1 SAMUEL 25:28 - OTSAO BAIBEL (BSI)

²⁸ Alixachong. Chingchalaxle ku thaikya alak-hüi, kue tütali ma thaile jangmok dao thüininglea. Jowanpae nang a wanghom ang achangüi, ilaxle nangsix-nanglibu chuwüi achangüi, chemthüikoxle nange chix hanpakma azanle hüipu, ilaxle nang ma ochax chemchu chimoküi, nang tsüntsün ma nang a tsaothale ngoüi.

1 SAMUEL 25:28 ပူးပေါင်းရင်းမြစ်များ

1 SAMUEL 18:17

Ifüima Sol-e Dawid ang thüi: “Ku sacha nüchongnu Merab ima tüile. Nange tuita mongchongkya mix tamchu kax ma laxkya süpahi tuita ningle ku thotha laxle Jowanpa hanpakma achax-azanüile mongtsukya ningle kue ku sacha nang kako ang koxüi.” (Sol-e chix tomtatae chilang homtoxle Dawid a Filistia nok zan to amüt angkya hanpakmale ile atsing.)

1 PUKAX-PANGAO 17:25

Kue nang to ija zangjop jop ang mongchongpu, Ku Zang, chemthüikoxle ibu pangwüi nange nang dapa hama ngaile ahodaoa, ilaxle nange kusu-kusa hwom wanghom ang achangle ngo angkya akaxdaoa.

1 SAMUEL 24:11

Hulax, apa, ija ku chak angkya nang nyitua to hule koplax! Kue nang lang ang tsuakse ikoxlechu isa nyitua zaza zütle laxwüi. Ija ngünlaxle, ku mongto nang zan to kakya chemchu müntüi chichangba nang fün ama ang tungkya ku ma oma chemchu müntüile nange tsingle naxkop. Nange ku a langtom tata lang ang tungle ngopu, ikoxle ile nang mong amakya li oma mwot kue chemchu chimok.

1 WANGHOMBU 9:5

kue hünpa Dawid füi tsaosaxkya pangwüi otya ma thomüi ilaxle Israel haxtok a chix sixli hwome apünle ngo ang tomüi.

2 SAMUEL 7:16

Nang ang jento sixlibu tüile ngoüi, ilaxle kue nang wangting a oshuk chitüile tsünlole ngo ang tomüi. Nang wangting ma oshuk müntüiüi.’”

KAXHO MÜIKYA LUK 23:47

Süpahi akhokyae, chempangle changpuix ibu ngünlaxle Zang mün achuakle thüi: “Otsingtsingma chix a sukya khünak wüi changdaoa.”

KAXHO MÜIKYA LUK 23:41

Üntoxle künyie nang olom ma koplaxpu; chemthüikoxle künyie nang künyie mokdaokya tha thompu. Ikoxle ija mixsüne thaikya mwot chemchu chimok.”

MATHI 5:16

Ija lailaile nang zangngaie khünaknu to nyan ang laxkox; ikoxtix hünzom mwot müikya ngün ang koplaxle hwome zangkangting tokya Apa mün achuaküi.

MÜNCHUAK-TSAI 89:29

Zangding ningle chix wangting a othuithuima ngoüi; ilaxle chix su-sa hwom khakha angkya wüi wanghom ang ngoüi.

1 WANGHOMBU 15:5

Hit nok Uriah bama thaikya boboma Dawid-e pangnu lom ma chix mong amüile chix kaxtombu kax ma laxle mok.

2 SAMUEL 7:27

Khüthak Jowanpa, Israel nok Zang! Kue ija zangjop jop angkya to mongchongle, chemthüikoxle nange ku nang dapa hato ibu pangwüi ngaile aho, ilaxle nange, ku su-sa hwom wanghom ang achangüihex-ole thüi.

2 SAMUEL 5:2

Ami kwom wanghompa ang Sol pongma Israel nok zankat lom nange azuile hüipu ilaxle nange chix khünaknu azüi angkya tamchu hwom thakma apün-awang angkya Jowanpae nang füi tsaole thompu.”

1 SAMUEL 25:24

Dawid chitong to nguakle hüi, ilaxle chix ang thüi: “Alixachong, chingchajaja laxle ku zangwün to shong-apahüi! Münma bakle kue laxüi.

