1 SAMUEL 26:8 - OTSAO BAIBEL (BSI)

⁸ Abisai-e Dawid ang thüi: “Apa, Zang-e nang zanpa nang chak to koxdaoa. Kue chix pax füi wüi chix to hax ma adangle tople amyen fang, obiobi ma topngo angkya münchang ikoxle tamfang ma wüi tsuaküi.”

1 SAMUEL 26:8 ပူးပေါင်းရင်းမြစ်များ

1 SAMUEL 24:4

Hwome chix ang thüi: “Ija a nang hanpak changle! Nang zanpa nang chak to dong angkya ilaxle chix to nang mong atsutsu ma hwon angkya Jowanpae nang füi akaxdaoa.” Dawid-e zuile nguilaxle, Sol-e chitsingtoxle chix nyitua zütle pao.

1 SAMUEL 26:23

Mongong füi tüikya hia otsao khünakbu ang Jowanpae hingho fale. Anyix chixe nang ku chak to koxpu, ikoxlechu kue nang to chemchu chithüi: chemthüikoxle nang a tuita Jowanpae zingkya wanghompa changle.

1 SAMUEL 23:14

Dawid a haxhua nok tokya Zif zui angkya faonu mongto azwonle ngo. Sol-e jento chix kop ang azong, ikoxlechu Zang-e Dawid a chix chak to otuechu chidan.

KAXFÜNPA-HWOM 1:4

Judah homjen zan to tomwüi ka. Jowanpae hwom ang Kanan nok hia Peri nok to lüt ang tom, ilaxle hwome Bezek ma 10, 000 khünaknu to lüt.

JIHUSUA 21:44

Hwom pupa hwom ang tsaodaokya ningle, Jowanpae hwom ang haxtok pangnu khato wüi tumüi-lomkhao le ngo ang tom. Hwom zan-nokbu tuita ngaxchu hwom füi alünle zongpan ma ajong ang chitho, chemthüikoxle Jowanpae Israel nok ang zan-nok pangwüi to lüt ang tom.

TSAITONG-KAXTONG 32:30

Tutae hajat to büthüikoxle lüt ang tho? Hajat bün to mixhuak anyie büthüikoxle lüt ang tho? Jowanpa, hwom Zang-e hwom dandao koxpu; hwom Khüthak Zang-e hwom chilaxle awütdaoa.

ROM NOK HATO ZAKYA POL LAIZA 11:32

Chemthüikoxle hwom pangnu hato wüi chixe chingcha aho angkya kuxma, Zange khünaknu nok wüi kax ma chilaxkya kople thomkyabu ang achangle.

NAHUM 1:9

Nange Jowanpa zongto chichangle chemmok ngo? Chixe nang amütüi. Tam wüi chichangba owaechu ito nüile chix füi chialat.

MÜNCHUAK-TSAI 31:8

Nange ku zanpabu ang ku kop ang chitom; ku mong atsutsu khato aham angkya nange ku ang mongtex panpu.

1 SAMUEL 26:7

Idaile ija wün Dawid hia Abisai nyi Sol pom to nop. Sol ang osungkha angkya pom ma, khangkho ma pax pütlaxle jiple tüikya. Abnar hia süpahibu a chix akhople jiple tüikya.

1 SAMUEL 26:9

Ikoxle Dawid-e thüi: “Nange chix to chakmokle münchangüi! Chixe kamle kopkya wanghompa to chakmokle changkya khünak to Zang-e sikngün ang tomüi.

2 SAMUEL 16:9

Abishai, owa honu Zarüiah changkya hex, chixe wanghompa ang thüi: “Wanghompa, chuja hia ang nang to büthüikoxle thuakzomle chang ang tompu? Ku ikhato hüilaxle chix khang düt-hax!”

JEREMIA 40:15

Ifüima huxsa ma Johanan-e chix füi akaxle thüi: “Ku pao üntoxle Ishmael langle awüt fang, ile changkya owa mwot hex owaechu münawanüi. Chixe nang büthüikoxle lang ang shan angkya? Ile jangchang thüiningle nang zui ma asoxle ngokya Judah khünakbu pangwüi afale paoüi, ilaxle ijae Judah haxtok ma danle toxkya khünakbu hato thama-thomshix apüikya ang changüi.”

1 SAMUEL 24:5

Ikoxlechu Dawid tutex e Sol ang mongsikangün angkya,