1 SAMUEL 26:23 - OTSAO BAIBEL (BSI)

²³ Mongong füi tüikya hia otsao khünakbu ang Jowanpae hingho fale. Anyix chixe nang ku chak to koxpu, ikoxlechu kue nang to chemchu chithüi: chemthüikoxle nang a tuita Jowanpae zingkya wanghompa changle.

1 SAMUEL 26:23 ပူးပေါင်းရင်းမြစ်များ

MÜNCHUAK-TSAI 62:12

üntoxle chix mongkün a ojem chifünkya mongkün changle. Jowanpa, nange nang lualuale, pangnusa angwüi ma mwot ma thütle hingho fale.

NEHEMIA 13:14

Nang Zangshwom-Hom hia ija zangshwom bama kue mokkyabu mong ma koplax, ku Zang.

1 WANGHOMBU 8:32

O Jowanpa, zangkangting tokhange apahüi ilaxle nang dabu bama kaxfün fahüi. Chix ma asukya ningle thaikya mix to sikangünkox, ilaxle chithaikya mix a sukya ang achang kox.

1 SAMUEL 26:11

Chixe wanghompa ang zünle kopkya khünak to kue chakmok-janlangle chang angkya Jowanpae ku abaxhüi! Kemepi chix paxlo hia tipe lanlan laxlax toxhax.”

1 SAMUEL 26:9

Ikoxle Dawid-e thüi: “Nange chix to chakmokle münchangüi! Chixe kamle kopkya wanghompa to chakmokle changkya khünak to Zang-e sikngün ang tomüi.

1 SAMUEL 24:12

Künyi opupu thaipuix, Jowanpae tix fünle naxfa. Nange ku zan to kale ngokya bama Jowanpae nang towüi sikangünle naxchang, chemthüikoxle kue nang to oma ikuxsa ngaxchu mokle münchang.

1 SAMUEL 24:18

Anyix nange ku zongto nang chemtukux müipuix ija ahodaoa, chemthüikoxle Jowanpae ku nang chak to koxdaokya ngaxchu nange ku chilangle toxpu.

1 SAMUEL 24:19

Khünake ma zanpa koplaxle chilang homtoxle obima danle apaodaopu? Anyix nange ku to chem mokdaopuix ija bama Jowanpae nang to mohimanle naxchang!

1 SAMUEL 26:22

Dawid-e lan: “Wanghompa, nang paxlo ikhama tüile. Nang khünak tuita ahüilaxle ija paolax.

2 SAMUEL 22:21

Jowanpae ku ang hingho kox chemthüikoxle kue chem supuix ijaja mok; ku ma oma chemchu chitüikya khoma chixe ku to mohiman.

1 SAMUEL 24:11

Hulax, apa, ija ku chak angkya nang nyitua to hule koplax! Kue nang lang ang tsuakse ikoxlechu isa nyitua zaza zütle laxwüi. Ija ngünlaxle, ku mongto nang zan to kakya chemchu müntüi chichangba nang fün ama ang tungkya ku ma oma chemchu müntüile nange tsingle naxkop. Nange ku a langtom tata lang ang tungle ngopu, ikoxle ile nang mong amakya li oma mwot kue chemchu chimok.

2 SAMUEL 22:25

Ilaxle kue supupu mokle changkya khoma chixe ku to mohiman, chemthüikoxle ku ma oma chemchu müntüile chixe awan.

JOB LAIPEX 34:11

Hwome chemle mokpuix ija hingho chixe khünaknu ang koxle, ilaxle hwom to chemle hwonsehex ile hwonle.