1 SAMUEL 23:17 - OTSAO BAIBEL (BSI)

¹⁷ Chixe thüi: “Nang taxza, Apa-e nang to chem münthüitho. Nang a Israel nok ma wanghom ang achang angkya ilaxle ku nang fang ma tüichong lyakho tüi angkya chixe bakle tsingle ngopu.”

1 SAMUEL 23:17 ပူးပေါင်းရင်းမြစ်များ

1 SAMUEL 20:31

Dawid zile machang tanto nang ija wangting ma tuita wanghom ang achang ang münthole nange matsing hexnyi? Athax ile paolax ilaxle chix a ikhato apüihüi; chix mik amüt angkya wüi changle!”

1 SAMUEL 24:20

Athax kue tsingle laxdaoa, nang a Israel nok wanghom ang achangüi ilaxle nang chak ma wangting tsünlole ngoüi.

IBRI 13:6

Idaile mongchonghax üntoxle akaxhax, “Jowanpa a ku to fongmix, ku otuechu münza. Owae ku to chemthüi thoüi?”

WANGSHEMBU MWOT 28:16

Kwome Rom alopkya zuma, Rom sotkarie, Pol boma nyetmix lanlan laxlaxle, chix süisüi le ngo ang dan.

ISAIA 54:17

ikoxlechu hünzom to tüta ningkya chang-paxe chu mak-khale chang ang müntho; hünzom ma kaxhux fekyabu pangnusa hanpakma hünzom ma lan angkya kax tüiüi. Kue ku dapabu khoseüi ilaxle hwom ang lütkya koxüi.” Jowanpae akaxdaoa.

ROM NOK HATO ZAKYA POL LAIZA 15:24

Ku Spain to kaüi lomto kue hünzom ngünse le texpu, üntoxle onox ma hünzom waile mongzom müilaxle, ku Spain to ka ang hünzome ku to namfongbae le texpu.

WANGSHEMBU MWOT 5:39

ikoxle ija a Zang tokhange hüikya jangchang thüiningle hünzome hwom to lüt ang münthopu. Itülüi, hünzom mix Zang füi alünkya ang achangle bangüi!” Nguawangbue Gamaliel kax changkoxa le lax.

KAXHO MÜIKYA LUK 12:32

“Taxza, hixkya othom! Chemthüi-koxle hünzom ang Wangting kox angkya Hopa mong tsule.

ISAIA 41:14

Jowanpae thüile: “Israel, hidaole wüi tamchu sho-naikyabu changle, ikoxlechu taxza; kue hünzom to fongüi. Ku, Israel nok otsao Zang, ku tix changle hünzom khosünkya a.

ISAIA 41:10

Ojao taxza — Ku a hünzom füi tüile! Ku a hünzom Zang — hünzom a chem ma chu taxabüt! Kue hünzom tsak-zongle zingüi ilaxle asunüi; kue hünzom kho-awaüi ilaxle hünzom khosünüi.

WANWÜNKAX 19:21

Khünaknue mok angkya mwotlom pangnuli zingle chu ano koxlax, ikoxle ija tsuakle fa angkya a Jowanpae tix.

WANWÜNKAX 14:26

Jowanpa chathua zakyae khünak tuita ang tamchu chix homkha ang mongong chalom hia khangkho sünkya tüiüi.

1 SAMUEL 24:4

Hwome chix ang thüi: “Ija a nang hanpak changle! Nang zanpa nang chak to dong angkya ilaxle chix to nang mong atsutsu ma hwon angkya Jowanpae nang füi akaxdaoa.” Dawid-e zuile nguilaxle, Sol-e chitsingtoxle chix nyitua zütle pao.

1 SAMUEL 24:19

Khünake ma zanpa koplaxle chilang homtoxle obima danle apaodaopu? Anyix nange ku to chem mokdaopuix ija bama Jowanpae nang to mohimanle naxchang!

MÜNCHUAK-TSAI 118:6

Jowanpa ku füi tüile, ku chemthua chu münza; ku to owae chemthüithoüi?

1 SAMUEL 22:23

Ku füi ngolax ilaxle ojao taxza. Sol-e künyi pangnyi langse tsupu, ikoxlechu nang ikhato ku füi khosünle ngo ang kopüi.”

1 SAMUEL 24:21

Ikoxle ku tamchu ku sixlibu mün owüiole amütle chichang angkya hanpakma, nange hwom max ang müntompu le Jowanpa mün ma tsaofa.”

1 SAMUEL 25:30

Ilaxle Jowanpae nang ang tsaokya müikya oli bakle mokle hüi ilaxle nang a Israel noke wanghom ang zingle chang füima,

ISAIA 35:3

Na-juale tüikya chak ang janzüi koxle chikuxkho ma zong chitüikyabu ang zong koxle.

ISAIA 35:4

Mong athole ngokya pangnusa ang thüikox, “Mong chonglax ilaxle taxza! Hünzom khose ang Zang nguingole, hünzom zanpabu to sikangün ang a.”