1 SAMUEL 25:39 - OTSAO BAIBEL (BSI)

³⁹ Chemtue Dawid-e Nabal zikya zing atatpuix, chixe thüi: “Nomfui, Jowanpa; ku ajaokya khoma chixe Nabal to olüix khomdaoa ilaxle chix dapa kue thaile mokse pa abaxdaoa. Jowanpae Nabal to chix ochax khoma sikangündaoa.”

1 SAMUEL 25:39 ပူးပေါင်းရင်းမြစ်များ

WANWÜNKAX 22:23

Ija tsetwon-zangwün ma hwom khosele Jowanpa ajongüi ilaxle hwom to aza-anale changkyabu to chixe aza-anale changüi.

1 SAMUEL 25:34

Nang to chakmok-janlangse pa Jowanpae ku abaxdaoa. Ikoxlechu kue ozün ma tüikya Israel nok Zang münma tsaosaxkya kax akaxpu; nang akhangle chihüi thüikoxba anop zangngai thoma wüi Nabal hia chix khünakbu pangwüi mang ang achangle bangse!”

1 SAMUEL 25:26

Nang zanpabu to jannong chialüile nang khosünle thomkya a Jowanpa changle. Ilaxle kue tsaosaxle thüipu, nang to chakmok janlang ang tungle ngokya nang zanpabu to Jowanpae Nabal lailaile sikngün apong ang tomüi.

MÜNCHUAK-TSAI 7:16

Ikhoma chichang-chizangkya ma mwote hwom to alüile sikngün fale ilaxle changnong-pünthomle tüikya hwom mwote hwom to mak-khale.

1 WANGHOMBU 2:44

Nange apa Dawid hanpakma thaikya mwot chempang mokdaolaxpuix kue bakle awan ngopu. Ile changkya hanpakma Jowanpae nang to sikngün ang tomüi.

1 SAMUEL 25:32

Dawid-e she ang thüi: “Anyix nang ku füi apong ang owae tsanle ahüilaxpuix, ija Jowanpa, Israel nok Zang achuak kox!

1 SAMUEL 24:15

Jowanpae kaxfün faüi, chixe künyi opupu thaipuix ija bama chixe zünüi. Zangwün tsaitong-kaxza to chixe hulaxle, nang chak tokya chixe ku khosele tamchu khosünle naxchang.”

2 TIMOTHI 4:18

Üntoxle Jowanpa-e ku chisumüikya pangnu chak tokya azün ilaxle zangkangting wangting to chixe ku sünle kopüi. Fuazangkya a othuithuima chix kux wüi naxchang! Amen.

1 THESALONIKA 5:23

Pangnu lom ma hünzom otsao ang achangle Zange kwom ang mongsom naxfa ilaxle hünzom ozün komle, thüikoxle chasa khüzün tamchu tsangtsa pangnu, Jowanpa Jisu Khrista nguipongma othai lili füi atsaile sünle thomüi.

MIKA 7:9

Keme Jowanpa zongto ochax lyendaoa, ikhoma keme noxtakya hanpakma keme kem füikya chix mongtsik adu angkya changle. Ikoxlechu oshuk ma chixe kem kho-awaüi ilaxle kem to thaile mokdaokyabu pangwüi achangle zingüi. Chixe kem zangngai to alaiüi; chixe kem khosünle kopkya ngün ang kem ozün ma ngoüi.

TSAITAX-NGAONÜI 8:8

Kwom ang kwom nao naocha tuita tüile, ilaxle she tsom-sax athaxchu hixtan. She hanpakma kwome chem moküi, she füi ashemsele naosün tuita namhüiba?

WANWÜNKAX 31:30

Jik-naikya a odyen changpu ilaxle sünmüi samdao angkya, ikoxle Jowanpa achuak-achenle tüikya mixcha a achuak angkya wüi.

WANWÜNKAX 31:10

Mwt-tsuakkya kakonu atak ang chemtukux tsakpuix! Iningkya mixcha a thalix likwün füi ngaxchu achongkya changpu!

WANWÜNKAX 19:14

Khünak tuitae manu-mapa angkya hom-hax hia ngunsyen mantswonle chang ang tsuak, ikoxle chix ang künkho-mongkho nguikya kakonu a Jowanpae tix fatsuakle.

WANWÜNKAX 18:22

Kakonu atatkya a nange müikya oli atakpu; ijae Jowanpa a nang zongto müikya ahopu.

ESTAR 7:10

Ikhoma Haman a chixe Mordekai lang angkya hanpakma zingkya dangzembu ma afünle lang. Ile tix wanghompa ang mongtsik dang.

KAXFÜNPA-HWOM 5:2

Jowanpa achuak kox! Israel khünaknu a zan to ka ang mongtsu; khünaknu mongtsutsule zan to ka ang lai.

2 KORIN 13:7

Wangshempa tuita ningle ku thaile ngoünkoxlechu naxchangkox; othuithuima ku zangjop a hünzome thaikya chimok angkya hanpakma changle. Hünzom hanpak to ku tutex a, ku mikngün zongto tholünkya ningle chichangle hünzome sukyakya naxmok le changa.

1 SAMUEL 25:40

Chix dabu Karmel to kalaxle Abigail füi akax: “Dawid-e nang a chix kako ang laxlaxle chat-hüile akatpu.”

1 SAMUEL 26:10

Kue ozün ma tüikya Jowanpa mün ma thüipu, zikmüi-kualo ma wüi changlax chichangba zanhok ma wüi changlax, Sol a Jowanpa chak fang ma tix lam angkya changle.

2 SAMUEL 1:16

ilaxle Dawid-e ija Amalek sün ang thüi: “Nange alüile ija thama lomle laxlaxpu. Nange Jowanpae kamle laxkya wanghompa ma chak füi langpule thüipongma wüi nange nang tha ajaodaoa.”

ESTAR 9:25

Ikoxlechu Estar wanghompa hato ngui, ilaxle wanghompa-e kaxtom koxle laiza afan. Ija laiza makhange, chixe Judah nok mik-amüt ang tungkya khoma Haman-e mik max angkya atak ilaxle sasün hwom a dangzembu ma afünle lang.

MÜNCHUAK-TSAI 9:5

Songsari khünakbu tha nange ajaole üntoxle chichang-chizangkya khünakbu nange olithule; hwom a tütuechu texle chiatakle alakle.