1 SAMUEL 24:17

Ifüima chixe Dawid ang thüi: “Nang wüi supu, ikoxle ku wüi thaipu. Kue nang zongto chimüikya ipongpongle mokkox ngaxchu nang a ku zongto ipongpongle müipu!

1 SAMUEL 17:47

ilaxle chix khünaknu khosün ang Jowanpae chang hia pax laxle ngo angkya chem mwot müntüi, le ikha angkyabue awan ang kopüi. Zan pangnu to chixe wüi lütpu, ilaxle athax hünzom pangwüi chixe kwom chak to kox angkya changle.”

1 SAMUEL 15:28

Samuel-e chix ang thüi: “Jowanpae anyix nang chak angkya Israel nok wangting akyetle changdaoa ilaxle ija wangting a nang füi sümüikya khünak owawa chak to koxle changdaoa.

2 PUKAX-PANGAO 20:15

Jehaziel-e thüi: “Wanghompa tamchu Judah hia Jerusalem ma ngole tüikya nang khünaknu, Jowanpa thüile, hünzom a müimamakya süpahi changle le chiza angkya chichangba abüt-abanle chichang angkya akaxle. Azankya a Zang füifüi changpu, hünzom füifüile münchang.

1 SAMUEL 2:35

Kue ku nguapa ang ku to mongong thomkya khünak zünle laxüi ilaxle ija khünak ang ku mongtex mwot mok ang tomüi. Kue chix ang osix-oli faüi; ibue kue zünle kopkya chongwangpa chitong ma jento chix thothale changüi.

1 SAMUEL 22:14

Ahimelek-e lan: “Nang ma tüikya nguakax-wangkhobu khama mongong tüikya füi mokkya nguakax-wangkho tuita a Dawid changle! Chix a nang nomsün jaojao, nang nyetmixbu khama lompa ilaxle wanghom khwa ma noknusa chazale achuakkya khünak tuita.

1 SAMUEL 24:4

Hwome chix ang thüi: “Ija a nang hanpak changle! Nang zanpa nang chak to dong angkya ilaxle chix to nang mong atsutsu ma hwon angkya Jowanpae nang füi akaxdaoa.” Dawid-e zuile nguilaxle, Sol-e chitsingtoxle chix nyitua zütle pao.

1 SAMUEL 30:26

Chemtue Dawid a Ziklag to chatle changpuix, chixe kopkya tuina ahanlaxle Judah nok angkya lompa chix zuikhuibu hato ija kaxho füi khünak akat: “Jowanpa zongto zanpabu ang ngokyabu chak tokya kwome pale kopkya tuina ibu a hünzom ang tuita hingho ningle ibu akatpu.”

MÜNCHUAK-TSAI 7:3

O Jowanpa, ku Zang, kue owawa zongto thaile jangchangdaoba, kue zuikhui owawa jangdyendaoba chichangthüiba chemtsai-chemkax chitüi khato kue ku zanpa — owawa zongto changnong-pünthomle jangtüidaoba kue ibu tuita ngaxchu mokle jangchangdaoba:

HUAKE LAIPEX 23:21

Israel khünaknue füichima Shoma hia sikngün münapongüile kue ngünle tsuakle. Jowanpa hwom Zang a hwom füi tüile; Hwome chix a hwom chongwangpa changpule khuapule.

1 SAMUEL 24:21

Ikoxle ku tamchu ku sixlibu mün owüiole amütle chichang angkya hanpakma, nange hwom max ang müntompu le Jowanpa mün ma tsaofa.”

1 SAMUEL 29:3

Filistia nok lompabue hwom ngün ilaxle atüi: “Ebu Ibri khünakbu ikhato chem mokle ngo?” Akish-e lan: “Ija a Dawid, Israel nok wanghompa Sol nguakax-wangkho tuita changkya. Chix a ku füi sükaile wüi ngole hüikya changle. Ku hato nguile hüikya nyix makhange chixe anyix kople chixe ku zongto thaile lükya oli chemchu mamok.”

1 WANGHOMBU 15:3

Chixe chuwüi hopa lailaile ochax lyen ikoxle hopu Dawid lailaile chix Zang Jowanpa kax ma laxle chitüi.