1 SAMUEL 26:21 - OTSAO BAIBEL (BSI)

²¹ Sol-e lan: “Ku thaidaoa, Dawid, kusa; nang chat-hüi! Kue nang to otuechu chakmok-janlangle münchangpu, chemthüikoxle awün nange ku lang tsuakse pa khosünpu. Ku a müimamale ngadaoa! Kue tüle oma-oshix mwot chimokfang mokle jao changdaoa!”

1 SAMUEL 26:21 ပူးပေါင်းရင်းမြစ်များ

1 SAMUEL 24:17

Ifüima chixe Dawid ang thüi: “Nang wüi supu, ikoxle ku wüi thaipu. Kue nang zongto chimüikya ipongpongle mokkox ngaxchu nang a ku zongto ipongpongle müipu!

1 SAMUEL 15:24

Sol-e lan: “Changle, kue ochax lyenle changdaoa. Kue Jowanpa kaxtom hia nange adangle fakya kax ma chilaxle tüidaoa. Ku a, ku khünaknu thua zalaxle hwome chemle thüipuix ile mokle ledaokoxa.

LAIPAO 9:27

Wanghompa-e Mosa hia Arun nyi sele apüi ilaxle akax: “Izuma kue ochax lyendaoa; Jowanpa wüi sule. Ku tamchu ku khünakbu thaidaoa.

MATHI 27:4

ilaxle chixe thüi: “Thaikya chitüikya mix khohang laxle lang ang koxkya bama kue ochax lyendaoa.” Hwome lan: “Kwome ija paktik ngo angkya chem mwot tüi? Ija a nang mwot!”

1 SAMUEL 15:30

Sol-e lan: “Kue ochax lyendaoa. Ikoxlechu Israel nok lompabu hia khünaknu tuntho to ku to e-sele chang koxle müise. Ku füi tomle chat-hax ilaxle ku ang Jowanpa nang Zang to shwomtole chang ang koxhüi.”

MÜNCHUAK-TSAI 116:15

Chemtue chix khünak tuita zile paopuix, ijae Jowanpa mongto chemtukux kakpuix!

MÜNCHUAK-TSAI 49:8

khünak khüzün otha a namhuanu changle. Keme chem koxpuix ija chemtuechu mün-nguitoxüi

1 SAMUEL 27:4

Chemtue Sol-e Dawid a Gath to paoünatale atatpuix, chixe atumle ngokya dan.

1 SAMUEL 26:24

Kue anyix nang chilangle chemle azünpuix, ilailaile Jowanpae zikmüt-mangkho pangnu chak tokya ku khosünle thom hüi.”

1 SAMUEL 18:30

Filistia nok süpahibu nguilaxle azanüi ikoxlechu azankya foto Sol süpahibu füi Dawid-e wüi tüle tho. Ikhoma Dawid mün a sisile zangle pao.

HUAKE LAIPEX 22:34

Balam-e lan: “Ku a thaidaoa. Ku lomtsyen ang nang ku lomtang ma ajongle ngoünpuixle kue chitsing kha; ikoxle athaxchu ku ija lom tole angkya nang zongto thaikya jangchang thüiningle, ku a hom towüi shong-chatüi.”

1 SAMUEL 26:22

Dawid-e lan: “Wanghompa, nang paxlo ikhama tüile. Nang khünak tuita ahüilaxle ija paolax.

MÜNCHUAK-TSAI 72:14

Mixe afangle thomkya hia chakmok-janlangle changkya chak tokya chixe hwom khosünle kople; chix zongto hwom khüzün a thalix changle.

1 SAMUEL 13:13

Samuel-e lan: “Ile mokkya ija a ongat mwot. Nange Jowanpa nang Zang-e koxkya kaxtom kax ma münlax. Nange chix kax ma laxkoxba, nange tamchu nangsix-nangli hwome Israel nok thakma jento apün-awangle ngose.

2 WANGHOMBU 1:13

Anaole chu lompa azom lükya mama mixsün 50 füi tsanle apao. Ija mixsün haxkho to dong ilaxle Elija hato nguilaxle chikux thongle akhux ilaxle chingcha jule akax: “O Zang khünak, kue nang ma chingcha jule thüipu, ku khüzün tamchu nang thothale ngokya khünak ibu 50, kwom pangwüi nang tunthoma thalix ang naxchang.

2 WANGHOMBU 1:14

Hulax, zangkho tokhange wün düt laxle owang pongma hüikya 50 khünaknu thakma akhokya lompa anyi, hokhie apün laxle ngokya khünakbu füi tomle noknusa mik maxle changdaoa; ikoxlechu athax nang tunthoma tüikya ku khüzün to chingcha hüimi.”