1 SAMUEL 23:12 - OTSAO BAIBEL (BSI)

¹² Dawid-e atüi: “Jangchang thüiningle Keilah noke ku tamchu ku khünakbu Sol chak to koxle apao angkya hia?” Jowanpae lan: “Hwome koxüi.”

1 SAMUEL 23:12 ပူးပေါင်းရင်းမြစ်များ

MÜNCHUAK-TSAI 31:8

Nange ku zanpabu ang ku kop ang chitom; ku mong atsutsu khato aham angkya nange ku ang mongtex panpu.

1 SAMUEL 23:20

Wanghompa, nange chix kop angkya chemtukuxle azongle lomle ngopuix ija kwome awanpu; idaile kwom haxtok to nguilax, kwome tüle changkoxchu nange chix kop ang tomüi.”

MÜNCHUAK-TSAI 62:1

Zang-e ku khosünle kop angkya hanpakma adule tanngopu; kue chix totix onglaxle ngopu.

IBRI 4:13

Zang pomtho ma pyenle thomtho angkya chemchu müntüi; zingkya oli pangwüi chix miksho ma alaile hia ngaitho le tüile. Üntoxle kem pange wüi ma bama akiak-azyakkya chix ang kox angkya changpu.

ISAIA 29:15

Ma mwottho Jowanpa pomtho ma pyen ang azongkyabu a maxdaoa! Hwome hwom mwot huxsa ma mokle ilaxle ija hwome mokle ngokya mwot owaechu münngün chichangba müntsingle thütle.

1 SAMUEL 23:7

Dawid Keilah to paokya Sol-e atale lax ilaxle chixe thüi: “Zang-e chix ku chak fangma dandaoa. Long katuk füi pan zailaxle tüikya tinglong tuita to nguilaxle Dawid a chix alüile tsün ma amankya ang changpu.”

MÜNCHUAK-TSAI 118:8

Khünak to mongkya füi Jowanpa to mongong thomkya wüi sümüi.

KAXFÜNPA-HWOM 15:10

Judah angkya khünakbue hwom ma atüi: “Hünzome kwom to chemkhoma singpu?” Hwome lan: “Kwom a Samson koplaxle pao ang nguipu; kwom to chixe chemle hwonpuix ija lailaile kwomechu chix to hwon angkya changle.”

1 SAMUEL 23:11

Keilah noke ku a Sol chak to koxle apao angkya hia? Kue atatkya lailaile Sol a nguitomtaüi hia? Jowanpa, Israel nok Zang, chingchalaxle ku kax to lanhüi!” Jowanpae lan: “Sol a nguiüi.”

JEREMIA 11:18

Ku zanpabue ku zan to ka ang atsingle ngokya Jowanpae ku hama apuapu.

MÜNCHUAK-TSAI 143:8

Chizakkya nang mongkün bama nop-fole ku hama wünhüi, chemthüikoxle kue ku mongong nang ma thompu. Ku zangjop nang hato dongle; ku lese lom ku hama ahohüi.