1 SAMUEL 27:1 - OTSAO BAIBEL (BSI)

¹ Dawid-e chix mongto alüile ajangle lax: “Sol-e ku a ibama tütangai thüichu lang angkya changa. Ku zongto sümüikya a Filistia nok to paole azang angkya wüi changle. Ifüima Israel haxtok ma Sol-e ku lomkya zakle shuüi ilaxle ku a azangle ngoüi.”

1 SAMUEL 27:1 ပူးပေါင်းရင်းမြစ်များ

ISAIA 51:12

Jowanpae thüi: “Hünzom tsak-zongle chang ang tomkya a ku changpu. Zile sam angkya thua hünzom büthüikoxle za angkya, hingzang tsün tukux ngaxchu chilo angkyabu thua a?

1 SAMUEL 23:17

Chixe thüi: “Nang taxza, Apa-e nang to chem münthüitho. Nang a Israel nok ma wanghom ang achang angkya ilaxle ku nang fang ma tüichong lyakho tüi angkya chixe bakle tsingle ngopu.”

WANWÜNKAX 13:12

Chemtue monghom thule akhünpuix, mong thule akhünpu, ikoxle ile changle hüi angkya mongtexe nang ang mong amüile.

MÜNCHUAK-TSAI 116:11

ku zalaxle “Owa to mongong angkya müntüi”, le thüipong ma ngaxchu.

1 SAMUEL 29:2

Filistia nok wanghom hwom aga, hajat hia hopong athomkya hwom zankat othombu koplaxle single hüi; Dawid hia chix khünakbu Akish füi tomle zuile hüi.

1 SAMUEL 25:30

Ilaxle Jowanpae nang ang tsaokya müikya oli bakle mokle hüi ilaxle nang a Israel noke wanghom ang zingle chang füima,

1 SAMUEL 22:5

Ifüima ajepa Gad Dawid hato ngui ilaxle thüi: “Ikhama taxngo; athaxthax wüi Judah haxtok to paolax.” Ikhoma Dawid-e ikha danle tox ilaxle Hereth faonu to ngui.

1 SAMUEL 16:13

Samuel-e olip münga thua lax ilaxle hotüi hwom pangwüi pomtho ma Dawid to müngae li. Allele Jowanpa Chasae Dawid to kop. Ilaxle ija nyix makhange Dawid füi chix ngo. Ibibi mwot tsuakle chang laxle Samuel a Ramah to chat.

1 SAMUEL 16:1

Jowanpae Samuel ang thüi: “Nang Sol hanpakma chemtukux sople ngoüi? Kue chix a Israel nok wanghom ang münlaxle awütpu. Ikoxle athax olip münga hidaole koplax ilaxle Bethlehem to Jesse le amünkya mixsün hato kalax, chemthüikoxle kue sasün hwomkha angkya mixsün tuita a wanghom ang kamdaoa.”

LAIPAO 14:12

Kwome nang füi: kwom mo taxwün-ngo, kwompi ikhato Ijip nok da ang wüi ngoüihexle münthüidaimi? Ija sak-hax to zikya füi ikhato da ang ngonuikya wüi kwom zongto müikya ang changse!”

2 KORIN 7:5

Kwome Mesidonia alople ngui füima ngaxchu, kwome nazak ojao chikop. Pangnu khato wüi tuwuk, mixfüi atsi-alakyabu, mong ma chazakya tüihukya.

MARK 4:40

Ifüima Jisu-e wangshembu ang thüi: “Hünzom itukux büthüikoxle zapu? Hünzom ang mongong ojao chitüi le büthüipu?”

MATHI 14:31

Ijama Jisu-e chix chak thui laxle chix kople thüi: “Nang mongong chitüikya muakya mix; nange büthüikoxle mongaopu?”

HUAKE LAIPEX 14:3

Jowanpae kwom ija haxmik to chem hanpakmale apüipuix? Kwom a zanhok ma langdao angkya changle ilaxle kwom sheko hia naosombu a zan-nokbue koplaxle paoüi. Ijip nok to chatkya wüi müikya ang münchang puixmi?”

1 SAMUEL 26:19

Wanghompa, kue akaxse ku kax to tam apahüi. Nang ku zongto zan ang achangle paokya Zang tokhange jangchang, tö koxkya makhange chix mong alüix ang tsuaküi, ikoxle khünakbue alop-alüikya jangchang, Jowanpa thuakzom hwom hato naxhüikox, chemthüikoxle Jowanpa haxtok angkya hwome ku mixnok chaxwan to jwonle apaopu, ilaxle mixnok baozangbu to shwom angkya chifün ma ku asam thompu.

1 SAMUEL 29:3

Filistia nok lompabue hwom ngün ilaxle atüi: “Ebu Ibri khünakbu ikhato chem mokle ngo?” Akish-e lan: “Ija a Dawid, Israel nok wanghompa Sol nguakax-wangkho tuita changkya. Chix a ku füi sükaile wüi ngole hüikya changle. Ku hato nguile hüikya nyix makhange chixe anyix kople chixe ku zongto thaile lükya oli chemchu mamok.”

1 SAMUEL 20:3

Ikoxlechu Dawid-e lan, “Nange ku to chemtukux akhüix tüipuix ija hünpae awan ngopu, ilaxle chixe ile mok ang aziakya mwot nang hama chiwün angkya chix mong ma Tüile ngole, chemthüikoxle chix mwottho ibu nange jangtsing thüiningle nang mongto huanuma kaküi. Kue ozün ma tüikya Zang mün ma nang hama akaxpu, athax ku ziüima chikap tuita wüi!”

1 WANGHOMBU 12:26

Chixe chix füi alüile akax: “Athax ile changle, ku khünakbu Jerusalem to ka üntoxle ikhato Jowanpa ang tö koxle jangchang, hwome Judah wanghom Rehoboam füi nokmüile changüi ilaxle hwome ku a langle awütüi.”

1 WANGHOMBU 12:28

Chixe Ibibile ajangle tsuakkya füima, chixe hun makhange maihupongsa anyi zing ilaxle chix khünaknu ang thüi: “Hünzom a zangshwom ang Jerusalem to müimamale tsailo to ka ngole. Israel khünaknu, Ijip nok tokya hünzom alaile apüikya baozangbu ikhama tüile, hulax!”

1 WANGHOMBU 19:3

Elija tüle za, ilaxle chix khangkhom ang pao. Chixe chix dapa laxlaxle Judah ang Bersheba to pao.

2 PUKAX-PANGAO 25:17

Wanghompa Amaziah hia chix nguawang hwome Israel nok zan to ka angkya olom zing. Ifüima chixe Israel nok wanghompa Jehoash hato azan angkya tsiakle kaxho tuita akat. Jehoash a Jehoahaz sasün, Jehu susün changkya.

MÜNCHUAK-TSAI 55:7

Ku ochu to pile paolaxle ku hom sak-hax sung to zingsedai. Selah