changpu, ikoxle anyix a hünzome ku wünhaile changpu ilaxle wanghom laxhüi le mix jupu. Müihule, jangthüiba hünzom homjen-homjen hia saxthom-saxthom ma süile Jowanpa tuntho to asoxlax.’”