1 SAMUEL 26:19 - OTSAO BAIBEL (BSI)

¹⁹ Wanghompa, kue akaxse ku kax to tam apahüi. Nang ku zongto zan ang achangle paokya Zang tokhange jangchang, tö koxkya makhange chix mong alüix ang tsuaküi, ikoxle khünakbue alop-alüikya jangchang, Jowanpa thuakzom hwom hato naxhüikox, chemthüikoxle Jowanpa haxtok angkya hwome ku mixnok chaxwan to jwonle apaopu, ilaxle mixnok baozangbu to shwom angkya chifün ma ku asam thompu.

1 SAMUEL 26:19 ပူးပေါင်းရင်းမြစ်များ

2 SAMUEL 20:19

Hwom tingnu a tüle chongkya tingnu tuita changpu. Ija a Israel haxtok ma tumüi-lomkhaole hüikya tingnu tuita. Nange ija chem hanpakma amüt ang azongpu? Nange Jowanpa chem hex ija amasele tsupia?”

2 SAMUEL 16:11

Ilaxle Dawid-e Abishai hia chix nguakax-wangkhobu ang thüi: “Ku a ku sasüne lang ang tungle ngopu; idaile ija khoma hünzome Benjaminbu büthüikoxle abüt angkya? Jowanpae chix ang thuakzom angkya akaxpu; idaile chix to chemchu chithüile chix tata dantox dao.

2 SAMUEL 14:16

Ija daile nange ku kax to apaüi ilaxle ku sasün kukhi langlaxle Zang-e chix khünaknu ang koxkya haxtok angkya kukhi apao ang atumle ngokyabu chak tokya kukhi azünüile thütpu.

MÜNCHUAK-TSAI 120:5

Hünzom khato ngokya a Meshek ma ngokya tukuxle male chichangba Kedar nok khato ngokya tukuxle male,

1 PUKAX-PANGAO 21:1

Haxshix-e Israel khünaknu hato tingtui apüi angkya mongtsu, ilaxle chixe Dawid ang khünak huak akiakle chang angkya mongkho adünle kox.

1 SAMUEL 18:10

Ofüi-nyix allele haxshix chasae Sol kop ilaxle chix hato ongat hüile homkha ma tutubaole ngo. Zangjang to angao ngokya lailaile Dawid-e klingkingkong angaole ngokya ilaxle Sol a pax twonlaxle ngole tüikya.

PONGWANG LAIPEX 8:21

Chemtue Jowanpae ija ongan müikya atumle laxpuix, chixe chix mongto thüi: “Khünak khoma hexle kue tamchatle haxtok to thuakzomle münchangüi; chemthüikoxle khünak mongjang a chix naosün ma tüitan tokhange wüi ochax changle. Kue hwondaokya ningle tamchatle ozün ma tüikya zünmok max ang müntomüi.

2 TIMOTHI 4:14

Janthup mix Alekjendar-e ku to chisumüile hwonle; chixe mokdaokya lailaile chix ang Zange hingho fa angkya changle.

GALATIA 5:12

Hünzom to tingtui adün ngokyabu hwom lualua le ma lailai to naxzüt ngokox!

ROM NOK HATO ZAKYA POL LAIZA 14:15

Nange sütli tuita makhange tüinao mong aduak ang jangkox thüiba, athaxpi nang zanglom ma mongküne lomzunkya müntüi. Chix khoma hexle Khrista ma zikya khünak tuita tsün nange saxkya süt makhange taxama!

ISAIA 60:5

Hünzom ija ngün ang kopüi ilaxle mongmüi atungle changüi; Zongbakle mongmüikyae hünzom asuaüi. Chaxwannu nok angkya tuinabu hünzom hato apüiüi; Molo-Tinubu akaile hwom okop-olwotbu nguile hüiüi.

WANWÜNKAX 30:10

Nange dabu chimüikya mo hopupa hama taxwün. Ija bama nange othuak-ozom hia sikngün apong lang a.

1 WANGHOMBU 22:22

Jowanpae atüi: ‘Ija chemle?’ Ikoxle chasae lan: ‘Ku paolaxle Ahap ajebu pangwüi ang othai aje ang tomüi.’ Jowanpae thüi: ‘Paokox üntoxle chix dyenkox. Nange thoüihex.’”

2 SAMUEL 24:1

Mama tukechu Jowanpa ang Israel nok füi mongtsik, ilaxle chixe Dawid makhange hwom hato tingtui apüi angkya tsan. Jowanpae chix ang thüi: “Paolax üntoxle Israel hia Judah angkya khünak huak akiakle changkox.”

1 SAMUEL 25:24

Dawid chitong to nguakle hüi, ilaxle chix ang thüi: “Alixachong, chingchajaja laxle ku zangwün to shong-apahüi! Münma bakle kue laxüi.

LIWI 26:31

Kue hünzom tingnubu amaüi, ilaxle hünzom zangshwom nuibu wandangjale toxüi; athax kue hünzome koxkya ongan müikya tö münatumüi.

PONGWANG LAIPEX 44:18

Judah-e Jusep hato soxlaxle thüi: “Alixachong, chingchalaxle kue nangfüi bakle wün ang tomhüi. Ile thüiündai le ku füi taxpuakünfa; nang hex, wanghom hex, tuitata wüi jangwüi a.

1 SAMUEL 24:9

ilaxle thüi: “Kue nang lang ang tungle ngole le khualopkyabu kax ma nange büthüikoxle laxpu?

1 SAMUEL 27:1

Dawid-e chix mongto alüile ajangle lax: “Sol-e ku a ibama tütangai thüichu lang angkya changa. Ku zongto sümüikya a Filistia nok to paole azang angkya wüi changle. Ifüima Israel haxtok ma Sol-e ku lomkya zakle shuüi ilaxle ku a azangle ngoüi.”

2 SAMUEL 21:3

Ikhoma Dawid-e Gibeon nok pangwüi sele asox ilaxle hwom ang thüi: “Kue hünzom hanpak ang chem mokle fase dai? Kue hünzom zongto thaile mokdaokya thathomle changse tsule, ikoxtix hünzome Jowanpa khünakbu to mohimanle changüi.”

HUAKE LAIPEX 36:7

Israel nok tuina a ma homjen chakchak towüi ngo angkya oli.

HUAKE LAIPEX 36:9

ilaxle ija tuina a homjen tuita angkya ata homjen to tailaile münpaoüi. Homjen pangwüi ma tuinana mantswonle ngoüi.”

TSAITONG-KAXTONG 13:3

chix zangwün to natha angkya oli münchang. Jowanpa hünzom Zang-e chix a hünzom to thwontsing ang, hünzome chix to mongpak-fünthole mongkünkya changchale awan ang twonwüi.

2 SAMUEL 16:10

Wanghompa-e Abishai hia hotüi Joap hokhi ang thüi: “Ija a hünkhi mwot münchang. Jowanpa kax khoma chixe ku to thuakzomle changkya jangchang, ile büthüikoxle thuakzompule owae satsuak angkya?”

MÜNCHUAK-TSAI 20:4

Nang mong ma sungkya chixe nang ang naxfakox, ilaxle nang katzua pangwüi tsuakle le ang naxtomkox.