1 SAMUEL 22:8 - OTSAO BAIBEL (BSI)

⁸ Ikhokhoma hünzom ku zan to kapuix nyi? Hünzom opupue ngaxchu Dawid füi kusa zuikhui ang ngokya owaechu ku hama wünle chifa. Hünzom opupue ngaxchu ku tuitexle changkya mix chitüi chichangba Dawid a tuita ku mamixe, ku lang angkya hanpakma ipongkhae oshua lomle ngokya tamchu ile chang angkya bama kusae chix ang zong adünle ngokya ku hama wünle chifa!”

1 SAMUEL 22:8 ပူးပေါင်းရင်းမြစ်များ

1 SAMUEL 18:3

Jonathan-e chix tokya mongküne Dawid füi tamchiashuktoxkya zuikhui hex-ole tsaosax.

1 SAMUEL 23:21

Sol-e lan: “Hünzome ku hato ija chingcha ahokya hanpakma Jowanpae hünzom to mohimanle naxchang!

JOB LAIPEX 33:16

Chixe hwom ang chix kax apa ang tomle, ilaxle hwom a chix kaxkhün thoto zale.

1 SAMUEL 20:42

Ifüima Jonathan-e Dawid ang thüi: “Nang füi Jowanpa naxtüi. Künyie tata füi tsaosax daokya zangwün künyi su-sa hwom tsün to lünle otya ma thom angkya to Jowanpae fonghüi.” Ifüima Dawid achexle pao, ikoxle Jonathan a tingnu to chat.

1 SAMUEL 20:8

Nange ku hanpakma ija ku to fongle shong-mok fahüi ilaxle nange tsütkya tsaotsüt chiamale thom hüi. Ikoxle ku thaile jangchangdao thüiningle, ku a nange wüi langhüi! Nange ku a hünpa hato apüilaxle lang ang taxdan!”

1 SAMUEL 20:2

Jonathan-e lan: “Nang mik max angkya Jowanpae abaxhüi! Khütkhaxkya mwot chichanglax changlax, apae chix mwot komkaile ku hama wüntüipu, idaile ija zangwün chixe ku hama chiwünle müntüise. Ija zangwün a otsing tomtata münchang!”

1 SAMUEL 22:13

Sol-e chix ma atüi: “Dawid hünkhie ku büthüikoxle tung ngo? Nange ku ang süt kox, changlo kox ilaxlechu chix bama Jowanpa ma tsaitik-kaxsho, ile büthüikoxle hwonpu? Athaxpi chix a ku zongto zanpa ang achangdaoa ilaxle ku mik amüt angkya oshua to hule ngole!”

1 SAMUEL 18:1

Sol hia Dawid nyie hokhi zangwün ashuk. Ifüima Sol sasün Jonathan-e Dawid to ma bütukuxle jao mongkünle thüt.

2 WANGHOMBU 6:11

Ija bama Siria nok wanghompa ang tüle mongma; chixe chix nguakax-wangkhobu selaxle hwom ma atüi: “Hünzom khama Israel nok wanghompa chima sele ngokya opupuhex?”