1 SAMUEL 25:10 - OTSAO BAIBEL (BSI)

¹⁰ ilaxle oshuk ma Nabal-e lan: “Dawid o? Chix a owa? Kue chix mowün otuechu ma-atat! Anyix-ngainyix chaxwan a paole samkya dabue awangle tüile!

1 SAMUEL 25:10 ပူးပေါင်းရင်းမြစ်များ

KAXFÜNPA-HWOM 9:28

Gale thüi: “Kem Shekem ma tüikya chemningkya khünakbu hex? Kem omalax ang Abimelek thotha ngopu? Kem zongto chix a owa changkya? Gideon sasün a! Ilaxle Zebul-e chix ma tsaiju-kaxjule, ikoxlechu keme omalax ang chix thothale chang angkya? Hünzom putong Hamor, owae hünzom homjen zingle alaipuix, chix tong wüi chitoünkoxma!

ISAIA 32:7

Ongat-ongüi khünak a ochax khünak changle ilaxle ochax mwot mokle; chixe atsele zangwünkya füi chitüi-chinang khünak tha ama angkya olom zingle ilaxle ibu ang hwom süntswon kop ang chitomle tsyenle.

ISAIA 32:5

Ongat mix achuak-achen angkya chichangba tselop mix sukya ang lax angkya owa mong tochu münthütüi.

HWON-NWOT-JAONO 7:10

“Tütalichu kaipongma wüi sümüile büthüikoxle changpuix?”, le atüikya a ongat. Ija a je füikya kaxtik münchang.

1 WANGHOMBU 12:16

Chemtue khünaknue, wanghompa-e hwom zangwün to na münthaüile ngünle laxpuix, hwome akhongle thüi: “Dawid hia chix homkha athaidao! Hwome kem hanpak ang chem alanle fadao? Israel khünaknu mahom-hom to fanhax! Rehoboam-e chix mo chixe alüile naxwünkox!” Ikhoma Israel khünaknu wanghompa füi apüile ajong,

2 SAMUEL 20:1

Gilgal ma, Benjamin khünak Bikri sasün Sheba le amünkya chilaxli khünak tuita tüikya. Chixe nyazong müt ilaxle akhong: “Dawid athaidao! Kwom chix füito münazui! Israel khünaknu, khax-a, hom to chatlax!”

1 SAMUEL 22:2

Mix fang to ngokya hia thashe füikya tamchu otuechu mongzom chimüi toxkya khünakbu chix hato ngui, pangnu athüt koxle hwom ho-ali khünak, ilaxle chix a hwom lompa ang achang.

1 SAMUEL 20:30

Sol ang Jonathan füi mong huanuma tsik ilaxle thüi: “Hünnu a mongong angkya jao chimüile tüikya! Nang süisu-süisa! Nang a Dawid chima selaxle nang lualua to hünnu hünkhi thajao-wünhai ngopu!

LAIPAO 5:2

Wanghompa-e atüi: “Jowanpa a owa? Kue büthüikoxle chix kax ma lax üntoxle Israel khünakbu danle apao angkya? Kue Jowanpa mün müntsing; ilaxle kue Israel khünaknu pao ang müntom.” Ile wanghompa ang mongtsak.

1 SAMUEL 25:9

Dawid kaxhomixbue Nabal hama Dawid mün ma ija kaxho kox. Ifüima hwom ikhato tanle nui,

WANWÜNKAX 15:1

Zingmüi kaxlane mongtsik adangle, ikoxle kaxza zongkyae sisile mongtsik alaile.