1 SAMUEL 23:21 - OTSAO BAIBEL (BSI)

²¹ Sol-e lan: “Hünzome ku hato ija chingcha ahokya hanpakma Jowanpae hünzom to mohimanle naxchang!

1 SAMUEL 23:21 ပူးပေါင်းရင်းမြစ်များ

1 SAMUEL 22:8

Ikhokhoma hünzom ku zan to kapuix nyi? Hünzom opupue ngaxchu Dawid füi kusa zuikhui ang ngokya owaechu ku hama wünle chifa. Hünzom opupue ngaxchu ku tuitexle changkya mix chitüi chichangba Dawid a tuita ku mamixe, ku lang angkya hanpakma ipongkhae oshua lomle ngokya tamchu ile chang angkya bama kusae chix ang zong adünle ngokya ku hama wünle chifa!”

MIKA 3:11

Tingnu angkya pünpa-chongwangbue zuizun kop angkya hanpakmale khünaknu to apün, nguapabue Wanlom a kop ang taile kox, ajebue hwom mikngün ngun hanpak ang tix ngai: ikoxle hwom pange wüi Jowanpa a hwom füi tüile le akax. Hwome thüi: “Kwom hato thomzün chemchu münhüiüi. Jowanpa a kwom füi tüile.”

ISAIA 66:5

Jowanpae chem akaxpuix ija to apalax, hünzom chix chathua zakyabu tamchu chix kax ma laxle ngokyabu: “Chemthüikoxle hünzom ma ku to mongongkya tüile, hünzom khünak züizüie hünzom to miktsakle ilaxle hünzom füi tomle mok angkya mwot hwom ma chemchu müntüi. Hwome hünzom chanyi ilaxle thüi: ‘Jowanpae chix chuak-chongkya naxahokox ilaxle hünzom khosünle naxchang kox, ikoxtix kwome hünzom mongmüikya ngünüi.’ Ikoxlechu hwom a hwom alüile thajaokya tüiüi!

MÜNCHUAK-TSAI 10:3

Chichangchizangkyabu hwom ochax mongzok bama huanuma ngamle; nüfux füikya mixe Jowanpa to thuakzomle tamchu chix chilaxle awütle.

KAXFÜNPA-HWOM 17:2

Chixe honu hama akaxle thüi: “Chemtue nang angkya khop ngunkhix hobün-büta owawae ahuxle paopongma, nange ija ahuxmix to thuakzomle changpu. Nange ile changkya kue atatlaxpu, ija ngun a ku ma tüile. Ija ahuxle paokya mix a ku changpu.” Chix honue thüi: “Jowanpae nang to mohimanle naxchang, kusa!”

1 SAMUEL 23:22

Pao laxle tamchatle opaktikle changhu; chix a ojong tomta ma tüipuix ilaxle chix owae ngündaopuix ibu opak-otua müile tik-hu. Kue chix a tüle huxtsing-loptsang khünak changle le atatle.

2 SAMUEL 2:5

chixe ija kaxho füi khünak züita ikhato akat: “Hünzome wanghompa mang akhün laxle chix achuak-achenle changkya hanpakma hünzom to Jowanpae mohimanle naxchang.

PONGWANG LAIPEX 20:13

Ikhoma chemtue Zang-e ku apa hwom hom tokya mixnok chaxwan to tomle apaopuix, ‘Nange ku to e-sele tüikya a pangnusa hato nang a ku nanao changpule akaxkya makhange aho ang tsuaküi’ le akaxkya changkoxa.”

1 SAMUEL 15:13

Samuel Sol hato ngui. Sol-e chix shwomle thüi: “Samuel, Jowanpae nang to mohiman hüi! Kue Jowanpa kax ma laxle tüidaoa.”