1 SAMUEL 28:6 - OTSAO BAIBEL (BSI)

⁶ ikhoma chixe chemle thüiüile Jowanpa ma tsaitik-kaxshole chang. Ikoxlechu chix zangwün to Jowanpae chemle chu chilan, wünmang chitochu chiaho, chichangba o-nan machu chidong chichangba ajebu makhangechu chiaho.

1 SAMUEL 28:6 ပူးပေါင်းရင်းမြစ်များ

1 SAMUEL 14:37

Ikhoma Sol-e Zang ma atüi: “Kue Filistia nok to chising hia singüi? Nange kwom ang lüt ang chitom hia tomüi?” Ikoxlechu ija nyix Jowanpae chemle chu chilan.

HUAKE LAIPEX 12:6

ija ma Jowanpa akax: “Athax kue chem akaxüihex, ija to na thale apalax! Chemtue hünzom khama ajebu tüipuix kue ku sün hwom hato mikngün-ohün ma aho ilaxle wünmang ma zangwünle changpu.

MANGSOP 2:9

Zünkaibu to pan-katuk tsunkyae sheple kop, ibu luapoxbu thuple akhix awüt. Wanghom hia pünlix-wangchong hwom a zanda ang koplaxle paole tüi. Wanlom anwot-anokya athax chitüi, ilaxle ajebu angJowanpa tokhange kaxho hüikya chitüi.

HUAKE LAIPEX 27:21

Chixe nguapa Eliazar to mongongkya tüiüi, chemthüikoxle Urim hia Thummim twonlaxle chixe ku mongtex awanle tsuaküi. Ile Eliazar-e Jihusua tamchu Israel khünaknu pangnusa to pangwüi lom ma adangle fa ang thoüi.”

JAKOP 4:3

Üntoxle hünzome jupongma ibu hünzome chikop, chemthüikoxle hünzom tutexbu a chimüi; jukya oli hünzom mongzom ma müi angkya olom ma twon ang hünzome jukoxle.

JUHAN 9:31

Zange ochax khünakbu kax ma münlaxle keme awan ngopu; ikoxle owae Zang chathua zale chix kax ma laxle mokpuix, ija khünak kax chixe apale.

MATHI 1:20

Ikoxle, hulax, chix ile khosam ma ngoponge, Jowanpa kaxtaimix tuitae wünmang chito chix füi ile akax: “Dawid sasün Jusep, nange Meri ma kakonu ang lax ang taxza; chemthüikoxle she ma nao a Otsao Chasa makhange nguidongkya changle.

JEREMIA 23:28

Aje owae wünmang ngünlaxpuix, chixe ija a wünmang zazale akax angkya changle, ikoxle aje owae ku kaxho atatpuix, chixe a mongong tüikya füi ija ku kaxho apuk angkya wüi changpu. Saxtsa hia saxziak chem ma apyen angkya tüi?

TSAITONG-KAXTONG 33:8

Liwi hwom hanpakma chixe ile akax: “Nang, Jowanpae, Urim hia Thummim nyi makhange nang mongtex ngaihüi. Nang to mong thomkya da, Liwi hwom makhange; Nange ibu to Massah ma thwontsing Ilaxle ibu a otsingtsing changle le Meribah ti ma aho.

LAIPAO 28:30

Otsao ku Ngwotnui to nguikya zuma Arun-e laxlaxle ngui angkya hanpakma, suaklwop nyi ma urim hia thummim apütlax. Israel khünaknu hanpakma ku mongtex awanle lax angkya hanpakma iningkya pongma chixe ija awunle kop angkya changpu.

WANWÜNKAX 27:1

Ngainyixkya hanpakma otuechu tsaichong-kaxbongle taxchangkop. Ngainyixkya sedüne chem apüiüihex nange müntik.

MÜNCHUAK-TSAI 74:9

Otsao münwan kwom kux komkaile amadaoa; ajepabu tuita danle chitox, ilaxle ija ile chemtukux ngo angkya hex owaechu chiawan.

LAIPAO 28:20

Ali-lükya tsyen ma baril, karnelian, hia jaspar long tuipong-tuipong athünüi. Ibu pangwüi hun ocha ang hun zingkya ding ma athünüi.

LIWI 8:8

Ilaxle chixe chix to thünkhuxkhyep füi khyeple kox, ilaxle ija thünkhuxkhyep ma chixe Urim hia Thummim apütle kox.

1 SAMUEL 28:5

Chemtue Sol-e Filistia nok süpahibu ngünle laxpuix, chix tüle abün-aban,

1 SAMUEL 28:15

Samuel-e Sol ang thüi: “Nange ku ting büthüikoxle atüi? Nange ku büthüikoxle tamchat ang tompu?” Sol-e lan: “Ku a müimamakya khosam ma tüile! Filistia nok ku füi azan ang achwonle tüile, ilaxle ku a Jowanpae dantoxdaoa. Athaxpi chixe kutsai-kukax to chemle chu münlan, ajebu makhange ngaxchu kaxhole münchang, wünmang chitochu münaho. Ikhokhoma kue nang sepu, idaile kue chemle mokse dai ija nange wüi apuale fahüi.”

2 SAMUEL 22:42

Hwome fong angkya khünak lomle hu, ikoxle owae hwom khosünle chichang; hwome Jowanpa to nyak, ikoxle hwome nyakkya to chix chitsa.

JOEL 2:28

“Ifüima kue ku Chasa pangnusa ang thokle koxüi; hünzom sasün hia sacha hwome ku kaxho apuküi; hünzom zunu-zupabue wünmangbu ngünüi, ilaxle hünzom tsünzünbue mikza wünmangbu ngünüi.

MIKA 3:7

Opange füichi hanpak bama ajele akaxlaxüihex, hwom kax ningle changle chingaikya zuma hwom thajao-wünhaile changüi. Hwom pangnu wüi thünkhux-thajaole chang ang tomüi chemthüikoxle Zang-e hwom kax to chilan koxle.