1 SAMUEL 24:9 - OTSAO BAIBEL (BSI)

⁹ ilaxle thüi: “Kue nang lang ang tungle ngole le khualopkyabu kax ma nange büthüikoxle laxpu?

1 SAMUEL 24:9 ပူးပေါင်းရင်းမြစ်များ

WANWÜNKAX 29:12

Apün-awangkya khünak tuitae kaxthai zangwün to mongkoxle jangchang, chix nguakax wangkhobu a othaibu ang changüi.

JAKOP 3:6

Le a tuita wün ningle changpu. Kem mik-chak khama le a tuita chitsaokya chongkya changle. Ijae tsangtsa komle chitsaokya ang achangle, ilaxle tsünpo ma jao wün alaile tamchu ija to haolum e wünnu adün ang tomle.

WANWÜNKAX 26:28

Owawa mongto kakkoxkya a chix thua anukya changpu. Khohangle zangwünkya a chix amüt ang tungkya changpu.

WANWÜNKAX 25:23

Shuakuxchi zangwine ojao chithaile zangwat ang tomkya ningle za-amankyae mongtsik-mongma alaile.

WANWÜNKAX 18:8

Zaman zangwün a huanuma tile: ija jok angkya to keme chemtukuxle mongkünpuix!

WANWÜNKAX 17:4

Ochax khünakbue ochax tutex to nathale, ilaxle atsekyabue tselop-khuatwon zangwün to nathale.

WANWÜNKAX 16:28

Khualop-zangwün a chichang-chizangkya khünakbue apukpu; ibue tingtui adün ilaxle üitho amütle.

MÜNCHUAK-TSAI 141:6

Chemtue hwom lompabu zak-kho tokhange tswonle awütpuix, hwom zangwün changkya changkox-ale khünaknue thüiüi.

MÜNCHUAK-TSAI 101:5

Huxsa ma tomzi zongto chichangle tüikya mix kue amütüi. Miktsak hia mongngam füikya khünak füi ku adu ang münthoüi.

1 SAMUEL 26:19

Wanghompa, kue akaxse ku kax to tam apahüi. Nang ku zongto zan ang achangle paokya Zang tokhange jangchang, tö koxkya makhange chix mong alüix ang tsuaküi, ikoxle khünakbue alop-alüikya jangchang, Jowanpa thuakzom hwom hato naxhüikox, chemthüikoxle Jowanpa haxtok angkya hwome ku mixnok chaxwan to jwonle apaopu, ilaxle mixnok baozangbu to shwom angkya chifün ma ku asam thompu.

LIWI 19:16

Owawa bato khualople taxchang, ilaxle owawa a chix khüzün hanpakma kaxfün khwa ma tüipongma, nang zangwüne chix to kaxjua fongtsuak angkya olom jangtüi thüiningle ija akaxle laxkox. Ku a Jowanpa hünzom Zang changle.

1 SAMUEL 20:1

Ifüima Ramah ma tüikya Naioth angkya Dawid a Jonathan hato pao. Chixe atüi: “Kue chemthüidaopu? Kue chem müt kopdaopu? Hünpae ku lang ang namtungle kue thaikya mwot chem mokdaopu?”

1 SAMUEL 24:8

Ifüima Dawid-e chix füima azuile ziklaxle chix nyakle akhong: “Wanghompa!” Sol-e aküile hu, ikoxle Dawid-e chix achuakle haxchi to akhuxle hu,

1 SAMUEL 24:10

Nange hukoplax, athax ile longkun mong ma nang a Jowanpae ku chak to koxdaokya. Ku khünak züizüibue nang a langkoxhule thüikya, ikoxlechu nang hanpakma ku mongto kak ilaxle kue nang to ikuxsa ngaxchu chakmok-janlangle oma chemchu chimoküi, chemthüikoxle nang a tuita Jowanpae kamle kopkya wanghompa changle le kue akaxpu.

1 SAMUEL 26:18

Anaole chu chizakle chixe thüi: “Nange ku athax kople büthüikoxle achuale ngopu? Ku a tuita nang dapa münchang hia? Kue chem zia amadaopu? Kue chem mütkopkya tüidaopu?

JEREMIA 37:18

Ipongma kue atüi: “Nange ku kun to shole thom angkya, kue nang bama chichangba nguakax-wangkho hwom bama chichangba khünaknu bama thaikya oli kue chem mokdaopu?

1 SAMUEL 20:41

Ija naosün chatkya füima, longbu athünle tüikya nuk tokya Dawid ajongle lai ilaxle chix chitong ma othom azom ma shwom. Jonathan hokhi akün laxle tata füi tun apongle sop; Dawid mongmae Jonathan mongma to kaile.